完整藏文原文 · 德格版页 当前仅加载第 42 函德格 4b 版页；藏文 NFD、目录标记与异常页序保留在来源切片中，重复版页行以稳定序号区分。
ནོན་གྱུར་ན། །བདག་ཀྱང་མི་ཤེས་གཞན་ཡང་མི་ཤེས་ལྟར། །ས་ཡི་བདག་པོ་དེ་ཡང་དེ་བཞིན་ནོ། །ཏི་སེའི་གངས་ཀྱི་རི་བོས་བསྒྲིབས་གྱུར་ན། །ཇི་ལྟར་མི་དག་བལྟ་བྱ་མི་མཐོང་བ། །དེ་བཞིན་ང་རྒྱལ་ཆེན་པོས་བསྒྲིབས་པས་ན། །རྒྱལ་པོས་བལྟ་བར་བྱ་བ་མི་མཐོང་ངོ་། །གཉིད་ཀྱིས་
D60.042.0004b01.01ལོག་གམ་ཤི་བས་མྱོས་འགྱུར་བའི། །མིས་ནི་རང་གི་སེམས་ཀྱང་མི་ཤེས་ཏེ། །དེ་བཞིན་ང་རྒྱལ་ཆེན་པོས་མྱོས་གྱུར་པས། །རྒྱལ་པོ་དེས་ཀྱང་དགེ་བ་མི་ཤེས་སོ། །དཔེར་ན་ཁྱིམ་ཐབ་ཤི་བས་མྱོས་པ་ཡི། །བུད་མེད་སྙིང་རྗེར་སྨྲེ་སྔགས་འདོན་བྱེད་པ། །དེ་བཞིན་ང་རྒྱལ་ཆེན་པོས་
D60.042.0004b02.01མྱོས་གྱུར་པས། །རྒྱལ་པོ་དེ་ཡང་སྙིང་རྗེར་སྨྲེ་སྔགས་འདོན། །དེ་ལྟ་བས་ན་འཆར་ཀ་ཐབས་མཁས་པ། །ཁྱོད་ཀྱིས་འདིར་ནི་རྒྱལ་པོ་དད་པར་གྱིས། །ང་རྒྱལ་རྒྱལ་མཚན་རབ་ཏུ་བསྙལ་བར་བྱོས། །ཆོས་ཀྱི་རྒྱལ་མཚན་དམ་པ་བསླང་བར་གྱིས། །འཆར་ཀ་ཁྱོད་མ་གཏོགས་པར་
D60.042.0004b03.01སྲིད་པ་ཡི། །འགྲོ་བ་དག་ན་སྐལ་འཐུན་སྤྱད་མེད་པས། །རྒྱལ་པོའི་སེམས་ནི་རབ་ཏུ་དད་བྱ་བར། །གང་གིས་ནུས་པའི་དགེ་སློང་གང་ཡང་མེད། །འཆར་ཀ་སྔོན་གྱི་དུས་ན་བྱུང་བ་ནི། །འདས་པའི་དུས་ན་ས་ཡི་བདག་པོ་ཞིག །མིང་ནི་བདེན་པ་འཕེལ་ཞེས་བྱ་བ་སྟེ། །ས་སྐྱོང་བྱེད་པ་
D60.042.0004b04.01རྣམ་པར་གྲགས་པ་བྱུང་། །དེ་ནི་ཆོས་ཀྱི་རྒྱལ་པོ་ཆོས་དང་ལྡན། །སྲོག་ཆགས་བྱེ་བ་ཁྲག་ཁྲིག་རྣམས་ཀྱིས་མཆོད། །རྒྱ་མཚོའི་མཐའ་མར་ཐུག་པའི་ས་འདི་ནི། །ཆོས་དང་ལྡན་པའི་རྒྱལ་པོ་དེས་ཀྱང་བསྐྱངས། །གྲོང་དང་གྲོང་ཁྱེར་དག་ཀྱང་འདབ་ཉེ་ཞིང་། །བཟའ་ཤིང་འབྲས་བུ་མེ་
D60.042.0004b05.01ཏོག་རྒྱས་པས་གང་། །འཕགས་པའི་སྐྱེ་བོ་དག་དང་ཤེད་ལས་སྐྱེས། །སྡིག་དང་བྲལ་བ་རྣམས་ཀྱིས་རབ་ཏུ་གང་། །དྲི་ཟ་བརྒྱ་མང་དག་གིས་གང་བ་སྟེ། །སྡོང་དུ་མཚེར་མ་རྩྭ་ཤིང་ངན་པ་མེད། །འཇམ་ཞིང་དགེ་སྦྱོང་གནས་ཀྱི་ཚོགས་ཀྱིས་སྤྲས། །ཆུ་ཀླུང་འབབ་སྟེགས་བདེ་
D60.042.0004b06.01བས་རབ་ཏུ་བརྒྱན། །དྲང་སྲོང་ཚོགས་བརྒྱ་རྗེས་སུ་རྒྱུ་བ་སྟེ། །སྐྱེ་བོའི་དཀར་ཆོས་རྣམས་ཀྱིས་ཀུན་ཏུ་བསྒྲུབས། །ངན་སོང་ལམ་ངན་རྣམས་ནི་རབ་ཏུ་བཅད། །དེ་ནས་སེམས་ཅན་ཐམས་ཅད་ལྷ་གནས་འདོད། །རྒྱལ་པོ་དེ་ལ་བུ་དག་ཡོད་པ་ནི། །སྔོན་གྱི་སངས་རྒྱས་བྱུང་བ་མཐོང་
D60.042.0004b07.01