完整藏文原文 · 德格版页 当前仅加载第 42 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་མི་ཟད་པ་སྟེ། སེམས་ཅན་གྱི་ཁམས་ཇི་ལྟར་མི་ཟད་པ་དེ་ལྟར་མི་ཟད་པའི་བསོད་ནམས་དེ་བཞིན་གཤེགས་པའི་སེམས་བསྐྱེད་པ་རེ་རེ་ལས་འབྱུང་ངོ་། །སེམས་དེ་ནི་སེམས་ཅན་ཐམས་ཅད་ལ་ཕན་པའི་དོན་དུ་སྐྱེས་པས་སེམས་ཅན་ཐམས་ཅད་ཀྱིས་མཆོད་ཀྱང་ལན་
D60.042.0030a01.01ལོན་པར་མི་ནུས་སོ། །དེ་ཅིའི་ཕྱིར་ཞེ་ན། འཇིག་རྟེན་པའི་མཆོད་པ་ནི་ཟང་ཟིང་དང་བཅས་པ་ཡིན་ལ། བྱང་ཆུབ་སེམས་དཔའ་སེམས་དཔའ་ཆེན་པོའི་སེམས་སེམས་ཅན་ཐམས་ཅད་ལ་ཕན་པའི་དོན་དུ་འབྱུང་བ་ནི་སེམས་ཅན་འཁོར་བ་ལ་གཞོལ་བ་འདི་དག་མྱ་ངན་ལས་འདས་པ་ལ་ཇི་ལྟར་གཞོལ་
D60.042.0030a02.01བར་འགྱུར་ཞེས་ཏེ་ཟང་ཟིང་མེད་པའི་ཕྱིར་རོ། །དེ་བཞིན་གཤེགས་པ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ་སེམས་ཅན་རྣམས་ཀྱི་དོན་དུ་ཟང་ཟིང་མེད་པའི་སེམས་དཔག་ཏུ་མེད་པ་བསྐྱེད་པར་གྱུར་ཏོ། །དགེ་སློང་དག་སྔོན་བྱུང་བ་འདས་པའི་དུས་བསྐལ་པ་དཔག་ཏུ་མེད་པ། བགྲང་དུ་
D60.042.0030a03.01མེད་པ། བསམ་གྱིས་མི་ཁྱབ་པ། མཚུངས་པ་མེད་པ། གཞལ་དུ་མེད་པ། བརྗོད་དུ་མེད་པ་འདས་པ་དེའི་ཚེ་དེའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་
D60.042.0030a04.01བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་དབང་པོའི་ཏོག་ཅེས་བྱ་བ་འཇིག་རྟེན་དུ་བྱུང་སྟེ། དགེ་སློང་དག་དེ་བཞིན་གཤེགས་པ་དབང་པོའི་ཏོག་དེས་སེམས་བསྐྱེད་པ་རེ་རེ་ཞིང་གང་གཱའི་ཀླུང་གི་བྱེ་མ་སྙེད་ཀྱི་འཇིག་རྟེན་གྱི་ཁམས་ཀྱི་སེམས་ཅན་
D60.042.0030a05.01རྣམས་ལ་ཕན་པར་དགོངས་པར་གྱུར་ཏེ་དོན་ཀྱང་མཛད་དོ། །དེ་བཞིན་གཤེགས་པ་དབང་པོའི་ཏོག་གི་སངས་རྒྱས་ཀྱི་ཞིང་ཡང་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་ལ་སངས་རྒྱས་ཀྱི་ཞིང་གཅིག་ཏུ་གྱུར་ཏེ། ཡོངས་སུ་དག་ཅིང་ངན་སོང་དང་མི་ཁོམ་པ་ཐམས་ཅད་ཡོངས་སུ་ཆད་པ་སྟེ།
D60.042.0030a06.01དེ་བཞིན་གཤེགས་པ་དབང་པོའི་ཏོག་དེའི་སངས་རྒྱས་ཀྱི་ཞིང་དེ་ན་ལོག་པར་ངེས་པའི་སེམས་ཅན་གྱི་སྐྱེ་བ་ཡོང་མེད་པར་གྱུར་ཏོ། ལྟ་བའི་རྣམ་པ་ཡོང་མེད་པར་གྱུར་ཏོ། །མངོན་པའི་ང་རྒྱལ་ཅན་ཡོང་མེད་པར་གྱུར་ཏོ། །ལུས་དང་ངག་དང་། ཡིད་ཀྱི་ལས་ཀྱི་མཐའ་ཡོངས་སུ་དག་པ་དང་
D60.042.0030a07.01