完整藏文原文 · 德格版页 当前仅加载第 42 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ནས་ཀྱང་མི་འོང་ངོ་། །རྒྱལ་པོ་ཆེན་པོ་གང་འཇིག་རྟེན་འདི་འཇིག་པར་འགྱུར་བའི་དུས་དེ་ཡོད་དེ། འཇིག་རྟེན་གྱི་ཁམས་འདི་འཇིག་པར་འགྱུར་བའི་ཚེ་ཉི་མ་གཉིས་འཇིག་རྟེན་དུ་འབྱུང་བར་འགྱུར་ཏེ། ཉི་མ་གཉིས་འཇིག་རྟེན་དུ་བྱུང་བས་ཆུ་མིག་དང་། ཆུ་བྲན་རྣམས་སྐམ་པར་འགྱུར་རོ། །དེ་ནས་ཉི་མ་གསུམ་འཇིག་རྟེན་དུ་
D60.042.0130b01.01འབྱུང་སྟེ། ཉི་མ་གསུམ་འཇིག་རྟེན་དུ་བྱུང་བས་ཆུ་མིག་ཆེན་པོ་དང་། ཆུ་ཀླུང་ཆེན་པོ་རྣམས་སྐམ་པར་འགྱུར་རོ། །དེ་ནས་ཉི་མ་བཞི་འཇིག་རྟེན་དུ་འབྱུང་སྟེ། ཉི་མ་བཞི་འཇིག་རྟེན་དུ་བྱུང་བས་གང་ན་ཆུ་ཀླུང་ཆེན་པོ་བཞི་པོ་འདི་དག་འབབ་པའི་མཚོ་ཆེན་པོ་མ་དྲོས་པ་དེ་ཡང་
D60.042.0130b02.01ཡོངས་སུ་སྐམ་པར་འགྱུར། ཐིམ་པར་འགྱུར་ཏེ་མེད་པར་འགྱུར་རོ། །དེ་ནས་ཉི་མ་ལྔ་འཇིག་རྟེན་དུ་འབྱུང་སྟེ། ཉི་མ་ལྔ་འཇིག་རྟེན་དུ་བྱུང་བས་རྒྱ་མཚོ་ཆེན་པོ་ཡང་དཔག་ཚད་གཅིག་ཙམ་གྱི་ཆུ་ཡོངས་སུ་ཟད་ཅིང་ཡོངས་སུ་འགྲིབ་པར་འགྱུར་རོ། །དཔག་ཚད་གཉིས་དང་།
D60.042.0130b03.01གསུམ་དང་། བཞི་དང་། ལྔ་དང་། བཅུ་དང་། ཉི་ཤུ་དང་། སུམ་ཅུ་དང་། བཞི་བཅུ་དང་། དཔག་ཚད་ལྔ་བཅུ་ཙམ་གྱི་ཆུ་ཡོངས་སུ་ཟད་ཅིང་ཡོངས་སུ་འགྲིབ་པར་འགྱུར་རོ། །དཔག་ཚད་བརྒྱ་དང་། ཉིས་བརྒྱ་དང་། སུམ་བརྒྱ་དང་། བཞི་བརྒྱ་དང་། དཔག་ཚད་ལྔ་
D60.042.0130b04.01བརྒྱ་དང་། དཔག་ཚད་སྟོང་དང་། ཉིས་སྟོང་དང་། སུམ་སྟོང་དང་། དཔག་ཚད་བཞི་སྟོང་ཙམ་དུ་རྒྱ་མཚོ་ཆེན་པོ་ལས་ཆུ་ཡོངས་སུ་ཟད་ཅིང་ཡོངས་སུ་འགྲིབ་པར་འགྱུར་རོ། །རྒྱལ་པོ་ཆེན་པོ་རྒྱ་མཚོ་ཆེན་པོ་ལ་དཔག་ཚད་བཞི་ཁྲིའི་ཆུ་ལས་པར་འགྱུར་བ་དང་། དཔག་
D60.042.0130b05.01ཚད་སུམ་ཁྲི་དང་། ཉི་ཁྲི་དང་། དགུ་སྟོང་དང་། བརྒྱད་སྟོང་དང་། བདུན་སྟོང་དང་། དྲུག་སྟོང་དང་། ལྔ་སྟོང་དང་། བཞི་སྟོང་དང་། སུམ་སྟོང་དང་། ཉིས་སྟོང་དང་། སྟོང་གི་ཆུ་ལས་པར་འགྱུར་བ་དང་། དཔག་ཚད་དགུ་བརྒྱའི་ཆུ་ལས་པར་འགྱུར་བ་དང་། དཔག་
D60.042.0130b06.01ཚད་བརྒྱད་བརྒྱ་དང་། བདུན་བརྒྱ་དང་། དྲུག་བརྒྱ་དང་། ལྔ་བརྒྱ་དང་། བཞི་བརྒྱ་དང་། སུམ་བརྒྱ་དང་། ཉིས་བརྒྱ་དང་། བརྒྱའི་ཆུ་ལས་པར་འགྱུར་བ་དང་། དཔག་ཚད་ལྔ་བཅུ་དང་། བཞི་བཅུ་དང་། སུམ་ཅུ་དང་། ཉི་ཤུ་དང་། བཅུ་དང་། དགུ་དང་། བརྒྱད་དང་།
D60.042.0130b07.01