完整藏文原文 · 德格版页 当前仅加载第 42 函德格 33b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱིས་རྟོགས་མི་ནུས། །བུད་མེད་ཆ་བྱད་སྤྱོད་པ་མཛད། །དུད་འགྲོའི་སྐྱེ་གནས་རྣམས་ནའང་གདའ། །འཇིག་རྟེན་ཆོས་ཀྱིས་མི་གོས་ཏེ། །པད་མ་ཆུས་མི་ཆགས་པ་བཞིན། །འདྲེན་པ་སྣ་ཚོགས་ཁམས་ཅན་གྱི། །འཇིག་རྟེན་འདི་ཡི་རྗེས་འཇུག་མཛད། །དེས་ན་སྐྱེ་དགུ་འདི་
D60.042.0033b01.01དག་རྣམས། །གདུགས་མཚན་ཁྱོད་ཀྱི་ཡོན་ཏན་བརྗོད། །ལ་ལར་བལྟམ་པ་ཡོངས་སུ་བསྟན། །ལ་ལར་མྱ་ངན་འདས་པ་བསྟན། །ལ་ལ་ན་ནི་འཁོར་ལོ་སྐོར། །ལ་ལར་སྤྱད་པ་སྤྱོད་པ་མཛད། །སེམས་ཅན་འདུལ་བའི་དོན་སླད་དུ། །དགྱེས་ཤིང་མགུར་ལེན་རོལ་པ་མཛད། །
D60.042.0033b02.01བཤུམས་མོ་དག་ཀྱང་འབྱིན་པར་མཛད། །སེམས་ཅན་སུས་ཀྱང་ཡོང་མ་འཚལ། །འདོད་ཆགས་མི་མངའ་ཆགས་པའི་ཚུལ། །འཇིགས་པ་མི་མངའ་འཇིགས་པ་ལྟར། །སེམས་ཅན་རྣམ་པར་གདུལ་དོན་དུ། །འདྲེན་པ་རྣམ་པར་འཕྲུལ་པ་མཛད། །རྨོངས་མེད་རྨོངས་པའི་ཚུལ་བསྟན་
D60.042.0033b03.01ཏེ། །བྱིས་པ་མ་ལགས་བྱིས་ཚུལ་གྱིས། །སེམས་ཅན་རྣམ་པར་གདུལ་སླད་དུ། །འདྲེན་པ་རྣམ་པར་འཕྲུལ་པ་མཛད། །སྨྱོས་པ་མ་ལགས་སྨྱོས་པའི་ཚུལ། །ཞ་བ་མ་ལགས་ཞ་བ་ལྟར། །རྣམ་པར་འཕྲུལ་པ་སྣ་ཚོགས་ཀྱིས། །སེམས་ཅན་རྣམས་ནི་འདུལ་བ་མཛད། །དེ་ལྟར་
D60.042.0033b04.01བསམ་ཡས་མགོན་པོ་ཁྱོད། །དམ་པའི་ཆོས་ཀྱང་བསམ་མི་ཁྱབ། །དཔའ་ཆེན་ཁྱོད་ལ་ཕྱག་ཀྱང་འཚལ། །སེམས་ཅན་ཐུབ་ཆེན་འདྲར་གྱུར་ཅིག །སྔོན་བྱུང་བ་འོད་སྲུང་ཆེན་པོས་ཞུས་པའི་ལེའུ་སྟེ་ལྔ་པའོ།། །།དེ་ནས་བྱའི་རྒྱལ་པོ་འདབ་{བཟངས་,བཟང་}བརྒྱད་ཁྲི་དྲུག་སྟོང་གིས་ལྷ་མ་
D60.042.0033b05.01ཡིན་གྱི་དབང་པོ་དེ་དག་གི་མཆོད་པ་ཡང་མཐོང་། ལུང་བསྟན་པ་ཡང་ཐོས་ནས། བཅོམ་ལྡན་འདས་ལ་གཞལ་དུ་མེད་པའི་དད་པ་སྐྱེས་ཏེ། བཅོམ་ལྡན་འདས་ལ་མཆོད་པའི་ཕྱིར་བརྩོན་པར་གྱུར་ནས། བཅོམ་ལྡན་འདས་ལ་མཆོད་པའི་དོན་དུ་རིན་པོ་ཆེ་སྣ་བདུན་གྱི་ཁང་པ་བརྩེགས་པ་ཤིན་ཏུ་བཀྲ་བ་
D60.042.0033b06.01བལྟ་ན་སྡུག་པ་བརྒྱད་ཁྲི་དྲུག་སྟོང་མངོན་པར་སྤྲུལ་ཏོ། །ལྷའི་རིན་པོ་ཆེ་སྣ་བདུན་ནི་འདི་ལྟ་སྟེ། གསེར་དང་། དངུལ་དང་། བཻ་དཱུརྱ་དང་། ཤེལ་དང་། སྤུག་དང་། མུ་ཏིག་དམར་པོ་དང་། རྡོའི་སྙིང་པོ་དང་བདུན་ནོ། །ཁང་པ་བརྩེགས་པ་དེ་དག་ཀྱང་རིན་པོ་ཆེ་སྣ་བཞིའི་ལན་ཀན་གྱི་དྲ་བ་
D60.042.0033b07.01