完整藏文原文 · 德格版页 当前仅加载第 42 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། །ཐུབ་པ་གྲགས་ཆེན་དེ་དག་ཡོངས་སུ་མྱ་ངན་འདས་པར་གྱུར་པ་ན། །ཐུབ་པ་སྐྱོབ་པ་དེ་དག་ཀུན་གྱི་རིང་བསྲེལ་རྒྱས་པས་དོན་ཆེན་འགྱུར། །སེམས་ཅན་ཁྲག་ཁྲིག་བསམ་ཡས་རྣམས་ཀྱིས་དེ་ཚེ་རིང་བསྲེལ་མཆོད་བྱས་ཏེ། །
D60.042.0084a01.01རིང་བསྲེལ་དེ་དག་མཆོད་ནས་མྱ་ངན་འདས་པ་ཞི་བ་འཆི་མེད་འཐོབ། །ཐུབ་པ་རྐང་གཉིས་གཙོ་བོ་དེ་དག་གྲགས་པ་རྒྱུན་འཆད་མི་འགྱུར་ཏེ། །སློབ་པ་ཁྲག་ཁྲིག་བསམ་ཡས་རྣམས་ཀྱང་དེ་ཚེ་རྒྱལ་བའི་དྲུང་དུ་འདུ། །ཇི་ལྟར་བྱེ་བ་བརྒྱ་བགྲངས་ང་ལ་
D60.042.0084a02.01ལེགས་པར་སྤྱད་པ་བྱས་ནས་སུ། །བྱམས་པ་བལྟ་ཕྱིར་རྒྱ་ཆེན་ཡིད་ཀྱིས་བྱམས་པའི་འཁོར་དུ་འདོང་འགྱུར་བ། །དེ་ལྟར་རྒྱལ་བའི་ཉན་ཐོས་སློབ་ཚོགས་དེ་དག་རྒྱལ་ནས་རྒྱལ་འཁོར་དུ། །རྐང་གཉིས་གཙོ་བོ་དེ་དག་ཀུན་གྱི་རིང་བསྲེལ་མཆོད་པ་བྱ་ཕྱིར་འདོང་། །
D60.042.0084a03.01བདེ་གཤེགས་གསུང་སྙན་འགྲོ་བ་ཐམས་ཅད་ངོ་མཚར་གྱུར་པ་དེ་ཐོས་ཤིང་། །དགེ་རྒྱས་རིས་ཀྱི་ལྷ་ཡི་བདག་ཉིད་ཆེན་པོ་དེ་ཚེ་ཐོས་གྱུར་ནས། །འཁོར་རྣམས་ཐམས་ཅད་རབ་ཏུ་དགའ་སྟེ་ཕལ་ཆེར་བྱང་ཆུབ་སེམས་ཀྱང་བསྐྱེད། །བདག་ཉིད་ཆེན་པོ་ཤེས་ནས་ཐུབ་པའི་
D60.042.0084a04.01ཞབས་ལ་མགོ་བོས་རབ་ཏུ་གཏུགས། །དགེ་རྒྱས་རིས་ལུང་བསྟན་པའི་ལེའུ་སྟེ་ཉི་ཤུ་རྩ་གཉིས་པའོ།། །།དེ་ནས་དེའི་ཚེ་འབྲས་བུ་ཆེ་བའི་རིས་ཀྱི་ལྷ་བྱེ་བ་ཕྲག་བརྒྱད་ཅུས་ལྷ་མ་ཡིན་རྣམས་ནས་དགེ་རྒྱས་ཀྱི་ལྷའི་བར་དག་གི་མཆོད་པ་ཡང་མཐོང་ལུང་
D60.042.0084a05.01བསྟན་པ་ཡང་ཐོས་ནས་ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་བ་དང་། མགུ་བ་དང་། ཡིད་བདེ་བ་སྐྱེས་ནས། ཚུལ་གཅིག་ལ་ཞུགས་པ་དང་། ཆོས་རེ་རེ་ལས་ཀྱང་ཆོས་ཀྱི་སྒོ་མཐའ་ཡས་པ་འབྱུང་བར་ཡང་དག་པར་མཐོང་ཞིང་། ཚུལ་ལ་འཇུག་པ་
D60.042.0084a06.01ཐམས་ཅད་ལས་ཀྱང་མཐའ་ཡས་པའི་སྤོབས་པ་དང་། མི་ཆོད་པའི་སྤོབས་པ་དང་། རིགས་པའི་སྤོབས་པ་དང་། གྲོལ་བའི་སྤོབས་པ་དང་། ཐོགས་པ་མེད་པའི་སྤོབས་པ་དང་། ཉེ་བའི་སྤོབས་པ་དང་། ཕྲ་བའི་སྤོབས་པ་དང་། ཟབ་པའི་སྤོབས་པ་དང་། སྣ་
D60.042.0084a07.01