完整藏文原文 · 德格版页 当前仅加载第 42 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
པས་ཉེན་པ་ཚྭ་ཆུ་ལ། །རབ་ཏུ་འཐུངས་ཀྱང་ཡོངས་གདུང་བཞིན། །ཆུ་བོ་རྣམས་ཀྱིས་ནམ་དུ་ཡང་། །རྒྱ་མཚོ་ངོམས་པར་མི་འགྱུར་ཏེ། །དེ་བཞིན་འདོད་པ་བསྟེན་བྱས་ན། །གཞན་ཡང་ངོམས་པར་མི་འགྱུར་རོ། །ཤིང་དང་རྩྭ་དག་རབ་བསྲེགས་ཀྱང་། །མེ་ནི་ངོམས་པར་མི་འགྱུར་རོ། །དེ་
D60.042.0158b01.01བཞིན་འདོད་པ་བསྟེན་བྱས་ན། །འདོད་པའི་ལོངས་སྤྱོད་ངོམས་མི་མྱོང་། །མེ་ལོང་ཇི་ལྟར་གཟུགས་བརྙན་གྱིས། །ནམ་ཡང་ངོམས་པར་མི་འགྱུར་བ། །དེ་བཞིན་གཟུགས་རྣམས་བསྟེན་བྱས་ན། །འདོད་པའི་ལོངས་སྤྱོད་ངོམས་མི་མྱོང་། །བྲག་ཅ་ཇི་ལྟར་སྒྲ་རྣམས་ཀྱིས། །
D60.042.0158b02.01ནམ་ཡང་ངོམས་པར་མི་འགྱུར་བ། །དེ་བཞིན་སྒྲ་རྣམས་བསྟེན་བྱས་ན། །འདོད་པའི་ལོངས་སྤྱོད་ངོམས་མི་མྱོང་། །ཇི་ལྟར་སྤོས་སྣོད་སྤོས་རྣམས་ཀྱིས། །ནམ་ཡང་ངོམས་པར་མི་འགྱུར་བ། །དེ་བཞིན་དྲི་རྣམས་བསྟེན་བྱས་ཀྱང་། །སྣ་ནི་དྲི་ཡིས་ངོམས་མི་མྱོང་། །ཇི་ལྟར་
D60.042.0158b03.01གཟར་བུ་རོ་མཆོག་གིས། །ནམ་ཡང་ངོམས་པར་མི་འགྱུར་བ། །དེ་བཞིན་ལྕེ་ནི་རོ་མཆོག་གིས། །ནམ་ཡང་ངོམས་པར་མི་འགྱུར་རོ། །ཇི་ལྟར་ནམ་མཁའ་རླུང་རྣམས་ཀྱིས། །ནམ་ཡང་ངོམས་པར་མི་འགྱུར་བ། །དེ་བཞིན་ལུས་ནི་རེག་རྣམས་ཀྱིས། །ནམ་ཡང་ངོམས་པར་མི་
D60.042.0158b04.01འགྱུར་རོ། །དཔེར་ན་རྨི་ལམ་རྨིས་པ་ཡི། །ཆུ་འཐུངས་ངོམས་པར་མི་འགྱུར་བ། །དེ་བཞིན་འདོད་ལ་ཆགས་པ་ཡི། །ཡིད་ཀྱང་ངོམས་པར་འགྱུར་བ་མེད། །སེམས་ཅན་འདོད་ལ་སྟེན་པ་ནི། །ཕྱིར་ཞིང་སྲེད་པ་འཕེལ་འགྱུར་ཏེ། །ཡུལ་ལ་ཉེ་བར་བསྟེན་བྱས་ན། །འདོད་པས་ནམ་
D60.042.0158b05.01ཡང་ངོམས་པ་མེད། །སྐོམ་དང་མེ་འདྲའི་འདོད་པ་ལས། །སྡུག་བསྔལ་འབྱུང་བར་སུས་མཐོང་བ། །དེ་དག་སྲེད་པ་ཞིར་འགྱུར་ཏེ། །མེ་ལ་ཆུས་ནི་བླུགས་པ་བཞིན། །རྒྱལ་པོ་ཆེན་པོ་དེའི་ཚེ་དེའི་དུས་ན་འཁོར་ལོས་སྒྱུར་བའི་རྒྱལ་པོ་སའི་ལྷ་ཞེས་བྱ་བ་བྱུང་བ་དེ་གཞན་ཞིག་ཡིན་སྙམ་དུ་དོགས་
D60.042.0158b06.01ཤིང་ཐེ་ཚོམ་ཟའམ་ཡིད་གཉིས་སུ་གྱུར་ན་ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། རྒྱལ་པོ་ཆེན་པོ་ང་ཉིད་དེའི་ཚེ་དེའི་དུས་ན་འཁོར་ལོས་སྒྱུར་བའི་རྒྱལ་པོ་སའི་ལྷ་ཞེས་བྱ་བར་གྱུར་ཏོ། །དེ་ཙམ་དུ་ཆེ་ཞིང་དེ་ཙམ་དུ་ཡངས་པའི་དབང་ཕྱུག་ལ་དབང་བྱས་ཀྱང་དབང་ཕྱུག་གིས་མ་ངོམས་
D60.042.0158b07.01