完整藏文原文 · 德格版页 当前仅加载第 42 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་བདག་ཅག་བདུད་ཀྱི་ཚོགས། །བྱེ་བས་བྱང་ཆུབ་མི་སྐྱོད་ཅེས། །མཁས་པ་དེ་དག་ཤིན་ཏུ་དགའ། །ལྷའི་བུ་གནས་མེད་པའི་དགོངས་པ་ལ་མཁས་པས་གསོལ་པ། གནས་མེད་འདུ་ཤེས་མཁས་པ་ནི། །ཆོས་ཉིད་ལ་ནི་རབ་གནས་ཏེ། །སྡིག་ཅན་བདུད་རྣམས་བཤལ་བ་ནི། །
D60.042.0104b01.01ཇི་ལྟར་རྟ་ཡིས་ཤིང་རྟ་བཞིན། །ལྷའི་བུ་གནས་མེད་པ་ལ་མཁས་པས་གསོལ་པ། མཚན་ཉིད་གཅིག་ལ་མཁས་པ་པོ། །ཆོས་ཀྱི་དབྱིངས་ལ་བགེགས་བགྱིད་པའི། །བདུད་ཀྱི་ལས་ནི་གནས་མེད་དེ། །གནས་མེད་དོ་ཞེས་རྒྱལ་བས་གསུངས། །ལྷའི་བུ་གནས་དང་གནས་མ་
D60.042.0104b02.01ཡིན་པ་རྟོགས་པས་གསོལ་པ། གནས་དང་དེ་བཞིན་གནས་མིན་པ། །བྱིས་པའི་བློ་ཅན་རྣམས་ལ་བསྟན། །རང་གིས་དེ་ནི་ཐུགས་ཆུད་ནས། །སེམས་ཅན་རྣམས་ལ་ཁྱོད་ཀྱིས་བསྟན། །ལྷའི་བུ་སྦྱིན་པ་ལ་མཁས་པས་གསོལ་པ། སྔོན་ཆད་རྒྱུ་ནི་གང་དག་དང་། །ལས་འདྲ་
D60.042.0104b03.01འབྱུང་བ་མ་འཚལ་བའི། །རྒྱུ་དེ་ཁྱོད་ཀྱིས་ཐུགས་སུ་ཆུད། །ལས་ཀྱི་གནས་ཀྱང་རབ་ཏུ་མཁྱེན། །ལྷའི་བུ་ལས་ལ་མཁས་པས་གསོལ་པ། ཆགས་དང་ཞེ་སྡང་གཏི་མུག་ནི། །ལས་ཀྱི་རྒྱུ་ཞེས་ཁྱོད་ཀྱིས་མཁྱེན། །གང་གིས་རྒྱུ་ཡིས་བགྱིས་དེ་ཡང་། །གང་ཟག་མཆོག་གིས་
D60.042.0104b04.01ཐུགས་སུ་ཆུད། །ལྷའི་བུ་མ་འོངས་པ་ལ་མཁས་པས་གསོལ་པ། མ་འོངས་པ་ཡི་དུས་དག་ན། །མི་རྣམས་ལས་གང་བགྱིད་འགྱུར་བ། །དེ་ཡི་རྒྱུ་དང་ལེན་པ་དང་། །གནས་དང་ལས་ཀྱང་ཁྱོད་ཀྱིས་མཁྱེན། །ལྷའི་བུ་ད་ལྟར་བྱུང་བ་ལ་ལྟ་བས་གསོལ་པ། ཕྱོགས་བཅུའི་
D60.042.0104b05.01འཇིག་རྟེན་འདི་དག་གི །སེམས་ཅན་རྣམས་དང་རྒྱུ་དང་ལས། །གནས་དང་ལས་ཀྱི་ལེན་པ་རྣམས། །ཀུན་ཀྱང་འདྲེན་པ་ཁྱོད་ཀྱིས་མཁྱེན། །ལྷའི་བུ་སྟོབས་ཀྱི་སྤྱོད་ཡུལ་གྱིས་གསོལ་པ། མི་དབང་ཁྱོད་ཀྱིས་མ་གཟིགས་པའི། །ལས་དང་རྒྱུ་དག་མ་མཆིས་ཏེ། །གནས་དང་
D60.042.0104b06.01སྐྱེ་བའང་མ་མཆིས་སོ། །དེ་བས་ཁྱོད་ནི་གང་ཟག་མཆོག །ལྷའི་བུ་སྟོབས་ལ་མངོན་པར་དགའ་བས་གསོལ་པ། ལས་དང་རྒྱུ་དང་དེ་བཞིན་གནས། །དུས་ལ་རྣམ་སྨིན་རྣམ་གསུམ་དང་། །ཇི་ལྟར་དེ་ཡི་ལེན་པ་ཡང་། །ཁྱོད་ཀྱིས་མཁྱེན་པས་དེ་སླད་མཆོད། །ལྷའི་བུ་སྟོབས་
D60.042.0104b07.01