完整藏文原文 · 德格版页 当前仅加载第 75 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། མེ་ཏོག་ཕྲེང་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་དག་གིས་བཀུར་སྟི་བགྱིའོ་ཞེས་གསོལ་ཏོ། །དེ་ནས་རེ་ཞིག་ན་རྒྱལ་པོ་གཟུགས་ཅན་སྙིང་པོས། བཅོམ་ལྡན་འདས་ལ་གསོལ་པ། བཅོམ་ལྡན་འདས་
D343.075.0147a01.01བདག་ལ་དབུ་སྐྲ་དང་སེན་མོ་སྩལ་དུ་གསོལ། འོན་ཏང་བདག་གིས་མཆིས་བྲང་འཁོར་དུ་དེ་བཞིན་གཤེགས་པའི་མཆོད་རྟེན་བརྩིགས་ཏེ། ཞལ་བསྲོ་བར་བགྱིའོ་ཞེས་གསོལ་ཏོ། །དེ་ནས་རེ་ཞིག་ན་བཅོམ་ལྡན་འདས་ཀྱིས་དབུ་སྐྲ་དང་སེན་མོ་བྱིན་ནས་རྒྱལ་པོ་གཟུགས་
D343.075.0147a02.01ཅན་སྙིང་པོ་བཙུན་མོའི་འཁོར་དང་བཅས་པས། བཙུན་མོའི་འཁོར་གྱི་ནང་དུ་བཀུར་སྟི་ཆེན་པོ་དང་ལྡན་པས་དེ་བཞིན་གཤེགས་པའི་དབུ་སྐྲ་དང་སེན་མོའི་མཆོད་རྟེན་བརྩིགས་ཏེ་ཞལ་བསྲོས་ནས། དེ་ལ་བཙུན་མོའི་འཁོར་གྱིས་མར་མེ་དང་། བདུག་པ་དང་། མེ་ཏོག་
D343.075.0147a03.01དང་། སྤོས་དང་། མེ་ཏོག་ཕྲེང་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་དག་གིས་ཀྱང་མཆོད་པ་བྱེད་དོ། །དེ་ནས་གང་གི་ཚེ་རྒྱལ་པོ་མ་སྐྱེས་དགྲ་ལྷ་སྦྱིན་གྱིས་རྦད་དེ། ཡབ་ཆོས་དང་ལྡན་པ་ཆོས་བཞིན་དུ་རྒྱལ་པོ་བྱེད་པ་བསད་ནས་
D343.075.0147a04.01རང་རྒྱལ་པོར་ཞུགས་པ་དེའི་ཚེ་བཅོམ་ལྡན་འདས་ཀྱི་བསྟན་པ་ལ་སྦྱིན་པར་བྱ་བའི་ཆོས་ཐམས་ཅད་བཅད་ད། སུ་ཡང་དེ་བཞིན་གཤེགས་པའི་མཆོད་རྟེན་ལ་བཀུར་སྟི་མ་བྱེད་ཅིག་ཅེས་ཁྲིམས་ཀྱང་བཅས་སོ། །དེ་ནས་གང་གི་ཚེ་ཚེས་{བཅྭ་,བཅོ་}ལྔ་ལ་སྐབས་འབྱེད་པའི་
D343.075.0147a05.01དུས་ལ་བབ་པ་དེའི་ཚེ་དབུ་སྐྲ་དང་སེན་མོའི་མཆོད་རྟེན་དེ་ལ་སུ་ཡང་ཕྱག་དར་བྱེད་པའམ། མར་མེ་དང་། བདུག་པ་དང་། མེ་ཏོག་དབུལ་བ་མེད་དོ། །དེ་ནས་བཙུན་མོའི་འཁོར་གྱིས་དབུ་སྐྲ་དང་སེན་མོའི་མཆོད་རྟེན་དེ་དེ་ལྟ་བུར་གྱུར་པ་ཡང་མཐོང་། རྒྱལ་པོ་
D343.075.0147a06.01གཟུགས་ཅན་སྙིང་པོ་ཡང་དྲན་ནས། སྙིང་རྗེ་རྗེ་སྐད་དུ་ངུ་ཞིང་ཀྱི་ཧུད་ཆོས་དང་ལྡན་པའི་རྒྱལ་པོ་དང་བྲལ་བས་བདག་ཅག་བསོད་ནམས་ལས་འགྲིབས་སོ་ཞེས་འཛེར་ཏོ། །དེའི་ནང་ནས་བཙུན་མོ་དཔལ་ལྡན་མ་ཞེས་བྱ་བ་དེས་རང་གི་སྲོག་དང་བསྡོས་ཏེ། སངས་རྒྱས་
D343.075.0147a07.01