完整藏文原文 · 德格版页 当前仅加载第 42 函德格 3a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་རྒྱལ་པོ་ཟས་གཙང་མ་མངོན་པར་དད་པར་བགྱིའོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་ཤེས་ཀཽ་ཌི་ནྱ་ལ་འདི་སྐད་ཅེས་བཀའ་སྩལ་ཏོ། །ཀཽ་ཌི་ནྱ་ཁྱོད་ནི་བླ་མ་བླ་
D60.042.0003a01.01མར་བྱ་བའི་ཆོས་དང་ལྡན་པར་བྱ་བ་ཡིན་གྱིས་འདུག་ཤིག། དེ་བཞིན་དུ་ཚེ་དང་ལྡན་པ་རླངས་པ་དང་། མིང་ཆེན་དང་། གྲགས་བྱིན་དང་། ལྟེང་རྒྱས་འོད་སྲུང་དང་། ཆུ་ཀླུང་འོད་སྲུང་དང་། ག་ཡ་འོད་སྲུང་དང་། འོད་སྲུང་ཆེན་པོ་དང་། ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་ཆེན་
D60.042.0003a02.01པོས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་རྒྱལ་པོ་ཟས་གཙང་མ་མངོན་པར་དད་པར་བགྱིའོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་འདི་སྐད་ཅེས་བཀའ་སྩལ་པ། མཽད་
D60.042.0003a03.01གལ་གྱི་བུ་ཁྱོད་ཀྱང་བླ་མ་བླ་མར་བྱ་བའི་ཆོས་དང་ལྡན་པར་བྱ་བ་ཡིན་གྱིས་འདུག་ཤིག། དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོ་འདི་སྙམ་དུ་སེམས་ཏེ། རྒྱལ་པོ་ཟས་གཙང་མ་མངོན་པར་དད་པར་བྱེད་པའི་དགེ་སློང་གང་ཞིག་བཅོམ་ལྡན་འདས་བཞེད་སྙམ་སྟེ། དེ་ནས་ཚེ་དང་ལྡན་
D60.042.0003a04.01པ་མཽད་གལ་གྱི་བུ་ཆེན་པོས་ཏིང་ངེ་འཛིན་གྱི་རྣམ་པ་དེ་ལྟ་བུ་ལ་མཉམ་པར་བཞག་སྟེ། དེ་ལྟར་མཉམ་པར་བཞག་པའི་སེམས་ཀྱིས་བཅོམ་ལྡན་འདས་ཀྱིས་དགོངས་པ་ཚེ་དང་ལྡན་པ་འཆར་ཀ་ལ་གནས་ཤིང་དགེ་སློང་འཆར་ཀ་འདི་རྒྱལ་པོ་ཟས་གཙང་མ་མངོན་པར་དད་པར་བྱེད་དོ་ཞེས་
D60.042.0003a05.01དགོངས་པ་མཐོང་སྟེ་འདི་ལྟ་སྟེ། དཔེར་ན་ཁང་པ་བརྩེགས་པའམ། ཁང་པ་བརྩེགས་པའི་ཁྱམས་སྒོ་བྱང་ཕྱོགས་སུ་ལྟ་བའི་ཤར་ཕྱོགས་ཀྱི་སྐར་ཁུང་ནས་ཉི་མའི་འོད་ཟེར་བྱུང་སྟེ། ནུབ་ཕྱོགས་ཀྱི་རྩིག་ངོས་ལ་ཤར་བ་དེ་བཞིན་དུ་དེའི་ཚེ་ཚེ་དང་ལྡན་པ་མཽད་གལ་གྱི་བུ་ཆེན་པོས་
D60.042.0003a06.01བཅོམ་ལྡན་འདས་ཀྱི་དགོངས་པ་ཚེ་དང་ལྡན་པ་འཆར་ཀ་ལ་ཤར་ཅིང་དགེ་སློང་འཆར་ཀ་འདི་རྒྱལ་པོ་ཟས་གཙང་མ་མངོན་པར་དད་པར་བྱེད་དོ་ཞེས་དགོངས་པ་མཐོང་ངོ་། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོ་ཏིང་ངེ་འཛིན་དེ་ལས་ལངས་ཏེ། ཚེ་དང་ལྡན་པ་འཆར་ཀ་ག་
D60.042.0003a07.01