完整藏文原文 · 德格版页 当前仅加载第 42 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
བར་གཤེགས་ལ་མཆོད་པ་འདི་དག་བྱས། །ཆོས་ཉིད་བྱུང་བར་གྱུར་པ་མེད་པ་སྟེ། །ཆོས་ཉིད་ཟད་པར་འགྱུར་བའང་མེད་པ་ཡིན། །རྒྱལ་བ་རྣམ་རྟོག་སྒྱུ་མ་ལྟ་བུར་གནས། །རྟོག་པར་མི་བྱེད་དེ་དག་རྨོངས་པར་འགྱུར། །གང་གིས་ཆོས་གང་རྗེས་སུ་བརྗོད་བྱ་བ། །དེས་ནི་དེ་ཉིད་སྟོང་
D60.042.0046b01.01ཞེས་བདེ་གཤེགས་གསུངས། །དེ་དག་ང་ཡི་ཚིག་དེ་རྟོགས་གྱུར་ནས། །རྟ་མེད་གླང་པོ་མཆོག་གིས་མཆོད་པ་བྱས། །བྱང་ཆུབ་རྒ་མེད་འཆི་མེད་ཚོལ་བྱེད་ཅིང་། །དྲི་ཟའི་རྒྱལ་པོ་རྣམས་ཀྱིས་ང་མཆོད་དོ། །ནོར་བའི་འགྲོ་ལ་སྙིང་རྗེ་བསྐྱེད་ནས་ནི། །ཐམས་ཅད་མཁྱེན་པ་ཉིད་དུ་འདི་དག་
D60.042.0046b02.01མོས། །འདི་དག་ང་ལ་མཆོད་པ་འདི་བྱས་པས། །དྲི་ཟའི་རིས་བོར་དགའ་བའི་ཡིད་གྱུར་ཏེ། །བློ་གྲོས་བཟང་རྣམས་ལྷ་གནས་ལྷ་ཡུལ་བ། །བརྒྱ་བྱིན་ལྷ་འདུས་པར་ནི་འགྲོ་བར་འགྱུར། །དེ་དག་སངས་རྒྱས་བདེ་གཤེགས་རྡུལ་མེད་པ། །བྱེ་བ་ཁྲག་ཁྲིག་མང་ལ་མཆོདབྱེད་འགྱུར། །
D60.042.0046b03.01ཞིང་ནས་ཞིང་དུ་རྗེས་སུ་རྒྱུ་བྱེད་ཅིང་། །དེ་དག་ལ་ནི་མཁས་པ་ཆོས་ཀྱང་ཉན། །དེ་དག་བདེ་གཤེགས་སྤྱོད་པ་ཡོངས་སུ་སྦྱོང་། །དེ་དག་ཞིང་ཡང་རྟག་པར་ཡོངས་དག་འགྱུར། །རྒྱལ་བའི་གདུང་འཛིན་དེ་དག་སེམས་ཅན་ནི། །ཁྲག་ཁྲིག་མང་པོ་དག་ལ་བྱང་ཆུབ་སྟོན། །འགྲོ་བ་འདི་
D60.042.0046b04.01དག་རང་བཞིན་སྟོང་རིག་ནས། །བདེ་གཤེགས་འགྲོ་བ་དག་ལ་སྟོན་པར་འགྱུར། །རྒྱལ་བ་ཐམས་ཅད་མཁྱེན་ཅིང་ཀུན་གཟིགས་པ། །རྡུལ་མེད་བསྐལ་པ་ཁྲག་ཁྲིག་བཞུགས་པར་འགྱུར། །སངས་རྒྱས་མཚན་ནི་མཐའ་ཡས་རྟོགས་པ་སྟེ། །སངས་རྒྱས་རེ་རེ་ཁྲག་ཁྲིག་ཕྲག་མང་བའི། །
D60.042.0046b05.01བསྐལ་པ་རྣམས་སུ་རྡུལ་མེད་གནས་པར་འགྱུར། །ཐམས་ཅད་མཁྱེན་པའི་ལམ་འདི་རྗེས་སུ་སྟོན། །རྒྱལ་བ་ཐུབ་པ་ཉོན་མོངས་བཅོམ་པ་ཡིས། །དེ་ལྟར་དེ་ཚེ་དྲི་ཟས་མཆོད་ལུང་བསྟན། །རྟ་ཐུལ་གྱིས་ནི་འཛུམ་པའི་དོན་ཞུས་པ། །དྲི་ཟ་ལུང་བསྟན་པ་ནི་བཤད་པ་མཛད། །དྲི་ཟ་
D60.042.0046b06.01ལུང་བསྟན་ཡིད་དུ་འཐད་འགྱུར་བ། །དེ་ཐོས་ནས་ནི་འགྲོ་བ་ཐམས་ཅད་དགའ། །དེར་ནི་བདེ་བར་གཤེགས་ཀྱི་གསུང་ཐོས་ནས། །ཤཱཀྱ་ཐུབ་ལ་ཐམས་ཅད་སྐྱབས་སུ་དོང་། །དྲི་ཟ་ལུང་བསྟན་པའི་ལེའུ་སྟེ་བཅུ་པའོ།། །།འཕགས་པ་ཡབ་དང་སྲས་
D60.042.0046b07.01