完整藏文原文 · 德格版页 当前仅加载第 42 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལ་གླགས་ནི་རྙེད་པར་མ་གྱུར་པ། །དེ་ཡི་གསུང་ལ་སུ་ཞིག་ཡིད་མི་ཆེས། །གང་ཞིག་འདོད་ཆགས་ཞེ་སྡང་བྲལ་གྱུར་ཅིང་། །སུ་ལ་ཅུང་ཟད་ཙམ་ཡང་མི་སློང་ལ། །འཇིག་རྟེན་དག་གི་དོན་ནི་མཛད་གྱུར་པ། །དེ་ཡི་གསུང་ལ་སུ་ཞིག་ཡིད་མི་ཆེས། །གང་ཞིག་
D60.042.0012a01.01གཞན་ལ་གསན་པ་མ་མཛད་པར། །རྟོགས་པར་དཀའ་བ་རབ་ཏུ་ཞི་བ་ཡི། །བྱང་ཆུབ་བླ་མེད་མངོན་རྫོགས་སངས་རྒྱས་པ། །དེ་ཡི་གསུང་ལ་སུ་ཞིག་ཡིད་མི་ཆེས། །གང་ཞིག་ཚངས་པ་ཉིད་ཀྱིས་གསོལ་བཏབ་པས། །བཅོམ་ལྡན་འདས་ཀྱིས་དེ་ཡི་ཚིག་གསན་ཏེ། །ཉིད་ཀྱིས་
D60.042.0012a02.01ཆོས་ནི་རབ་ཏུ་བཤད་པ་ན། །དེ་ཡི་གསུང་ལ་སུ་ཞིག་ཡིད་མི་ཆེས། །གང་ཞིག་བདག་ལ་ཐུགས་བརྩེ་དོན་གྱི་ཕྱིར། །ཤཱཀྱའི་གྲོང་ཁྱེར་ཁྱིམ་དུ་བྱོན་གྱུར་ཏེ། །ཤཱཀྱའི་ཚོགས་རྣམས་གྲོལ་བར་མཛད་པ་ན། །དེ་ཡི་གསུང་ལ་སུ་ཞིག་ཡིད་མི་ཆེས། །རྒལ་བར་གྱུར་པའི་བཅོམ་ལྡན་འདས་གང་
D60.042.0012a03.01གིས། །སྔོན་གྱི་ཐུགས་དམ་བཅས་པ་དགོངས་མཛད་དེ། །བདག་ཅག་སྲིད་པའི་རྒྱུན་ལས་སྒྲོལ་མཛད་ན། །དེ་ཡི་གསུང་ལ་སུ་ཞིག་ཡིད་མི་ཆེས། །དེ་དུས་ད་བབ་དེ་ལྟར་དུས་མཁྱེན་པས། །བཅོམ་ལྡན་འདས་ཀྱིས་དེ་ཡི་དུས་མཁྱེན་ཏེ། །འདྲེན་པ་དུས་སུ་ཐུགས་བརྩེ་མཛད་པ་པོ། །དེ་ཡི་
D60.042.0012a04.01གསུང་ལ་སུ་ཞིག་ཡིད་མི་ཆེས། །མི་ཡི་འདྲེན་པ་ཡི་ནི་སྐུ་མཆོག་ལ། །བལྟ་བའི་དོན་དུ་བདག་ནི་འགྲོ་བྱ་ཞེས། །རྒྱལ་པོ་དེས་ནི་རང་གི་སེམས་ཀྱིས་སུ། །དེ་སྙམ་དུ་ནི་རྗེས་སུ་བསམ་པ་བྱས། །དེ་ནས་རྒྱལ་པོ་ཟས་གཙང་མས་དེ་ལྟར་རིང་ཞིག་ཏུ་རྗེས་སུ་བསམས་ནས། ཚེ་དང་ལྡན་པ་
D60.042.0012a05.01འཆར་ཀ་ལ་སྨྲས་པ། དགེ་སློང་ཁྱོད་ལ་ཅི་ཞིག་དགོས། དེ་སྐད་ཅེས་སྨྲས་པ་དང་། ཚེ་དང་ལྡན་པ་འཆར་ཀས་རྒྱལ་པོ་ཟས་གཙང་མ་ལ་ཚིགས་སུ་བཅད་དེ་སླར་སྨྲས་པ། རྒྱལ་པོ་ཁྱོད་ཀྱི་དོན་དུ་བསམ་བྱས་ཏེ། །ཁྱོད་ཉིད་དད་པར་བྱ་ཕྱིར་བདག་འདིར་འོངས། །སྟོབས་བཅུ་མངའ་ལ་དད་པའི་
D60.042.0012a06.01སེམས་བསྐྱེད་ན། །སྐྱེས་པ་བུད་མེད་དག་ཀྱང་མཐོ་རིས་འདོང་། །སྟོབས་བཅུ་མངའ་ཞིང་ཡོན་ཏན་ཚད་མེད་ལྡན། །དྲང་སྲོང་ཆེན་པོ་ཤཱཀྱ་དགའ་མཛད་པ། །འདིར་བྱོན་རྒྱལ་པོ་ཐུགས་དད་སྐྱེད་ཅིག་དང་། །ཁྱོད་ཀྱི་གྲགས་པ་ཚད་མེད་འཇིག་རྟེན་འབྱུང་། །ཁྱོད་ཀྱི་སྲས་ནི་མི་དབང་དམ་
D60.042.0012a07.01