完整藏文原文 · 德格版页 当前仅加载第 42 函德格 11a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས། འགུལ་རབ་ཏུ་འགུལ། ཀུན་ཏུ་རབ་ཏུ་འགུལ། ལྡེག་རབ་ཏུ་ལྡེག། ཀུན་ཏུ་རབ་ཏུ་ལྡེག། ཆེམ་ཆེམ་རབ་ཏུ་ཆེམ་ཆེམ། ཀུན་ཏུ་རབ་ཏུ་ཆེམ་ཆེམ། འུར་འུར་རབ་ཏུ་འུར་འུར། ཀུན་ཏུ་རབ་ཏུ་འུར་འུར།
D60.042.0011a01.01འཁྲུགས་རབ་ཏུ་འཁྲུགས། ཀུན་ཏུ་རབ་ཏུ་འཁྲུགས་ཤིང་སྣང་བ་དཔག་ཏུ་མེད་པ་བྱུང་བ་ལྟ་ཅི་སྨོས། བཙས་མ་ཐག་ཏུ་སུས་ཀྱང་མ་བརྟེན་པར་ས་ལ་གོམ་པ་བདུན་བོར་བ་དང་། སྟེང་གི་བར་སྣང་ལས་ཆུའི་རྒྱུན་གྲང་དྲོ་རྣམ་པ་གཉིས་བྱུང་སྟེ། དེ་གཉིས་ཀྱིས་ཁྲུས་བྱས་པ་དང་།
D60.042.0011a02.01དེའི་ལྷའི་ཁྲི་བཟང་པོ་དབུས་གསེར་ལས་བྱས་པ་བྱུང་བ་དང་། སྟེང་གི་བར་སྣང་ལས་ལྷའི་གདུགས་རྔ་ཡབ་དང་བཅས་པ་བྱུང་བ་ལྟ་ཅི་སྨོས། བཙས་མ་ཐག་ཏུ་ལྷ་ཐམས་ཅད་ཕྱག་འཚལ་བར་གྱུར་པ་དང་། གང་གི་ཚེ་བཙས་ནས་གང་གི་ཚེ་མངོན་པར་བྱུང་བ་དེའི་བར་དུ་ནམ་ཡང་འཁྲུལ་
D60.042.0011a03.01པ་མེད་པ། རྟག་ཏུ་དམ་བཅས་པ་ལ་བརྟན་པ། ཇི་སྐད་སྨྲས་པ་དེ་ལྟར་བྱེད་པ། རྟག་ཏུ་རྒྱུན་མི་གཅོད་པར་བརྩོན་འགྲུས་བརྟན་པ། ཡང་དག་པར་སྨྲ་བ། སླུ་བ་མེད་པ་ལྟ་ཅི་སྨོས། གང་གི་ཚེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། རྒལ་
D60.042.0011a04.01ནས་བསྒྲལ་བར་བྱའོ་ཞེས་སྨྲས་པ་ལྟ་ཅི་སྨོས་སྙམ་སྟེ། དེས་དེ་ལྟར་བཅོམ་ལྡན་འདས་བྱང་ཆུབ་སེམས་དཔར་གྱུར་པའི་དམ་བཅས་པ་དེ་དྲན་ནས་ཚིགས་སུ་བཅད་པ་འདི་དག་སྨྲས་སོ། །བློ་མཆོག་ལྡན་པ་གང་ཞིག་བལྟམ་མ་ཐག །ནོར་བ་མེད་པའི་གསུང་ནི་བརྗོད་མཛད་དེ། །གང་ཞིག་ལ་ནི་
D60.042.0011a05.01བདེན་པའི་གསུང་མངའ་བ། །དེ་ལ་མཁས་པ་སུ་ཞིག་ཡིད་མི་ཆེས། །གང་ཞིག་བལྟམ་པར་གྱུར་མ་ཐག་ཉིད་དུ། །འཇིག་རྟེན་གཙོ་བོར་འགྱུར་བར་བྱའོ་ཞེས། །མགོན་པོས་མཉམ་པ་མེད་པའི་གསུང་བརྗོད་པ། །དེ་ལ་མཁས་པ་སུ་ཞིག་ཡིད་མི་ཆེས། །སུ་ཞིག་རྨང་ལམ་རྨི་
D60.042.0011a06.01བའི་དུས་ན་ཡང་། །{བརྫུན་,རྫུན་}གྱི་ཚིག་ནི་ནམ་ཡང་མ་གསུངས་ཏེ། །ཇི་སྐད་གསུངས་པ་དེ་ལྟར་མཛད་མཛད་པ། །དེ་ལ་མཁས་པ་སུ་ཞིག་ཡིད་མི་ཆེས། །གསེར་གྱི་ཕུང་པོ་གངས་རི་མཉམ་པ་ཡིས། །གང་ཞིག་ཆགས་པར་བྱ་བར་མ་ནུས་ཤིང་། །གང་ཞིག་ཆགས་ལས་རྣམ་པར་
D60.042.0011a07.01