完整藏文原文 · 德格版页 当前仅加载第 42 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་པའི་ཉེས་པ་རབ་བསྟེན་ཏེ། །སེམས་ཅན་རྣམས་ལ་ཕན་སེམས་པས། །དེ་ཕྱིར་མཆོད་པའི་རྟེན་ཅེས་བྱ། །འདོད་པའི་ཉེས་པ་ཐོས་གྱུར་ན། །མི་ནི་འདོད་པའི་འདོད་ཆགས་ལས། །སེམས་སྦྱོང་བྱེད་པ་ཐམས་ཅད་མཁྱེན། །དེ་ཕྱིར་མཆོད་པའི་རྟེན་ཅེས་བྱ། །
D60.042.0156a01.01སེམས་ཅན་རྣམས་ཀྱི་སྡང་སྤང་པ། །གང་ཟག་མཆོག་གིས་རབ་ཏུ་མཁྱེན། །སྡང་ལས་སེམས་ནི་གྲོལ་མཛད་པས། །དེ་ཕྱིར་མཆོད་པའི་རྟེན་ཅེས་བྱ། །སེམས་ཅན་རྣམས་ཀྱི་རྨོངས་སྤངས་པ། །ཤཱཀྱའི་ཁྱུ་མཆོག་རབ་མཁྱེན་ཏེ། །རྨོངས་ལས་སེམས་ནི་སྦྱོང་མཛད་པས། །དེ་ཕྱིར་
D60.042.0156a02.01མཆོད་པའི་རྟེན་ཅེས་བྱ། །སེམས་ཅན་ང་རྒྱལ་སྤང་བ་ཡང་། །སེམས་ཅན་ཁ་ལོ་སྒྱུར་བས་མཁྱེན། །ང་རྒྱལ་དག་ལས་སེམས་སྦྱོང་བས། །དེ་ཕྱིར་མཆོད་པའི་རྟེན་ཅེས་བྱ། །བཅོམ་ལྡན་འདས་ཀྱིས་གཞན་ཡང་རྒྱལ་པོ་ཟས་གཙང་མ་ལ་བཀའ་སྩལ་པ། རྒྱལ་པོ་ཆེན་པོ་སྔོན་བྱུང་བ་
D60.042.0156a03.01འདས་པའི་དུས་ན་རྒྱལ་པོ་སའི་ལྷ་ཞེས་བྱ་བ་ཆོས་དང་ལྡན་པ་ཆོས་ཀྱི་རྒྱལ་པོ་རིན་པོ་ཆེ་སྣ་བདུན་དང་ལྡན་པ་བྱུང་སྟེ། དེའི་རིན་པོ་ཆེ་སྣ་བདུན་ནི་འདི་དག་སྟེ། འདི་ལྟར་འཁོར་ལོ་རིན་པོ་ཆེ་དང་། གླང་པོ་རིན་པོ་ཆེ་དང་། རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། བུད་མེད་རིན་པོ་ཆེ་དང་། ཁྱིམ་བདག་རིན་པོ་
D60.042.0156a04.01ཆེ་དང་། བློན་པོ་རིན་པོ་ཆེ་དང་བདུན་ནོ། །རྒྱལ་པོ་སའི་ལྷ་དེའི་ཕ་ནི་རྒྱལ་པོས་འབྱུང་ཞེས་བྱ་བར་གྱུར་ཏོ། །རྒྱལ་པོ་ས་འབྱུང་དེའི་བུ་ཐུ་བོ་ནི་གཞོན་ནུ་སའི་ལྷ་སྟེ། དེ་ནས་རྒྱལ་པོས་འབྱུང་འཆི་བའི་དུས་བྱེད་པའི་ཚེ་རྒྱལ་བུ་གཞོན་ནུ་སའི་ལྷ་རྒྱལ་སྲིད་ལ་དབང་བསྐུར་རོ། །དེ་ནས་རྒྱལ་པོས་སའི་ལྷ་
D60.042.0156a05.01དེ་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བར་གྱུར་ཏོ། །དེ་ནས་རྒྱལ་པོ་སའི་ལྷ་རྒྱལ་རིགས་སྤྱི་བོ་ནས་དབང་བསྐུར་བ་དེ་གསོ་སྦྱོང་གི་ཉི་མ་ཟླ་བ་ཉ་བའི་ཚེ་སྐྲ་བཀྲུས་ཏེ་རས་བཅོས་བུ་སར་པ་བགོས། སྐྲ་དང་ཁ་སྤུ་བཅོས། ཕྲེང་བ་དང་རྒྱན་བཏགས། ནོར་བུ་དང་རྣ་ཆ་གདུབ་ཀོར་བཏགས་ནས་ཁང་
D60.042.0156a06.01སྟེང་ན་བུད་མེད་ཀྱི་འཁོར་གྱིས་བསྐོར་ཅིང་མདུན་དུ་བདར་ཏེ་འདུག་འདུག་པ་དང་། ཤར་ཕྱོགས་ནས་ལྷའི་འཁོར་ལོ་རིན་པོ་ཆེ་རྩིབས་སྟོང་དང་ལྡན་པ། ལྟེ་བ་དང་བཅས་པ། མུ་ཁྱུད་དང་བཅས་པ། རྣམ་པ་ཐམས་ཅད་ཀྱི་མཆོག་དང་ལྡན་པ། འོད་ཟེར་དང་ལྡན་པ། འོད་གསལ་བ། འཕང་དུ་ཁྲུ་
D60.042.0156a07.01