完整藏文原文 · 德格版页 当前仅加载第 42 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་གྱུར་པ། །དེ་ལ་མཁས་པ་སུ་ཞིག་ཡིད་མི་ཆེས། །མཚོན་རྣོན་འདྲ་བའི་ངག་རྩུབ་ཚིག་རྣམས་ཀྱིས། །གང་ཞིག་ཁྲོ་བར་བྱ་བར་མ་ནུས་ཤིང་། །ཞེ་སྡང་དངོས་པོ་ལས་ནི་རབ་འདས་པ། །དེ་ལ་མཁས་པ་སུ་ཞིག་ཡིད་མི་ཆེས། །ཆགས་པར་འགྱུར་དང་ཞེ་སྡང་
D60.042.0011b01.01རྨོངས་འགྱུར་བས། །གང་ཞིག་ཐུལ་བར་ནུས་པར་མ་གྱུར་ཏེ། །ཤེས་རབ་རྒྱལ་པོ་དང་ནི་ལྡན་གྱུར་པ། །དེ་ལ་མཁས་པ་སུ་ཞིག་ཡིད་མི་ཆེས། །འདོད་པའི་དགའ་དང་བདེ་རྣམས་དུ་མ་དང་། །ལོངས་སྤྱོད་དག་ལ་རྟོག་པའི་རྣམ་པ་ཡིས། །གང་ཞིག་བཅིང་བར་ནུས་
D60.042.0011b02.01པར་མ་གྱུར་པ། །དེ་ལ་མཁས་པ་སུ་ཞིག་ཡིད་མི་ཆེས། །རྨད་དུ་བྱུང་བ་རྣམ་པ་བརྒྱད་དག་གིས། །ངོ་མཚར་འཛིན་གཞུག་ནམ་ཡང་མ་ནུས་ཏེ། །དཔལ་སྟུག་ལྡན་ཞིང་རྟག་ཏུ་མི་ངམ་པ། །དེ་ལ་མཁས་པ་སུ་ཞིག་ཡིད་མི་ཆེས། །མཁས་པ་དག་གིས་བརྗོད་པའི་
D60.042.0011b03.01ཚིག་སྙན་པ། །རྣམ་པ་སྣ་ཚོགས་དུ་མའི་ཚིག་གིས་ཀྱང་། །གང་ཞིག་བཅིང་བར་ནུས་པར་མ་གྱུར་པ། །དེ་ལ་མཁས་པ་སུ་ཞིག་ཡིད་མི་ཆེས། །དོན་གྱི་ཚུལ་ལ་བརྩོན་དང་ལྡན་པ་དང་། །ཆོས་དད་འདོད་ལ་ངེས་པའི་ཚིག་རྣམས་ཀྱིས། །གང་ཞིག་བཅིང་བར་ནུས་པར་
D60.042.0011b04.01མ་གྱུར་པ། །དེ་ཡི་གསུང་ལ་སུ་ཞིག་ཡིད་མི་ཆེས། །དྲི་མ་མེད་སྟོབས་མཐའ་ཡས་ལྡན་གྱུར་པ། །གང་ཞིག་གྲོང་ཁྱེར་མཆོག་ནས་འབྱུང་བའི་ཚེ། །དཔུང་རྣམས་ཀྱིས་ནི་ཐུབ་པར་མ་གྱུར་པ། །དེ་ཡི་གསུང་ལ་སུ་ཞིག་ཡིད་མི་ཆེས། །བྱང་ཆུབ་དམ་པ་མངོན་པར་བཞེད་
D60.042.0011b05.01པའི་ཕྱིར། །གང་ཞིག་འདོད་པའི་བདེ་བ་སྤངས་ནས་སུ། །འཆི་མེད་རྒྱུ་ཕྱིར་{རི་དགས་,རི་དྭགས་}སྤྱོད་མཛད་པ། །དེ་ཡི་གསུང་ལ་སུ་ཞིག་ཡིད་མི་ཆེས། །བྱང་ཆུབ་དམ་པ་མངོན་པར་བཞེད་པའི་ཕྱིར། །ཞེན་པ་མ་ཡིན་སེམས་ཅན་གང་ཞིག་གིས། །ལོ་དྲུག་བར་དུ་དཀའ་ཐུབ་དྲག་སྤྱད་པ། །དེ་ཡི་
D60.042.0011b06.01གསུང་ལ་སུ་ཞིག་ཡིད་མི་ཆེས། །འཇིག་རྟེན་ལ་ནི་ཕན་དང་བདེ་བའི་ཕྱིར། །བྱང་ཆུབ་དམ་པ་དོན་དུ་གཉེར་བ་ན། །ལོ་དྲུག་ལོན་པའི་ཐ་མར་ཚོད་ཁུ་གསོལ། །དེ་ཡི་གསུང་ལ་སུ་ཞིག་ཡིད་མི་ཆེས། །གང་ལ་ལོ་དྲུག་བར་དུ་བདུད་ཀྱིས་ནི། །རྟག་ཏུ་ཕྱི་བཞིན་འབྲོངས་ཏེ་གླགས་བཙལ་ཀྱང་། །
D60.042.0011b07.01