完整藏文原文 · 德格版页 当前仅加载第 42 函德格 60b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་བསྟན་ལ་བག་ཡོད་པ། །ཆོས་རྣམས་འདི་དག་སྤྲུལ་པ་འདྲ་བར་སེམས། །ཞི་གནས་དེ་ལ་སུ་སྟེན་བག་ཡོད་པ། །མྱུར་དུ་བླ་མེད་བྱང་ཆུབ་མཆོག་ཞི་འཐོབ། །སུམ་ཅུ་རྩ་གསུམ་པ་ལུང་བསྟན་པའི་ལེའུ་སྟེ་{བཅྭ་,བཅོ་}ལྔ་པའོ།། །།དེ་ནས་དེའི་ཚེ་འཐབ་
D60.042.0060b01.01བྲལ་གྱི་ལྷ་བྱེ་བ་ཕྲག་བཞི་བཅུས་ལྷ་མ་ཡིན་རྣམས་ནས་སུམ་ཅུ་རྩ་གསུམ་རིས་ཀྱི་ལྷའི་བར་དེ་དག་གི་མཆོད་པ་ཡང་མཐོང་། ལུང་བསྟན་པ་ཡང་ཐོས་ནས་ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་དགའ་བ་དང་ཡིད་བདེ་བ་སྐྱེས་ནས་བཅོམ་ལྡན་འདས་ཀྱང་ལུང་བསྟན་པ་ལ་
D60.042.0060b02.01ཐོགས་པ་མི་མངའ་བར་ཤེས་ཤིང་སངས་རྒྱས་ཀྱི་ཆོས་རྣམས་ནི་ཉམས་དགའ་བ་སྟེ། དེ་དག་ཐོབ་ན་མ་ཤེས་པའམ། མ་མཐོང་བའམ། མ་རྟོགས་པའམ། མངོན་དུ་མ་བྱས་པའམ། སྐྱེ་བའམ། འགག་པའམ། ལས་སམ། ལས་ཀྱི་རྣམ་པར་སྨིན་པ་གང་ཡང་མེད་དོ་ཞེས་སངས་
D60.042.0060b03.01རྒྱས་ཀྱི་ཆོས་རྣམས་ལ་འདོད་པ་བསྐྱེད་དོ། །འདི་ལྟར་དེ་བཞིན་གཤེགས་པས་ཀུན་རྫོབ་དང་དོན་དམ་པ་གཉིས་ཐུགས་སུ་ཆུད་དེ། ཤེས་པར་བྱ་བ་ཡང་ཀུན་རྫོབ་དང་དོན་དམ་པ་འདིར་ཟད་དོ། །དེ་ཡང་བཅོམ་ལྡན་འདས་ཀྱིས་སྟོང་པ་ཉིད་རབ་ཏུ་གཟིགས། རབ་ཏུ་མཁྱེན། ལེགས་པར་
D60.042.0060b04.01མངོན་དུ་མཛད་པས་དེའི་ཕྱིར་ཐམས་ཅད་མཁྱེན་པ་ཞེས་བྱའོ། །དེ་ལ་ཀུན་རྫོབ་ནི་འཇིག་རྟེན་གྱི་སྤྱོད་པར་དེ་བཞིན་གཤེགས་པས་གཟིགས་སོ། །དོན་དམ་པ་གང་ཡིན་པ་དེ་ནི་བརྗོད་དུ་མེད་པ་སྟེ། ཤེས་པར་བྱ་བ་མ་ཡིན་པ། རྣམ་པར་ཤེས་པར་བྱ་བ་མ་ཡིན་པ། ཡོངས་སུ་ཤེས་
D60.042.0060b05.01པར་བྱ་བ་མ་ཡིན་པ། མ་བསྟན་པ། རབ་ཏུ་མ་བསྟན་པ། མ་ཐོས་པ། ཐོས་པར་མ་བྱས་པ། མ་ཤེས་པ། རྣམ་པར་མ་ཤེས་པ། མ་བསྟན་པ། མ་མཐོང་བ། མ་བརྟགས་པ། འཛིན་དུ་མ་བཅུག་པ། རྟོགས་པར་མ་བྱས་པ། ཐོབ་པར་མ་བྱས་པ། མ་ཐོབ་པ། ཉེ་བར་མ་བསྙེན་པ།
D60.042.0060b06.01མ་བོར་བ། མ་བཞག་པ། མ་སྤངས་པ། བྱ་བ་མེད་པ། བྱེད་པ་མེད་པ། རབ་ཏུ་ཞི་བ་མེད་པ། མ་སྨད་པ། མ་བསྟོད་པ། ཐོབ་པ་མ་ཡིན་པ། མ་ཐོབ་པ་མ་ཡིན་པ། བདེ་བ་མ་ཡིན་པ། སྡུག་བསྔལ་བ་མ་ཡིན་པ། སྙན་པ་མ་ཡིན་པ། མི་སྙན་པ་མ་ཡིན་པ། གཟུགས་མ་ཡིན་པ། གཟུགས་
D60.042.0060b07.01