完整藏文原文 · 德格版页 当前仅加载第 75 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཀྱང་དགའ་བར་གྱུར་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ། །དེ་ནས་བཅོམ་ལྡན་འདས་ཀྱིས་དེ་ལ་འཁོར་བ་ལས་སྐྱོ་བར་འགྱུར་བའི་ཆོས་བསྟན་ཏེ། དེ་ཐོས་པས་འཁོར་བ་ལ་ཉེས་
D343.075.0103b01.01པར་ལྟ་བ་དང་མྱ་ངན་ལས་འདས་པ་ལ་ཡོན་ཏན་དུ་ལྟ་བར་འགྱུར་ཏེ། ཕ་མ་གཉིས་ཀྱིས་གནང་ནས་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ངོ་། །དེ་དེ་ལྟར་རབ་ཏུ་བྱུང་ནས་ཉེ་དུ་དེ་དག་དང་ལྷན་ཅིག་ཏུ་འདུ་ཞིང་གནས་སོ། །དེ་ནས་བཅོམ་ལྡན་འདས་ཀྱིས་དེ་ཁྱིམ་པ་དང་འདུ་བ་ལས་
D343.075.0103b02.01བཟློག་ནས་དགོན་པར་གནས་པ་ལ་འཛུད་པར་མཛད་ན་དེ་དེར་མི་དགའོ། །དེ་ནས་དེ་བཅོམ་ལྡན་འདས་ཀྱིས་ལན་གསུམ་གྱི་བར་དུ་ཁྱིམ་པ་དང་འདུ་བ་ལས་བཟློག་པར་མཛད་དེ། བུ་ཁྱིམ་པ་དང་འདུ་བ་འདི་ནི་ཉེས་པ་དུ་མ་དང་ལྡན་ཏེ། མིག་གིས་ཤེས་པར་བྱ་བའི་གཟུགས་སྡུག་པ་དང་།
D343.075.0103b03.01ཕངས་པ་དང་། སྙིང་དུ་སྡུག་པ་དང་། ཡིད་དུ་འོང་བ་དང་། འདོད་པ་དང་ལྡན་པ་དང་། ཆགས་པར་འགྱུར་བ་དང་། ཚེར་མ་དང་འདྲ་བ་དང་། རྣ་བས་ཤེས་པར་བྱ་བའི་སྒྲ་རྣམས་དང་། སྣས་ཤེས་པར་བྱ་བའི་དྲི་རྣམས་དང་། ལྕེས་ཤེས་པར་བྱ་བའི་རོ་རྣམས་དང་། ལུས་ཀྱིས་ཤེས་པར་བྱ་བའི་
D343.075.0103b04.01རེག་བྱ་རྣམས་དང་། སྡུག་པ་དང་། ཕངས་པ་དང་། སྙིང་དུ་སྡུག་པ་དང་། ཡིད་དུ་འོང་བ་དང་། འདོད་པ་དང་ལྡན་པ་དང་། ཆགས་པར་འགྱུར་བ་དང་། ཚེར་མ་དང་འདྲ་བ་དག་ཡོད་དོ་ཞེས་གསུངས་སོ། །གང་དུ་གནས་བཅས་ན། དགེ་བའི་ཆོས་རྣམས་འཕེལ་བར་འགྱུར་བའི་དགོན་པའི་
D343.075.0103b05.01ཡོན་ཏན་དག་ཀྱང་རྣམ་གྲངས་དུ་མར་བསྔགས་སོ། །དེ་ནས་རེ་ཞིག་ན་རིགས་ཀྱི་བུ་དེས་དགེ་བའི་བཤེས་གཉེན་བཅོམ་ལྡན་འདས་ལ་བརྟེན་ནས་དགོན་པར་གནས་པ་ལ་ཡང་རྟག་ཏུ་བརྩོན་པ་དང་བསྒྲུབ་པ་དང་འབད་པས་ཕོལ་མིག་ལྔ་པའི་འཁོར་བའི་འཁོར་ལོ་འདི་ཉིད་གཡོ་ཞིང་མི་བརྟན་
D343.075.0103b06.01པར་རིག་ནས། འདུ་བྱེད་ཀྱི་རྣམ་པ་ཐམས་ཅད་རྙིལ་བ་དང་། ལྟུང་བ་དང་རྣམ་པར་འཐོར་བ་དང་རྣམ་པར་འཇིག་པའི་ཆོས་ཅན་ཡིན་པར་རྩད་ཆོད་དེ། ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས་ཏེ། དགྲ་བཅོམ་པ་ཁམས་གསུམ་པའི་འདོད་ཆགས་
D343.075.0103b07.01