完整藏文原文 · 德格版页 当前仅加载第 42 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེ་བ་ཕྲག་དགུ་བཅུས་རྟ་དེ་རྣམས་སྔོན་དུ་དཀྲི་སྟེ་རྐང་གིས་དོང་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། ནོར་བུ་རིན་པོ་ཆེ་ཀ་ཙ་ལིན་དི་ཀ་ལྟར་རེག་ན་བདེ་བ་དག་གིས་བཅོམ་ལྡན་འདས་ལ་གཏོར་མངོན་པར་གཏོར། མངོན་པར་རབ་ཏུ་གཏོར་ཏོ། །འདུན་ཁང་གི་གཞི་དེ་ནས་རིན་པོ་ཆེ་གང་དག་མངོན་པར་
D60.042.0040b01.01འཐོན་པ་དེ་དག་ཐམས་ཅད་ཀྱང་། བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པའི་སྟེང་དུ་ཆར་བཞིན་དུ་བབ་པར་གྱུར་ཏོ། །ཀླུའི་རོལ་མོ་སིལ་སྙན་དཔག་ཏུ་མེད་པ་དེ་དག་ཀྱང་སྟེང་གི་བར་སྣང་ལས་སྒྲ་འབྱིན་པར་གྱུར་ཏོ། །དེ་ནས་ཀླུ་བྱེ་བ་ཕྲག་དགུ་བཅུ་བོ་དེ་དག་གིས་བཅོམ་ལྡན་འདས་ལ་ལན་གསུམ་
D60.042.0040b02.01བསྐོར་བ་བྱས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཐལ་མོ་སྦྱར་ཏེ། ཅང་མི་ཟེར་བར་བཅོམ་ལྡན་འདས་རྣམ་པས་རྗེས་སུ་དྲན་པར་བྱེད་ཅིང་མིག་མི་འཛུམས་པར་ལྟ་ལ། འདི་ལྟར་སངས་རྒྱས་ཀྱི་ཡོན་ཏན་འདོད་པའི་ཕྱིར་ལྷག་པའི་བསམ་པས་བྱང་ཆུབ་ཏུ་ཡང་དག་པར་ཞུགས་པར་
D60.042.0040b03.01གྱུར་ཏོ། །དེ་ནས་དེ་དག་གིས་ཅུང་ཟད་ཅིག་ཏུ་མི་སྨྲ་བར་བཅོམ་ལྡན་འདས་ཀྱི་ཡོན་ཏན་རྗེས་སུ་དྲན་པར་བྱས་ནས་སོ་སོ་ནས་བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་ཡན་
D60.042.0040b04.01ལག་ལྔས་ཕྱག་འཚལ་ནས་ཚིགས་སུ་བཅད་པ་དག་གིས་མངོན་པར་བསྟོད་པ། །མཚན་བརྒྱ་རྫོགས་པ་བརྟུལ་ཞུགས་ལེགས་སྤྱད་པ། །དཀའ་ཐུབ་དགྱེས་པ་དྲི་མེད་ཐུགས་རྗེ་ཅན། །རིན་ཆེན་འབྱུང་གནས་བཅས་པའི་ས་སྤངས་ཏེ། བདེ་གཤེགས་ཁྱོད་ནི་གྲོང་ཁྱེར་མངོན་པར་བྱུང་། །ལོ་དྲུག་བར་དུ་
D60.042.0040b05.01དཀའ་ཐུབ་དཀའ་མཛད་དེ། །རྒྱལ་བ་ཁྱོད་ཀྱིས་བདུད་རྩི་མ་བརྙེས་ཀྱང་། །བདེ་གཤེགས་ཁྱོད་ཀྱི་ཐུགས་ནི་ཞུམ་མ་གྱུར། །ཐུབ་པ་ཁྱོད་ཀྱིས་བྱང་ཆུབ་ཐུགས་ཀྱིས་སྤྱད། །ཇི་ལྟར་འདྲེན་པ་ལྷ་མིའི་བླ་མ་ཁྱོད། །འགྲོ་ལ་ཕན་བཞེད་དཀའ་ཐུབ་སྤྱད་མཛད་དེ། །འཇིག་རྟེན་མགོན་པོ་སྡུག་བསྔལ་(བཏར་,བཏང་)གྱུར་པ། །
D60.042.0040b06.01དེ་ཐོས་པས་ཀྱང་བདག་ཅག་ཡིད་མི་དགའ། །ཐུབ་པ་དབུ་དང་སྤྱན་ནི་བཏང་བ་དང་། །བྱང་ཆུབ་སེམས་ནི་ཇི་ལྟར་སྒྲུབ་མཛད་པ། །བདེ་བར་གཤེགས་ཀྱི་དཀའ་སྤྱད་ཐོས་གྱུར་ན། །དེ་ཐོས་པས་ཀྱང་བདག་ཅག་བདེ་མི་འགྱུར། །གང་ཚེ་ཀ་ལིང་རྒྱལ་པོས་བཟོད་སྨྲ་བའི། །ཞབས་དང་ཕྱག་དང་སྙན་རྣམས་གཏུབས་
D60.042.0040b07.01