完整藏文原文 · 德格版页 当前仅加载第 42 函德格 99a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཐོབ་པར་འགྱུར། །ལྷའི་བུ་ལྷག་མཐོང་ལ་བསྟེན་པས་གསོལ་པ། རྣམ་འདྲེན་ཁྱོད་ཀྱིས་ཡུན་རིང་དུ། །ཡེ་ཤེས་ལ་ནི་བསྟེན་མཛད་པས། །ཐམས་ཅད་མཁྱེན་པ་བརྙེས་ནས་ནི། །སྲོག་ཆགས་བྱེ་བ་གྲོལ་བར་མཛད། །ལྷའི་བུ་ཁྱད་པར་ལྡན་གྱིས་
D60.042.0099a01.01གསོལ་པ། སངས་རྒྱས་མཁྱེན་པས་ཐམས་ཅད་མཁྱེན། །འདྲེན་པ་དམ་པ་མངོན་པར་འཕགས། །སྲིད་པའི་རྒྱ་མཚོས་ཁྱེར་བ་ཡི། །འཇིག་རྟེན་དེ་ཡིས་སྒྲོལ་བར་མཛད། །ལྷའི་བུ་ལྷག་མཐོང་གནས་ཀྱིས་གསོལ་པ། ལྷག་མཐོང་ལ་ནི་གནས་མཛད་ཅིང་། །ཆོས་
D60.042.0099a02.01ཀུན་རྣམ་པར་གཟིགས་པས་ན། །སངས་རྒྱས་ཆོས་རྣམས་འཕེལ་འགྱུར་ཏེ། །ས་བཟང་ནྱ་གྲོ་དྷ་སྐྱེས་འདྲ། །ལྷའི་བུ་ལྷག་མཐོང་དང་མ་བྲལ་བས་གསོལ་པ། རྣམ་པར་འདྲེན་པ་ཁྱོད་ཀྱི་སྲས། །ཡེ་ཤེས་ཀྱིས་ནི་ཡོངས་བཟུང་སྟེ། །བྱང་ཆུབ་མཆོག་ནི་ཐོབ་བགྱིས་ཤིང་། །
D60.042.0099a03.01སྐྱེ་བོ་མང་པོ་འགྲེལ་པར་བགྱིད། །ལྷའི་བུ་ལྷག་མཐོང་ལ་རྣམ་པར་རྩེ་བས་གསོལ་པ། །སངས་རྒྱས་མཁྱེན་ལ་རྣམ་པར་རོལ། །ཆོས་རྣམས་ཀུན་ལ་འཇིགས་མི་མངའ། །ཞུམ་པ་མ་མཆིས་དངང་མི་མངའ། །ཐུབ་པ་འཇིག་རྟེན་ཐམས་ཅད་མཁྱེན། །ལྷའི་བུ་ལྷག་མཐོང་
D60.042.0099a04.01ལ་ཡང་དག་པར་འཇུག་གིས་གསོལ་པ། དཔའ་བོ་ཆེན་པོ་ཆོས་ཀུན་ནི། །ལྷག་མཐོང་ཉིད་ཏུ་ཡང་དག་འདུ། །རང་བཞིན་མེད་པར་རྣམ་མཐོང་ན། །དེ་ནི་རང་བྱུང་བྱང་ཆུབ་ལགས། །ལྷའི་བུ་ལྷག་མཐོང་སྙིང་པོས་གསོལ་པ། སངས་རྒྱས་ལྷག་མཐོང་སྙིང་པོ་སྟེ། །ཆོས་
D60.042.0099a05.01རྣམས་ཀུན་ལ་འཇིགས་མི་མངའ། །འཇིག་རྟེན་སྡུག་བསྔལ་འདི་གཟིགས་ཤིང་། །ཐུགས་རྗེ་ཆེན་པོ་ཤིན་ཏུ་སྐྱེད། །ལྷའི་བུ་ལྷག་མཐོང་འགྲོས་ཀྱིས་གསོལ་པ། བྱང་ཆུབ་ཕྱིར་ནི་ཤེས་འགྲོ་བའི། །འཇིག་རྟེན་མཁས་པ་ངེས་པར་བྱུང་། །དེ་དག་བྱང་ཆུབ་མཆོག་ཀྱང་
D60.042.0099a06.01འཐོབ། །གྲོལ་ནས་སྐྱེ་དགུ་འདི་དག་འགྲེལ། །ལྷའི་བུ་སྟོང་པ་ཉིད་ལ་བསྟེན་གྱིས་གསོལ་པ། སྟོང་པ་ཉིད་ཀྱི་ཆོས་སྟེན་པའི། །མཁས་པ་བྱང་ཆུབ་འཚང་རྒྱ་སྟེ། །སེམས་ཅན་བཅིངས་ལས་འགྲོལ་བགྱིད་ཅིང་། །བཅིངས་པ་ཐམས་ཅད་རྣམ་པར་གཅོད། །
D60.042.0099a07.01