完整藏文原文 · 德格版页 当前仅加载第 42 函德格 113b 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ་པ། ཟག་པ་རྣམས་ནི་སྤངས་པས་ན། །སྐྱེ་བའང་སྐྱེ་བ་མ་ལགས་ཏེ། །ཐུབ་པ་ཁྱོད་སྐྱེ་ཐ་མ་པ། །དེས་ན་མགོན་པོ་བསྙེངས་མི་མངའ། །ལྷའི་བུ་ཚད་སྲུང་གིས་གསོལ་པ། དཔའ་བོ་ཁྱོད་ཀྱིས་ས་བོན་སྤངས། །སྡུག་བསྔལ་མྱུ་གུ་ཚིག་པར་གྱུར། །མྱ་ངན་འཁྲི་ཤིང་རྣམ་པར་བསྐམས། །གདུང་བ་
D60.042.0113b01.01མེད་ལ་ཕྱག་ཀྱང་འཚལ། །ལྷའི་བུ་ཤིང་བཏགས་བཏོན་གྱིས་གསོལ་པ། ཐུབ་པ་ཐམས་ཅད་མཁྱེན་པ་ཁྱོད། །མ་རིག་ཤིང་བཏགས་རྣམས་ཀྱང་བསལ། །སངས་རྒྱས་སྤྱོད་པ་རྣམ་པར་སྦྱངས། །དེ་བས་སྟོན་པ་བསྙེངས་མི་མངའ། །ལྷའི་བུ་སྲིད་པའི་ཕ་རོལ་ཏུ་སོང་བས་གསོལ་པ། སྲིད་པའི་
D60.042.0113b02.01མཚོ་ལས་ཡང་དག་རྒལ། །རྣམ་པར་འདྲེན་པ་བྱ་བ་བྱས། །ཁྱོད་ཀྱིས་སྣང་བ་ཡང་དག་ཕྱུང་། །འཇིགས་མེད་ཁྱོད་ནི་དོན་ཀྱང་གྲུབ། །ལྷའི་བུ་མྱ་ངན་ལས་འདའ་བར་འགྲོ་བས་གསོལ་པ། ཐམས་ཅད་མཁྱེན་པ་ཞིར་གྱུར་པ། །ཉོན་མོངས་ཐམས་ཅད་རབ་ཏུ་བཤིག །བག་ཆགས་རྡུལ་ཙམ་
D60.042.0113b03.01ཡོང་མི་མངའ། །མགོན་པོ་ཁྱོད་ལ་ཕྱག་ཀྱང་འཚལ། །ལྷའི་བུ་ཆོས་ཀྱི་རྒྱལ་མཚན་གྱིས་གསོལ་པ། ཁྱོད་ཀྱིས་ཆོས་ཀྱི་རྒྱལ་མཚན་བསྒྲེང་། །ང་རྒྱལ་རྒྱལ་མཚན་རབ་ཏུ་བསྙལ། །ཆོས་ཀྱི་ལམ་སྲང་མཐའ་ཡས་པ། །དཔའ་བོ་ཆེན་པོ་ཁྱོད་ཀྱིས་བསྟན། །ལྷའི་བུ་ཆོས་ཀྱི་འབྱུང་གནས་ཀྱིས་
D60.042.0113b04.01གསོལ་པ། སངས་རྒྱས་ཆོས་ཀྱི་འབྱུང་གནས་སོ། །ཐུབ་པ་ཆོས་རྣམས་ཀུན་མཁྱེན་པ། །སེམས་ཅན་ཀུན་གྱི་དགེ་བཤེས་གཉེན། །ཡེ་ཤེས་མཚོ་ལ་ཕྱག་ཀྱང་འཚལ། །ལྷའི་བུ་ཆོས་ཀྱི་གོས་ཅན་གྱིས་གསོལ་པ། ཁྱོད་ཀྱི་སྲས་པོ་འཇིགས་མེད་པ། །སེང་གེ་ང་རོ་རྣམ་སྒྲོག་
D60.042.0113b05.01ཀྱང་། །རྒྱལ་སྲས་དེ་དག་ཆོག་མེད་ཅིང་། །སངས་རྒྱས་ཆོས་ཀྱི་དོན་གྱིས་སྐོམ། །ལྷའི་བུ་ཆོས་དོན་དུ་གཉེར་བས་གསོལ་པ། སངས་རྒྱས་ཆོས་རྣམས་དོན་གཉེར་བར། །ཁྱོད་ཀྱི་སྲས་རྣམས་སེམས་བསྐྱེད་ཅིང་། །ཁྱོད་ཀྱི་མི་འཇིགས་ཐོས་གྱུར་ནས། །མཁས་པ་དེ་
D60.042.0113b06.01དག་བྱང་ཆུབ་ཚོལ། །ལྷའི་བུ་ཆོས་ཀྱི་སྐོམ་གྱིས་གསོལ་པ། ཁྱོད་ཀྱིས་མི་འཇིགས་ཐོས་གྱུར་ནས། །སངས་རྒྱས་ཆོས་རྣམས་བཙལ་བའི་ཕྱིར། །སྲོག་ཆགས་བྱེ་བ་སྐོམ་གྱུར་ཏེ། །བརྩོན་འགྲུས་བརྟན་པ་རབ་ཏུ་རྩོམ།། །།
D60.042.0113b07.01