完整藏文原文 · 德格版页 当前仅加载第 42 函德格 15b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟར་རྒྱལ་བ་སྟོབས་བཅུའི་སྤྱོད་པ་དག །སྔོན་ཆད་སྤྱད་པས་ལྷ་མི་ཟིལ་མནན་ཏེ། །སྔོན་གྱི་དགེ་བའི་རྩ་བའི་གཟི་བརྗིད་ཀྱིས། །རྒྱལ་པོ་དེ་ནི་རབ་ཏུ་རྣམ་པར་མཛེས། །ཚངས་པའི་འཇིག་རྟེན་ན་ནི་ཚངས་པ་ཡང་། །ཚངས་པའི་འཁོར་རྣམས་རང་གིས་ཟིལ་མནན་ཏེ། །
D60.042.0015b01.01ཤིན་ཏུ་སྙན་པ་ཡན་ལག་བརྒྱད་ལྡན་དག །ཡོངས་སུ་རྗོད་པར་བྱེད་ཅིང་མངོན་དུ་མཛེས། །དེ་ལྟར་རྒྱལ་བ་ཚངས་པ་འདྲར་གྱུར་པ། །དགེ་སྦྱོང་རྒྱལ་པོ་དགེ་སྦྱོང་ཚོགས་རྣམས་ཀྱིས། །མདུན་དུ་བདར་ཏེ་བདེན་པའི་གཏམ་གསུང་ཞིང་། །འཇིག་རྟེན་གསུམ་པོ་དག་ན་མངོན་
D60.042.0015b02.01པར་མཛེས། །ཉན་པར་འདོད་པ་ལྷ་དང་མི་རྣམས་དང་། །ལྟོ་འཕྱེ་ཆེན་པོ་དག་ནི་འདུས་མཁྱེན་ནས། །སྐྱེས་བུ་ཁྱུ་མཆོག་ཡན་ལག་བརྒྱད་ལྡན་གྱི། །གསུང་རྣམས་ཀྱིས་ནི་རབ་ཏུ་སྟོན་པར་མཛད། །བྱ་ལམ་ནམ་མཁའ་དཔག་པར་ནུས་ཀྱང་སྲིད། །རྒྱ་མཚོ་བུམ་པས་
D60.042.0015b03.01གཞལ་དུ་རུང་ཡང་སྲིད། །རི་རབ་སྲང་བརྒྱར་གཞལ་དུ་རུང་ཡང་སྲིད། །སངས་རྒྱས་ཡོན་ཏན་མཐའ་རྟོགས་མི་ནུས་སོ། །རྒྱལ་པོ་མངོན་པར་དད་པར་བྱས་པའི་ལེའུ་སྟེ་དང་པོའོ།། །།དེ་ནས་ཚེ་དང་ལྡན་པ་འཆར་ཀ་སོང་ནས་རིང་པོ་མ་ལོན་པར་
D60.042.0015b04.01རྒྱལ་པོ་ཟས་གཙང་མས་ཤཱཀྱ་རྣམས་ལ་བསྒོ་བ། གྲོགས་པོ་དག་འདི་ལྟ་སྟེ། དཔེར་ན་ཉི་མ་འཆར་བའི་སྔ་ལྟས་ནི་གང་འདི་དམར་རིང་འཆར་བའོ། །དམར་རིང་ཤར་ན་ཉི་མ་འཆར་བར་ཤེས་སོ། །གྲོགས་པོ་དག་དེ་བཞིན་དུ་དགེ་སློང་འཆར་ཀ་ཡང་བཅོམ་ལྡན་འདས་
D60.042.0015b05.01ཐམས་ཅད་མཁྱེན་པའི་སྔ་ལྟས་ཡིན་ཏེ། དགེ་སློང་འཆར་ཀས་ཡོན་ཏན་གང་བརྗོད་པ་དེ་དག་ནི་ངེས་པར་ཐམས་ཅད་མཁྱེན་པའི་ཡོན་ཏན་ཡིན་ནོ། །གྲོགས་པ་དག་དེ་ལྟ་བས་ན་བཞོན་པའི་མཆོག་རྣམས་སྟོང་དེ་སྟ་གོན་གྱིས་ཤིག །དེ་ཅིའི་ཕྱིར་ཞེ་ན། དེ་རིང་ཁོ་ན་བདག་ཅག་བཅོམ་
D60.042.0015b06.01ལྡན་འདས་མཆོག་ཏུ་བལྟ་ན་སྡུག་པ་དེ་ལྟ་ཞིང་འདོང་ངོ་། །ལྷ་ལེགས་སོ་ཞེས་གསོལ་ནས་ཤཱཀྱ་རྣམས་ཀྱིས་རྒྱལ་པོ་ཟས་གཙང་མའི་ལྟར་མཉན་ཏེ། ཐེག་པའི་མཆོག་རྣམས་མྱུར་དུ་བསྟད་དོ། །དེའི་ཚེ་རྒྱལ་པོ་ཟས་གཙང་མས་སེར་སྐྱའི་གནས་དང་། ནྱ་གྲོ་དྷའི་ཀུན་དགའ་ར་བའི་
D60.042.0015b07.01