完整藏文原文 · 德格版页 当前仅加载第 42 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་མ་མི་རྣམས་ནི་རྙེད་པ་ལེགས་པར་རྙེད་པའོ་ཞེས་ཟེར་བར་གྱུར་ཏོ། །དེ་ནས་ལྷའི་དབང་པོ་བརྒྱ་བྱིན་ཆོས་བཟང་ལྷའི་མདུན་ས་ག་ལ་བ་དེར་སོང་སྟེ་ཕྱིན་ནས་རང་གི་སྟན་ལ་འདུག་སྟེ་སུམ་ཅུ་རྩ་གསུམ་པའི་ལྷ་རྣམས་ལ་སྨྲས་པ། ཁྱེད་ད་ལྟར་འདི་ན་འཁོད་པ་རྣམས་གཏམ་ཅི་ཞིག་བྱེད་
D60.042.0163b01.01བྱེད། དེ་སྐད་ཅེས་སྨྲས་པ་དང་། སུམ་ཅུ་རྩ་གསུམ་པའི་ལྷ་རྣམས་ཀྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ལྷའི་དབང་པོ་བདག་ཅག་ཆོས་བཟང་ལྷའི་མདུན་ས་འདི་ན་མཆིས་པའི་ཚེ་བར་སྐབས་སུ་འདི་ལྟ་བུའི་གཏམ་བརྗོད་པ་བྱུང་སྟེ། འདི་ལྟར་
D60.042.0163b02.01ཕྱིན་ཅི་ལོག་ཏུ་གྱུར་པའི་སེམས་ཅན་རྣམས་ལ་ཐབས་མཁས་པས་གང་འདི་ཆོས་ཐམས་ཅད་རང་བཞིན་མེད་པའོ་ཞེས་ཕྱིན་ཅི་མ་ལོག་པར་སྟོན་པ་ཆོས་ཅན་ཆོས་ཀྱི་རྒྱལ་པོ་ཐབས་མཁས་པ་དང་ལྡན་པ་མུ་ཁྱུད་འདི་སུ་དག་གི་རྒྱལ་པོ་ཡིན་པའི་མི་རྣམས་ནི་ཀྱེ་མའོ་རྙེད་པ་དང་ལྡན་པ་སྟེ།
D60.042.0163b03.01ཀྱེ་མའོ་མི་རྣམས་ནི་རྙེད་པ་ལེགས་པར་རྙེད་པའོ་ཞེས་བགྱིས་སོ། །དེ་སྐད་ཅེས་སྨྲས་པ་དང་། ལྷའི་དབང་པོ་བརྒྱ་བྱིན་གྱིས་སུམ་ཅུ་རྩ་གསུམ་པའི་ལྷ་དེ་དག་ལ་འདི་སྐད་ཅེས་སྨྲས་སོ། །ཀྱེ་གྲོགས་པོ་དག་རྒྱལ་པོ་མུ་ཁྱུད་ཅེས་བྱ་བ་དེ་ནི་ཐབས་ལ་མཁས་པ་བསམ་གྱིས་མི་ཁྱབ་
D60.042.0163b04.01པ་དང་ལྡན་པ་ཡིན་ན་རྒྱལ་པོ་མུ་ཁྱུད་དེ་འདིར་འོངས་ནས་མཐོང་བར་ཁྱེད་འདོད་དམ་མི་འདོད། སུམ་ཅུ་རྩ་གསུམ་པའི་ལྷ་རྣམས་ཀྱིས་སྨྲས་པ། ལྷའི་དབང་པོ་མུ་ཁྱུད་དེ་འདིར་མཆིས་ཏེ་མཐོང་བར་བདག་ཅག་ཀྱང་འཚལ་ལོ། །དེ་ནས་ལྷའི་དབང་པོ་བརྒྱ་བྱིན་གྱིས་ཁ་ལོ་
D60.042.0163b05.01སྒྱུར་བ་མ་ཏ་ལི་ལ་སྨྲས་པ། མ་ཏ་ལི་ཚུར་ཤོག །ཁྱོད་ལྷའི་ཤིང་རྟ་ཅང་ཤེས་རྩིབས་སྟོང་དང་ལྡན་པ་ཁྲིད་ལ་རྒྱལ་པོ་མུ་ཁྱུད་ག་ལ་བ་དེར་སོང་སྟེ། རྒྱལ་པོ་མུ་ཁྱུད་ལ་འདི་སྐད་གྱིས་ཤིག །རྒྱལ་པོ་ཆེན་པོ་སུམ་ཅུ་རྩ་གསུམ་པའི་ལྷ་རྣམས་ཀྱི་ཤིང་རྟ་ཅང་ཤེས་རྩིབས་སྟོང་
D60.042.0163b06.01དང་ལྡན་པ་འདི་བཀྲི་སྟེ་མཆིས་ན་རྒྱལ་པོ་ཆེན་པོ་ཐགས་ཐོགས་མ་མཆིས་པར་འདི་ལ་བཅིབས་སུ་གསོལ། སུམ་ཅུ་རྩ་གསུམ་པའི་ལྷ་རྣམས་ནི་ཁྱོད་མཐོང་བར་དགའོ་ཞེས་གྱིས་ལ་ཤིང་རྟ་ལ་ཞོན་པ་དང་འདི་སྐད་ཅེས་གྱིས་ཤིག །རྒྱལ་པོ་ཆེན་པོ་ལམ་གང་ནས་གཤེགས་
D60.042.0163b07.01