完整藏文原文 · 德格版页 当前仅加载第 42 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་གཟིགས་ཤིང་དོན་མཛད་སྟོབས་དང་ལྡན་པ་བསྐྱེད། །སེམས་ཅན་སྡུག་བསྔལ་འགྲོ་དང་ཐུབ་དང་མྱ་ངན་འདས་དང་གནས་མ་མཆིས། །སངས་རྒྱས་ཚུལ་འདི་རྟོགས་ནས་ཐུབ་པ་མཆོད་འོས་ཁྱོད་ལ་མཆོད་པ་འཚལ། །འདྲེན་པ་ཚད་མེད་བཞི་པོ་གཟིགས་ཤིང་དེ་ཡང་
D60.042.0081b01.01གཉིས་སུ་མེད་པར་བསྟན། །གང་ཞིག་དེར་དུལ་མ་གཟིགས་གང་ཡང་ཚད་མེད་གནས་པ་དེ་མ་གཟིགས། །ཐུབ་པས་བག་མེད་གང་ཡང་མ་གཟིགས་བག་ཡོད་མི་ཡང་མ་གཟིགས་ཏེ། །སངས་རྒྱས་ཚུལ་འདི་འཚལ་ནས་ཐུབ་པ་སྟོན་པ་ཁྱོད་ལ་མཆོད་པ་བགྱིས། །ཐུབ་
D60.042.0081b02.01པ་སྐུ་ནི་རྣམ་པར་སྤངས་པས་སྐུ་བཙལ་མཛད་ན་མ་བརྙེས་ཀྱང་། །དེ་ལྟར་འདྲེན་པ་དྲན་པ་མ་གསུངས་མ་ལགས་བསྙེལ་བ་ཡང་མི་མངའ། །བདེ་བར་གཤེགས་པ་ལུས་ལ་སོང་བའི་བསྒོམ་པ་བསྒོམ་པར་གྱིས་ཤེས་གསུངས། །སངས་རྒྱས་ཚུལ་འདི་རིག་ནས་བདེ་བར་
D60.042.0081b03.01གཤེགས་པ་སྐྱོབ་ལ་མཆོད་པ་བགྱིས། །འདྲེན་པས་ཚོར་བའི་རང་བཞིན་བཙལ་བ་མཛད་ན་བརྙེས་པར་མ་གྱུར་ལ། །ཚོར་བ་ཚོར་བར་བགྱིད་པའང་ཐུབ་པས་ཡོངས་སུ་བཙལ་ན་མ་བརྙེས་ཏེ། །དེ་ལྟར་གང་ཞིག་དྲན་སྒོམ་དེ་ནི་སངས་རྒྱས་ཀྱིས་ཀྱང་ཡོང་མ་གཟིགས། །སངས་
D60.042.0081b04.01རྒྱས་ཚུལ་འདི་འཚལ་ནས་སྟོན་པ་ལ་ནི་བདག་ཅག་མཆོད་པ་བགྱིས། །ཐུབ་པས་སེམས་དང་སེམས་ལས་བྱུང་བ་དགོངས་ཏེ་བཙལ་ན་མ་བརྙེས་ལ། །གང་གི་ཉེ་བར་གཞག་པ་དེ་ཡང་དྲན་པ་མེད་པར་རབ་མཁྱེན་ཀྱང་། །ཐར་པ་འདོད་པ་རྣམས་ཀྱིས་སེམས་འདུས་དྲན་པ་
D60.042.0081b05.01བསྒོམ་པར་གྱིས་ཤེས་གསུངས། །བདེ་བར་གཤེགས་པའི་དགོངས་པ་འདི་འཚལ་ནས་ནི་སྟོན་ལ་མཆོད་པ་བགྱིས། །འཇིག་རྟེན་ཕན་པར་བཞེད་པས་ཆོས་དང་ཆོས་ལ་གང་སྤྱོད་དེ་མ་གཟིགས། །བསྒོམ་པར་གང་གསུངས་དྲན་པ་དེ་ཡང་འདི་ན་རང་བཞིན་མ་མཆིས་ལ། །ཐར་པ་
D60.042.0081b06.01འདོད་པ་རྣམས་ཀྱིས་ཆོས་འདུས་དྲན་པ་བསྒོམ་པར་གྱིས་ཤེས་གསུངས། །སངས་རྒྱས་ཚུལ་བཞི་པོ་འདི་རབ་ཏུ་འཚལ་ནས་སྐྱོབ་ལ་མཆོད་པ་བགྱིས། །གནས་གཅིག་མཆིས་པ་མ་ལགས་གཉིས་སམ་གསུམ་(འམ་,མམ་)བཞི་ལྟ་ག་ལ་མཆིས། །གང་གིས་གནས་སུ་བརྗོད་པའི་དྲན་པ་
D60.042.0081b07.01