完整藏文原文 · 德格版页 当前仅加载第 42 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོབ་པར་གྱུར། །དེ་ནས་ཐགས་ཟངས་རིས་ལ་སོགས་པ་ལྷ་མ་ཡིན་གྱི་དབང་པོ་བྱེ་བ་ཕྲག་དྲུག་ཅུ་པོ་དེ་དག་གིས་མཆོད་པ་འདི་ལྟ་བུ་བྱས་ནས་བྱང་ཆུབ་ལ་གཞོལ་བའི་སེམས་ཀྱིས་ཚིམ་ཞིང་མགུ་ལ་ཡི་རངས་ཏེ་རབ་ཏུ་དགའ་ནས། དགའ་བ་དང་། ཡིད་བདེ་བ་སྐྱེས་ཏེ་ཐལ་མོ་
D60.042.0027b01.01སྦྱར་ནས་བཅོམ་ལྡན་འདས་ཉིད་ལ་ཕྱག་འཚལ་ཞིང་། བཅོམ་ལྡན་འདས་ཀྱི་སྤྱན་སྔར་འཁོད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ལྷ་མ་ཡིན་གྱི་དབང་པོའི་མཆོད་པ་དེ་དག་ཀྱང་གཟིགས། ལྷ་མ་ཡིན་དེ་དག་གི་ལྷག་པའི་བསམ་པ་ཡང་ཐུགས་སུ་ཆུད་ནས་དེའི་ཚེ་འཛུམ་པ་
D60.042.0027b02.01མཛད་དོ། །འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་དེ་གང་གི་ཚེ་འཛུམ་པ་མཛད་པ་དེའི་ཚེ། བཅོམ་ལྡན་འདས་ཀྱི་ཞལ་གྱི་སྒོ་ནས་འོད་ཟེར་ཁ་དོག་སྣ་ཚོགས་ཁ་དོག་དུ་མ་འདི་ལྟ་སྟེ། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། ལེ་བརྒན་དང་།
D60.042.0027b03.01ཤེལ་དང་། དངུལ་གྱི་ཁ་དོག་ལྟ་བུ་དག་བྱུང་ནས་དེ་དག་གིས་ཐམས་ཅད་དང་ལྡན་པའི་འཇིག་རྟེན་སྣང་བས་རྒྱས་པར་བཀང་སྟེ་ཕྱིར་ལོག་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་དབུའི་གཙུག་ཏུ་ནུབ་བོ། །དེ་ནས་ཚེ་དང་ལྡན་པ་རྟ་ཐུལ་སྟན་ལས་
D60.042.0027b04.01ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འཛུམ་པ་མཛད་པའི་དོན་ཚིགས་སུ་བཅད་དེ་ཞུས་པ། འཇིག་རྟེན་ཕན་བཞེད་རྒྱུ་ཞིག་མ་མཆིས་པར། །
D60.042.0027b05.01མི་ཡི་སེང་གེ་འཛུམ་པ་མི་མཛད་ན། །དྲང་སྲོང་ཆེན་པོ་ཅི་སླད་འཛུམ་པ་མཛད། །སྐྱེས་བུ་མཆོག་གིས་འཛུམ་པའི་རྒྱུ་ཡང་གསུངས། །ལྷ་མིན་མཆོད་པ་རྒྱ་ཆེན་གཟིགས་གྱུར་ནས། །འཇིག་རྟེན་ཕན་བཞེད་ཁྱོད་ནི་འཛུམ་མཛད་ན། །ལྷ་མིན་རྣམས་ལ་ལུང་བསྟན་བཀའ་སྩལ་
D60.042.0027b06.01གསོལ། །དེ་ཐོས་བདག་ཅག་རྣམས་ནི་དགའ་བར་འགྱུར། །དེ་རིང་སུ་ཡིས་དོགས་མེད་རྒྱ་ཆེན་སེམས། །འཁོར་འདིར་ཡང་དག་བསྐྱེད་པར་གྱུར་ཅིག་གུ། །དེ་བཞིན་གཤེགས་པས་གང་གི་བསམ་མཁྱེན་ནས། །མི་ཡི་སེང་གེ་འཛུམ་པ་མཛད་པར་གྱུར། །དེ་རིང་ཡོངས་སུ་དག་པའི་
D60.042.0027b07.01