完整藏文原文 · 德格版页 当前仅加载第 42 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
པ་འཐོབ། །རྒྱལ་བའི་འཛུམ་གྱི་ཕྲིན་ལས་འདི། །ཁྱོད་ཀྱི་སྲས་རྣམས་འཚལ་གྱུར་ན། །ནན་ཏན་གྱིས་ནི་རབ་ངེས་ཤིང་། །ཤེས་པས་རྗེས་སུ་མཆི་བར་འགྱུར། །རྒྱལ་བའི་ཁྱུ་མཆོག་ཁྱོད་ཀྱིས་ནི། །འགྲོ་བའི་ཐེ་ཚོམ་འདི་བསལ་གསོལ། །འཇིག་རྟེན་ཐེ་ཚོམ་ཆད་གྱུར་ན། །
D60.042.0167a01.01བདེ་བ་རྒྱ་ཆེན་ཐོབ་པར་འགྱུར། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རྟ་ཐུལ་ལ་ཚིགས་སུ་བཅད་དེ་སླར་བཀའ་སྩལ་པ། ངས་ནི་འཛུམ་ཞིང་གང་མཛད་པ། །རྟ་ཐུལ་དེ་ནི་ང་ལས་ཉོན། །ཤཱཀྱ་རྣམས་ཀྱི་བློ་ངེས་པ། །ཡང་དག་ཇི་བཞིན་ལུང་བསྟན་ཏོ། །ཆོས་རྣམས་དམིགས་སུ་
D60.042.0167a02.01མེད་པར་ནི། །ཤཱཀྱ་རྣམས་ཀྱིས་ཡང་དག་ཤེས། །དེ་ཕྱིར་སངས་རྒྱས་ཆོས་རྣམས་ལ། །འདི་དག་ཡིད་ནི་ངེས་པར་བཞག །དམིགས་སུ་མེད་ལ་བརྟེན་ནས་ནི། །ཤཱཀྱ་གྲགས་པ་ཆེན་པོ་པ། །ཆོས་རྣམས་ཀུན་ལ་ངེས་གྱུར་ནས། །བླ་མེད་བྱང་ཆུབ་ཐོབ་པར་འགྱུར། །ཤཱཀྱ་ངེས་པ་འདི་དག་ནི། །མི་ཡི་
D60.042.0167a03.01ནང་ནས་ཤི་འཕོས་ནས། །བདེ་བ་ཅན་གྱི་འཇིག་རྟེན་དུ། །འོད་དཔག་མེད་ཀྱི་དྲུང་དུ་འགྲོ། །བྱང་ཆུབ་སེམས་དཔའ་འཇིགས་མེད་པ། །བདེ་བ་ཅན་ན་གནས་པའི་ཚེ། །སངས་རྒྱས་བྱེ་བ་གྲངས་མེད་ལ། །ཕྱོགས་བཅུ་དག་ཏུ་མཆོད་བྱེད་འགྱུར། །མཁས་པ་རྣམས་ནི་ཁམས་གཅིག་ན། །སངས་རྒྱས་
D60.042.0167a04.01བཞུགས་རྣམས་བསྙེན་བཀུར་བྱེད། །སེམས་ཅན་ཀུན་ལ་ཕན་ཚོལ་ཞིང་། །བྱང་ཆུབ་མཆོག་ཏུ་སྨོན་ལམ་འདེབས། །དེ་བཞིན་གཤེགས་རྣམས་མཆོད་བྱེད་ཅིང་། །ཞིང་ནས་ཞིང་དུ་རྣམ་པར་རྒྱུ། །གང་དུ་སངས་རྒྱས་འབྱུང་བར་ཡང་། །རྫུ་འཕྲུལ་སྟོབས་ཀྱིས་འདོང་བར་འགྱུར། །བསྐལ་པ་བྱེ་བ་
D60.042.0167a05.01གྲངས་མེད་དུ། །མེ་ཏོག་རྣམ་པ་སྣ་ཚོགས་ཀྱིས། །དེ་བཞིན་གཤེགས་པ་རྣམས་མཆོད་ནས། །དེ་ཡི་འོག་ཏུ་འདྲེན་པར་འགྱུར། །དེ་ཚེ་སངས་རྒྱས་རེ་རེ་ཞིང་། །སེམས་ཅན་ཁྲག་ཁྲིག་མང་པོ་དག །བྱང་ཆུབ་ཕྱིར་ནི་སངས་རྒྱས་ཀྱིས། །སངས་རྒྱས་དགོངས་ལ་འགྲོ་བ་འདུལ། །སངས་
D60.042.0167a06.01རྒྱས་ཀུན་གྱི་ཞིང་རྣམས་ན། །བྱང་ཆུབ་སེམས་དཔའ་རྣམས་ལ་སྟོན། །དེ་ན་སངས་རྒྱས་གང་ཡང་ནི། །ཉན་ཐོས་འདུལ་བར་ཡོང་མི་འགྱུར། །སངས་རྒྱས་དེ་དག་རེ་རེ་ཞིང་། །དེ་ན་ཚེ་ཚད་འགྱུར་བ་ནི། །བྱེ་བ་གྲངས་མེད་ལོ་རྣམས་སུ། །ཆོས་སྟོན་པ་དག་གནས་པར་འགྱུར། །དེ་དག་མྱ་ངན་ཡོངས་
D60.042.0167a07.01