完整藏文原文 · 德格版页 当前仅加载第 42 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
ཞི་བ་མཁས་པའི་སྤྱོད་ཡུལ་ཐོབ་པར་འགྱུར། །བདུད་ཀྱི་རྩོད་ལས་རྒྱལ་ནས་ཉོན་མོངས་ཞི་བའི་ཐམས་ཅད་མཁྱེན་པ་འཐོབ། །རྣམ་འདྲེན་ཞི་བ་མཛད་ལ་བསྟོད་པས་བདག་ཅག་བསོད་ནམས་གང་རྙེད་པ། །ཆགས་མེད་ཐུགས་མངའ་བདེ་བར་གཤེགས་པས་
D60.042.0073a01.01འདི་ཙམ་ཞེས་ནི་མཁྱེན་གྱུར་པ། །དེས་ནི་འགྲོ་བ་ཐམས་ཅད་ལམ་མཆོག་ཐམས་ཅད་མཁྱེན་པས་བསྟེན་གྱུར་པ། །ཞི་བྱེད་ཞི་བ་བསྟེན་ནས་མཁས་པས་མཆོད་པའི་རང་འབྱུང་སྡིག་མེད་ཤོག །དེ་ནས་མི་མཇེད་ཀྱི་བདག་པོ་ཚངས་པས་ཚངས་པ་རྣམས་དང་། ལྷ་རྣམས་ཀྱིས་བཅོམ་
D60.042.0073a02.01ལྡན་འདས་ལ་བསྟོད་པར་རིག་ནས་བདག་ཉིད་ཀྱིས་ཚུལ་དང་འདྲ་བའི་ཚིགས་སུ་བཅད་པ་དག་གིས་བཅོམ་ལྡན་འདས་ལ་མངོན་པར་བསྟོད་པ། མི་དབང་ཁྱོད་ཀྱིས་ཆོས་རྣམས་ཐམས་ཅད་ནི། །ལོག་པ་རྨོངས་བྱེད་ཆང་བ་(སྟོང་འད་,སྟོང་འདྲ་)ཞིང་། །སྟོན་གྱི་སྤྲིན་འདྲ་མིག་འཕྲུལ་འདྲ་བར་
D60.042.0073a03.01མཁྱེན། །རྒྱལ་བས་འདོད་པའི་ཡོན་ཏན་མེད་པར་མཁྱེན། །ཇི་ལྟར་མི་ཞིག་རྨི་ལམ་བཀྲེས་གྱུར་པས། །ཁ་ཟས་རོ་བརྒྱ་ཟོས་ཀྱང་མ་འདྲངས་པ། །དེ་ལ་བཀྲེས་མེད་ཟས་མེད་སེམས་ཅན་མེད། །རྨི་ལམ་དེ་འདྲར་ཆོས་རྣམས་ཐམས་ཅད་གཟིགས། །སྐོམ་པའི་མི་ཞིག་ཉལ་
D60.042.0073a04.01བའི་རྨི་ལམ་ན། །ཆུ་བསིལ་(དང་,དྭངས་)ཞིང་རྙོག་མེད་འཐུངས་གྱུར་ཀྱང་། །ངོམས་མེད་ཚ་བ་ཞི་བར་མི་འགྱུར་ཏེ། །དེ་བཞིན་ཁྱོད་ཀྱིས་ཆོས་རྣམས་ཐམས་ཅད་གཟིགས། །འདི་ལ་བྱེད་མེད་ཚོར་མེད་སེམས་ཅན་མེད། །བྱས་པ་དེ་བཞིན་མེད་ཅིང་རྣམ་སྨིན་མེད། །འབྲས་བུ་མྱོང་བར་
D60.042.0073a05.01འགྱུར་བ་དེ་མེད་ཅེས། །འདི་འདྲའི་ཆོས་མཁྱེན་ཐེ་ཚོམ་ཡོང་མི་མངའ། །མི་ཞིག་ཡིད་དུ་འོང་བའི་ཚིག་སྨྲ་ན། །དགའ་བར་འགྱུར་ཡང་ཚིག་ལ་འཕོ་བ་མེད། ཚིག་ཉིད་མེད་ཅིང་དགར་འགྱུར་དངོས་ཀྱང་མེད། །དེ་མཁྱེན་དེ་ལ་ཐེ་ཚོམ་ཡོང་མི་མངའ། །པི་བང་སྒྲ་སྙན་མཉན་ན་རྣར་
D60.042.0073a06.01སྙན་ཏེ། །སྒྲ་དེ་རང་བཞིན་གང་ཡང་ཡོད་པ་མིན། །དེ་ལྟར་མཁས་པས་ཕུང་པོ་འདི་གཟིགས་ན། །ཕུང་པོའི་རང་བཞིན་གང་ཡང་དམིགས་མི་མངའ། །ནོར་བུ་རིན་ཆེན་རང་བཞིན་གསལ་དག་པ། །གོས་ཀྱི་དྲུང་བཞག་སྣ་ཚོགས་ཚོན་དུ་འགྱུར། །དེ་ལྟར་རང་བཞིན་ཡོངས་དག་
D60.042.0073a07.01