完整藏文原文 · 德格版页 当前仅加载第 42 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་འདི་དག་མཚན་མེད་པར། །སྨིག་རྒྱུ་ལ་ནི་ཇི་ལྟར་ཆུ་བཞིན་མཐོང་། །བྱིས་པའི་རྨོངས་པ་མཁས་པའི་ཚུལ་བཞིན་ཏེ། །དེ་དག་རྗེས་སུ་བྱང་ཆུབ་འདོད་པས་བསླབ། །མཚན་མའི་འདུ་ཤེས་སྤང་ཕྱིར་མི་རྣམས་གང་། །རྟག་ཏུ་མཚན་མ་མངོན་དགའ་
D60.042.0071a01.01འཇིག་འགྱུར་ཞིང་། །མཚན་མའི་འདུ་ཤེས་ལོག་པའི་ལམ་དུ་འདོང་། །མཚན་མ་མེད་པས་བྱང་ཆུབ་མཆོག་ཐོབ་འགྱུར། །མེད་པའི་རྟོག་ལྡན་མཚན་མར་རྣམ་བརྟགས་ནས། །ཇི་ལྟར་བརྟགས་པས་དེ་ལྟར་འཆིང་བ་ཡིན། །མཚན་མ་སྟོང་པར་རྣམ་མཐོང་མཁས་པ་ཡི། །ཞི་བ་
D60.042.0071a02.01དག་ནི་གྲགས་པ་དམ་པ་ཐོབ། །འདུ་ཤེས་མཚན་ཅན་མི་མཉམ་སེམས་རྒྱུད་ཀྱིས། །སྡིག་པ་བརྒྱ་དག་མི་མཁས་དེ་དག་བྱེད། །འགྲོ་བ་ཀུན་ཏུ་སྡུག་བསྔལ་མི་ཆུང་མྱོང་། །དེ་ལྟར་མི་མཁས་མཚན་མ་བརྟག་པ་བྱས། །མཚན་མར་འདུ་ཤེས་པ་ནི་ཕུང་པོ་དང་། །སངས་རྒྱས་
D60.042.0071a03.01བྱང་ཆུབ་བྱང་ཆུབ་སེམས་དཔའ་མཐོང་། །དེ་ལྟར་མཚན་མ་མེད་ཅིང་སྟོང་མཐོང་ན། །བྱང་ཆུབ་གཞལ་མེད་བླ་ན་མེད་པ་འཐོབ། །འདུ་ཤེས་མཚན་མ་ཅན་ལ་ཉོན་མོངས་འཕེལ། །མཚན་མ་མེད་པ་ཀུན་ཏུ་སྦྱོར་བ་སྤོང་། །མཚན་མ་ལས་ནི་ཀུན་སྦྱོར་གཞན་མེད་དེ། །ཀུན་ཏུ་
D60.042.0071a04.01སྦྱོར་བ་དེ་ཉིད་མཚན་མེད་ཡིན། །གང་རྣམས་བྱང་ཆུབ་ཐོབ་པར་བྱ་རྟོག་པ། །རྟོག་པ་དེ་ཉིད་མི་མཁས་བར་ཆད་ཡིན། །མཁས་པའི་ལོངས་སྤྱོད་རྣམ་པ་ཐོབ་བྱེད་ན། །ལོངས་སྤྱོད་དེ་ཉིད་མཚན་མ་མེད་པར་འགྱུར། །ཆོས་རྣམས་གང་ཡང་རང་བཞིན་ཉིད་ཀྱིས་མེད། །རྣམ་པར་རྟོག་
D60.042.0071a05.01པས་ཆོས་བྱུང་ཀུན་ཀྱང་སྟོང་། །རྟོག་པ་མེད་པས་མཚན་མ་མེད་པར་འགྱུར། །དེ་ཉིད་བྱང་ཆུབ་གཞན་དུ་མཁས་མི་སྨྲ། །རྒྱལ་བས་གསུངས་པ་དེ་དག་ཐོས་གྱུར་ནས། །མི་འཇིགས་ལྡན་པའི་འཁོར་ནི་ཐེ་ཚོམ་བསལ། །དཔེར་ན་ཙམ་པའི་ཕྲེང་བ་འཛིན་པ་ལྟར། །མཁས་རྣམས་
D60.042.0071a06.01ཐུབ་པས་གསུངས་ལ་ལེགས་ཞེས་འཛིན། །འཇིགས་པ་མེད་པའི་ལྷ་ཚོགས་འདི་དག་གིས། །མཆོད་པ་འཕགས་པ་བླ་ན་མེད་བྱས་ཤིང་། །རྒྱལ་བའི་སྤྱོད་ཡུལ་ཆོས་རྣམས་ཡོངས་ཤེས་ནས། །འགྲོ་བ་རྣམ་པར་འདྲེན་པ་ཀུན་མཁྱེན་འགྱུར། །གཞན་འཕྲུལ་དབང་བྱེད་པ་ལུང་
D60.042.0071a07.01