完整藏文原文 · 德格版页 当前仅加载第 42 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་མགོ་ལ་ཁྱེར་བར་འགྱུར། །ང་ཡི་འཁོར་འདི་རབ་ཏུ་དགའ་འགྱུར་བ། །སྔོན་གྱི་རྒྱལ་ལ་བསྙེན་བཀུར་སྔོན་བྱས་ཏེ། །དེ་དག་སངས་རྒྱས་ཡོན་ཏན་ཡིད་འོང་འདི། །མེ་ཏོག་ཕྲེང་བཞིན་དེ་དག་ཡང་དག་ལྟ། །འཐབ་བྲལ་ལྷ་རྣམས་སྔོན་གྱི་རྒྱལ་ཀུན་ལ། །
D60.042.0063a01.01བསྙེན་བཀུར་བྱས་ཤིང་ཆགས་པ་སྤངས་པ་སྟེ། །ཉོན་མོངས་དམད་ཅིང་སངས་རྒྱས་བློ་ལྡན་འགྱུར། །སྙིང་རྗེ་ལྡན་ཞིང་ཉོན་མོངས་མེད་བློ་ལྡན། །རྒྱལ་བ་མི་ཡི་སེང་གེ་གང་གཱ་ཡི། །བྱེ་སྙེད་ཀུན་ལ་སྔོན་ཆད་བསྙེན་བཀུར་བྱས། །བྱང་ཆུབ་བླ་ན་མེད་པར་སྨོན་བྱེད་ཅིང་། །
D60.042.0063a02.01དགེ་བ་མཐའ་ཡས་འདི་དག་ཀུན་གྱིས་བྱས། །སེམས་ཅན་ཉོན་མོངས་འདམ་བྱིང་རིག་གྱུར་ནས། །སྡུག་བསྔལ་གྱུར་པ་རྣམས་ལ་སྙིང་རྗེ་སྐྱེད། །དེ་དག་མི་མཆོག་སེམས་ཅན་ཕན་མཛད་ལ། །ཆོས་ཚུལ་མཐའ་ཡས་ཡོངས་སུ་དྲིས་པར་གྱུར། །གང་ཐོས་ནས་ནི་རྣམ་པར་འདྲེན་
D60.042.0063a03.01འགྱུར་བ། །རྣམ་འདྲེན་ཆོས་ལ་འཇུག་པ་འཆད་པར་འགྱུར། །མི་ཡི་ཉོན་མོངས་སྤྱོད་པ་རབ་མཁྱེན་ནས། །དེ་དག་རྣམས་ལ་རྒྱ་ཆེན་ཆོས་ཀྱང་འཆད། །རྣམ་འདྲེན་སྐྱེས་བུ་དམ་པའི་མཆོག་དེ་དག །རང་བཞིན་མེད་པ་སྟོང་པ་ཉིད་ཀྱང་འཆད། །དེ་དག་རྒྱལ་བའི་གསུང་
D60.042.0063a04.01དེ་ཐོས་གྱུར་ནས། །འགྲོ་བ་ཐམས་ཅད་སྟོང་པར་རབ་ཏུ་རྟོགས། །ཅིས་སྟོང་ཞེ་ན་མཚན་མའི་རྣམ་པས་སྟོང་། །རང་བཞིན་མེད་ཅིང་མཚན་མ་མེད་པ་སྨྲ། །རྒྱལ་བའི་ཆོས་རྣམས་དེ་ལྟར་ཤེས་གྱུར་ནས། །ཀུན་ཀྱང་སངས་རྒྱས་ཡོན་ཏན་རྣམས་ལ་གནས། །དེ་དག་ང་ལ་
D60.042.0063a05.01མཆོད་པ་རྒྱ་ཆེན་བྱས། །བདག་གིས་ཆོས་བཞིན་དུ་ནི་ལུང་བསྟན་ནས། །སྐར་ཚོགས་མཉམ་པའི་བསྐལ་པ་དམ་པ་ལ། །བླ་ན་མེད་པའི་བྱང་ཆུབ་ཐོབ་པར་འགྱུར། །བདེ་གཤེགས་མཉམ་པ་མེད་པ་བྱེ་བ་ཕྲག །ཉི་ཤུ་ཉི་ཤུས་ཡོངས་སུ་གང་བར་འགྱུར། །བློ་གྲོས་དག་
D60.042.0063a06.01ཅེས་བྱ་བའི་གྲངས་སུ་འགྲོ། །སེམས་ཅན་བསམ་ཡས་ཡོངས་སུ་སྦྱོང་པར་འགྱུར། །འཐབ་བྲལ་འཁོད་པའི་ལྷ་ཡི་བསམ་པ་རྣམས། །རྟ་ཐུལ་གྱིས་ནི་ཡོངས་སུ་ཞུས་བྱས་པ། །རྒྱལ་བ་དགྲ་རྒྱལ་དྲང་སྲོང་ཆེན་པོ་ཡི། །ལུང་བསྟན་ལྷ་དང་བཅས་པའི་འཇིག་རྟེན་དགའ། །
D60.042.0063a07.01