完整藏文原文 · 德格版页 当前仅加载第 42 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་བཞིར་རྒྱལ་སྲིད་ཀྱི་དབང་ཕྱུག་ལ་དབང་བྱས་ཤིང་བསམ་པ་ཡིད་བཞིན་དུ་གྲུབ་ལ་དོན་མེད་པར་མ་གྱུར་པ་ཡང་མྱོང་། །ཤིང་ཐམས་ཅད་ཡིད་བཞིན་དུ་འབྲས་བུ་ཆགས་པ་དང་། གནོད་པ་ཐམས་ཅད་རྒྱུན་ཆད་པ་དང་། སེམས་ཅན་ཐམས་ཅད་ཀྱི་ཡིད་ལ་བསམས་པ་དོན་ཡོད་པ་དང་།
D60.042.0155b01.01སྤོས་ཆུའི་ཆར་འབབ་པ་དང་། ལྷའི་ཡིད་བཞིན་གྱི་གོས་ཀྱི་ཆར་འབབ་པ་དང་། དབྱིག་གི་ཆར་འབབ་པ་དང་། གསེར་གྱི་ཆར་འབབ་པ་དང་། རིན་པོ་ཆེ་སྣ་ཚོགས་ཀྱི་ཆར་འབབ་པ་དང་། ཡོ་བྱད་ཐམས་ཅད་ཀྱི་ཆར་འབབ་པ་ཡང་མྱོང་བར་གྱུར་ནས་གླིང་ཆེན་པོ་བཞི་དག་ཏུ་གནས་ཏེ།
D60.042.0155b02.01གླིང་ཆེན་པོ་བཞིའི་རྒྱལ་སྲིད་ཀྱི་དབང་ཕྱུག་ལ་དབང་བྱས་ནས་བརྒྱ་བྱིན་གྱི་སྟན་ཕྱེད་མནན་པ་ལས་འདོད་པ་ཆེན་པོས་མ་བཏང་སྟེ། འདོད་པས་མ་ངོམས་བཞིན་དུ་འཆི་བའི་དུས་བྱས་སོ་ཞེས་རྒྱལ་པོ་ཆེན་པོ་ཁྱོད་ཀྱིས་ལུང་སྟོན་ཅིག །དེ་སྐད་ཅེས་སྨྲས་ནས་རྒྱལ་པོ་གྲགས་པ་མཐའ་ཡས་དེ་
D60.042.0155b03.01འཆི་བའི་དུས་བྱས་པར་གྱུར་ཏོ། །རྒྱལ་པོ་ཆེན་པོ་དེའི་ཚེ་དེའི་དུས་ན་འཁོར་ལོས་སྒྱུར་བའི་རྒྱལ་པོ་གྲགས་པ་མཐའ་ཡས་ཞེས་བྱ་བ་བྱུང་བ་དེ་གཞན་ཞིག་ཡིན་པ་སྙམ་དུ་ཁྱོད་དོགས་ཤིང་ཐེ་ཚོམ་ཟ་ན་དེ་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། རྒྱལ་པོ་ཆེན་པོ་ང་ཉིད་དེའི་ཚེ་དེའི་དུས་ན་འཁོར་
D60.042.0155b04.01ལོས་སྒྱུར་བའི་རྒྱལ་པོ་གྲགས་པ་མཐའ་ཡས་ཞེས་བྱ་བར་གྱུར་ཏོ། །དེ་བས་ན་རྒྱལ་པོ་ཆེན་པོ་ཁྱོད་ཀྱིས་དབང་པོ་རྣམས་ནི་སྒྱུ་མ་ལྟ་བུ། ཡུལ་རྣམས་ནི་རྨི་ལམ་ལྟ་བུའོ་ཞེས་དེ་ལྟར་རིག་པར་བྱས་ནས་སེམས་ངེས་པར་བཞག་པར་བྱ་སྟེ། གཞན་གྱི་དྲིང་མི་འཇོག་པར་བྱའོ། །དེ་ནས་བཅོམ་
D60.042.0155b05.01ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །འདོད་པའི་དབང་ཕྱུག་རྣམ་པ་ལས། །སེམས་ནི་མཁས་པས་བསྐྱོད་བྱས་ཏེ། །ཆོས་ཀྱི་དབང་ཕྱུག་དགའ་བ་ལ། །སེམས་ནི་ཡང་དག་ཉིད་དུ་གཏང་། །འདོད་བདེའི་དབང་ཕྱུག་སྤང་བྱས་ཤིང་། །ཆོས་ཀྱི་དབང་
D60.042.0155b06.01ལ་ཡིད་བཞག་སྟེ། །སེམས་གདུལ་བ་ལ་རབ་བརྟེན་ན། །ཉོན་མོངས་རབ་ཏུ་ཚར་ཆོད་འགྱུར། །ཉོན་མོངས་ཚར་བཅད་བརྟེན་རྣམས་ནི། །ལས་ཀྱི་ལམ་ཡང་ཆད་པར་འགྱུར། །ལས་ཀྱི་ལམ་ནི་ཆད་གྱུར་ན། །འཇིག་རྟེན་གྱི་ནི་མཆོད་རྟེན་འགྱུར། །འདོད་ལ་ཀུན་ནས་ཉོན་མ་མོངས། །
D60.042.0155b07.01