完整藏文原文 · 德格版页 当前仅加载第 42 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
ལེན་པའི་ངང་ཚུལ་ཅན་ཡིན། བྱུག་པ་ལ་དགའ་བ་ཡིན། འདོད་པའི་ཡོན་ཏན་ངན་ངོན་གྱིས་མི་མགུ་ཞིང་རྒྱ་ཆེན་པོ་ལ་དགའ་བ་ཡིན། རོལ་མོའི་སྒྲ་ཐམས་ཅད་ལ་དགའ་བ་ཡིན། གླུ་ཐམས་ཅད་ལ་དགའ་བ་ཡིན། སྐྱེ་བོ་རྒྱ་ཆེན་པོ་དང་འགྲོགས་པར་དགའ་བ་ཡིན། ཁང་པ་དང་། ཁང་པ་
D60.042.0122b01.01བརྩེགས་པ་དང་། ཁྱིམ་དང་། ལོངས་སྤྱོད་རྒྱ་ཆེན་པོ་ལ་དགའ་བ་ཡིན། དེའི་སེམས་བྱམས་པ་སྔོན་དུ་འགྲོ་བ་ཡིན། རྒོད་པའི་ངང་ཚུལ་ཅན་ཡིན། འཇམ་པར་སྨྲ་བ་ཡིན། དགའ་བ་ལ་མཁས་པ་ཡིན། རྒྱན་ལ་དགའ་བ་ཡིན། ཆེ་བའི་ངང་ཚུལ་ཅན་ཡིན། འགྲོ་བའི་ངང་
D60.042.0122b02.01ཚུལ་ཅན་ཡིན། ལུས་ཀྱི་ཤུགས་འབྱིན་པའི་ངང་ཚུལ་ཅན་ཡིན། ཆགས་པའི་མཚན་མ་དང་མི་ཆགས་པའི་མཚན་མ་ཤེས་པ་ཡིན། ཕན་པར་བྱ་བ་ལ་མཁས་པ་ཡིན་ཏེ། ཀུན་ཏུ་རྒྱུ་དག་མཚན་མ་དེ་དག་ལ་སོགས་པས། མཐོ་རིས་ནས་ཤི་འཕོས་པའི་གང་ཟག་ཏུ་ཤེས་པར་བྱའོ། །
D60.042.0122b03.01ཀུན་ཏུ་རྒྱུ་དག་དེ་ལ་མཚན་མ་དེ་དག་ལས་ཡང་དག་པར་འདའ་བར་བྱ་བའི་ཕྱིར་རིགས་ཀྱི་བུའམ། རིགས་ཀྱི་བུ་མོ་དག་གིས་དགེ་བའི་བཤེས་གཉེན་གང་དག་མཚན་མ་དེ་དག་ལས་ཡང་དག་པར་འདའ་བར་བྱ་བའི་ཕྱིར་ཆོས་སྟོན་པར་བྱེད་པ་དེ་ལྟ་བུའི་དགེ་བའི་བཤེས་གཉེན་རྣམས་བསྟེན་པར་བྱ།
D60.042.0122b04.01བསྙེན་པར་བྱ། བསྙེན་བཀུར་བར་བྱའོ། །དེ་ལ་སེམས་ཅན་དམྱལ་བ་ནས་ཤི་འཕོས་པའི་གང་ཟག་གིས་ནི་སྔོན་མིར་གྱུར་པའི་ཚེ་ཞེ་སྡང་ལ་ཡོངས་སུ་བསྟེན་པས་དེས་ཞེ་སྡང་ལས་བྱུང་བའི་ལས་མངོན་པར་འདུ་བྱས་པས་དེ་ལས་དེས་སེམས་ཅན་དམྱལ་བར་སྐྱེས་ཏེ། དེའི་ཕྱིར་སེམས་ཅན་དམྱལ་
D60.042.0122b05.01བར་གནས་པ་རྙེད་ནས་སེམས་ཅན་དམྱལ་བའི་སྤྱོད་པ་ཅན་དུ་གྱུར་པས་དེ་མིའི་ནང་དུ་སྐྱེས་ཏེ། སྤྱོད་པའི་རྟགས་འདི་དག་ཐོས་ནས་བདག་ནི་སེམས་ཅན་དམྱལ་བ་ནས་ཤི་འཕོས་པའོ་ཞེས་བདག་ཉིད་ཀྱིས་ཤེས་པར་བྱ་ཞིང་། དེས་སེམས་ཅན་དམྱལ་བའི་ལས་ཀྱི་རྒྱུ་སྤང་བའི་ཕྱིར་དགེ་བའི་
D60.042.0122b06.01བཤེས་གཉེན་བཙལ་བར་བྱ་སྟེ། དེ་ལ་དགེ་བའི་བཤེས་གཉེན་དེ་དག་ཞེ་སྡང་གི་གཉེན་པོར་བྱམས་པ་སྟོན་ཏོ། །བྱམས་པ་དང་ལྡན་པའི་བྱང་ཆུབ་ཀྱི་ཕྱོགས་ཀྱི་ཆོས་རྣམས་དང་། བྱམས་པ་དང་ལྡན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་སྟོན་ཏོ། །དེས་ཀྱང་དེའི་ཞེ་སྡང་གི་བག་ལ་ཉལ་
D60.042.0122b07.01