完整藏文原文 · 德格版页 当前仅加载第 42 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་གཏན་རྣམ་ཐར་རྣམ་བྱང་དང་། །སྙོམས་པར་འཇུག་དང་ཏིང་ངེ་འཛིན། །བག་ཡོད་པ་ལས་བྱུང་བ་སྟེ། །དེ་ལ་ཁྱོད་ཀྱིས་ཡེ་ཤེས་འཇུག །ལྷའི་བུ་སྟོབས་རྣམ་པར་སྤེལ་གྱིས་གསོལ་པ། དཔའ་བོ་ཁྱོད་ཀྱི་མཁྱེན་པ་ནི། །བསམ་གཏན་ལ་
D60.042.0108a01.01སོགས་དེ་དག་དང་། །ལྡང་དང་རྣམ་པར་བྱང་ལ་འཇུག །དེ་ནི་རླུང་ལྟར་ཆགས་པ་མེད། །ལྷའི་བུ་སྔོན་གྱི་མཐའ་ལ་མཁས་པས་གསོལ་པ། བསྐལ་པ་བྱེ་བ་གྲངས་མེད་དུ། །སྲིད་པ་འདི་ན་སྔོན་བཞུགས་ཚེ། །སྲིད་པའི་སྐྱོན་དང་ཡོང་མ་འདྲེས། །དེས་ན་
D60.042.0108a02.01ཁྱོད་ལ་དོ་ཟླ་མེད། །ལྷའི་བུ་སྔོན་གྱི་མཐའ་ལ་གནས་པས་གསོལ་པ། བསྐལ་པ་བྱེ་བ་གྲངས་མེད་དུ། །བྱང་ཆུབ་གཞལ་ཡས་ཚོལ་མཛད་ཅིང་། །འདྲེན་པས་ཡོངས་སུ་སྤྱད་པས་ན། །དེས་ན་ཁྱོད་ནི་དཔའ་བོ་ལགས། །ལྷའི་བུ་སྔོན་གྱི་མཐའ་ལ་རྟོགས་པས་
D60.042.0108a03.01གསོལ་པ། སྔོན་མཐར་སྦྱིན་པ་སྣ་ཚོགས་དག །བློ་མཆོག་གསུངས་ཚེ་གསོལ་པས་ན། །སྤོབས་པ་སྣ་ཚོགས་རབ་མངའ་བར། །རྣམ་པར་འདྲེན་པ་དེས་ངེས་བྱུང་། །ལྷའི་བུ་སྔོན་གྱི་མཐའ་ལ་བྱང་བས་གསོལ་པ། སྔོན་ཆད་འཁོར་བར་སྤྱོད་པའི་ཚེ། །ཚུལ་
D60.042.0108a04.01རྣམས་ལ་ནི་ཚུལ་མཁས་པ། །འཇིག་རྟེན་སྒྲོན་རྣམས་ཁྱོད་ཀྱིས་གཟིགས། །དེས་ན་ཁྱོད་ནི་ཚུལ་ལ་མཁས། །ལྷའི་བུ་སྔོན་གྱི་མཐའ་ཚར་ཕྱིན་པས་གསོལ་པ། སྔོན་མཐར་ཆོས་རྒྱལ་མང་པོ་ལ། །དཔའ་བོས་སྔན་ཆད་སྤྱོད་མཛད་པས། །ཐམས་ཅད་མཁྱེན་
D60.042.0108a05.01དུ་ངེས་པར་ཡང་། །སེམས་ཅན་མཁས་ལ་ཕྱག་ཀྱང་འཚལ། །ལྷའི་བུ་སྔོན་གྱི་ཚུལ་ཕུན་སུམ་ཚོགས་པས་གསོལ་པ། བྱང་ཆུབ་མཆོག་ནི་བཙལ་བའི་ཕྱིར། །བསྐལ་པ་བྱེ་བ་གྲངས་མེད་དུ། །སངས་རྒྱས་བྱེ་བ་མཐའ་ཡས་པ། །དེ་ལ་ཁྱོད་ཀྱིས་ས་བོན་བཏབ། །
D60.042.0108a06.01ལྷའི་བུ་སྔོན་གྱི་ཚུལ་ལ་ངེས་པས་གསོལ་པ། བསྐལ་པ་བྱེ་བར་བརྟག་མཛད་པས། །ཆོས་ཀུན་སེམས་ཅན་མེད་པ་ཞེས། །ཆོས་རྣམས་ཐམས་ཅད་ངེས་པར་མཁྱེན། །འདུ་འཕྲོད་ཙམ་དུ་རྒྱལ་བས་གསུང་། །ལྷའི་བུ་སྔོན་གྱི་མཐའ་ལ་སེམས་པས་གསོལ་པ།
D60.042.0108a07.01