完整藏文原文 · 德格版页 当前仅加载第 42 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
ཚད་དུ་གྱུར་པ་ནི། །བསྐལ་པ་ཁྲག་ཁྲིག་དྲུག་ཅུ་ཚང་བར་ཡང་། །རྣམ་པར་འདྲེན་པ་དེ་དག་འཚོ་བར་འགྱུར། །ཆགས་པ་མེད་པའི་ཆོས་ཀྱང་སྟོན་པར་མཛད། །ཐུབ་པ་དེ་དག་མྱ་ངན་འདས་གྱུར་ཏེ། །འཇིག་རྟེན་མཁས་པ་རབ་ཏུ་ཞི་གྱུར་ནས། །བསྐལ་པ་ཁྲག་ཁྲིག་དྲུག་ཅུ་ཚང་བར་ནི། །
D60.042.0028b01.01རང་བྱུང་རྣམས་ཀྱི་དམ་ཆོས་གནས་པར་འགྱུར། །བདེ་བར་གཤེགས་པ་དེ་དག་འགྲོ་བའི་ཚོགས། །གང་གཱའི་བྱེ་མ་སྙེད་ཀྱི་སྐྱེ་བོ་འདུལ། །དགྲ་ལས་རྒྱལ་བའི་རྒྱལ་བར་མཚན་འཐུན་འགྱུར། །ཞིང་དང་ཚེ་དང་ཆོས་གནས་འགྱུར་བའང་འཐུན། །བདེ་གཤེགས་དེ་དག་ཁྲག་ཁྲིག་དྲུག་ཅུ་ཡི། །
D60.042.0028b02.01སྐྱེས་པ་བུད་མེད་ཡོངས་སུ་སྨིན་མཛད་དེ། །བླ་ན་མེད་པའི་ཐེག་པས་འདེམས་པར་འགྱུར། །མཁས་པ་དེ་དག་རྒྱལ་བའི་གདུང་ཡང་འཛིན། །རྒྱལ་བས་ལྷ་མིན་དེ་དག་ལུང་བསྟན་པ། །འཇིག་རྟེན་ཕན་ཕྱིར་དྲང་སྲོང་ཆེན་པོས་གསུངས། །ལྷ་དང་བཅས་པའི་འཇིག་རྟེན་དེ་ཐོས་ནས། །ཡི་
D60.042.0028b03.01རངས་གྱུར་ཅིང་སྟོབས་ཀྱང་སྐྱེ་བར་གྱུར། །ལྷ་མ་ཡིན་ལུང་བསྟན་པའི་ལེའུ་སྟེ་བཞི་པའོ།། །།དེ་ནས་ཚེ་དང་ལྡན་པ་འོད་སྲུང་ཆེན་པོས་ལྷ་མ་ཡིན་གྱི་མཆོད་པ་རྣམ་པ་དེ་ལྟ་བུ་འདི་མཐོང་ནས་ངོ་མཚར་དུ་གྱུར་ཏེ། འདི་སྙམ་དུ་དེ་བཞིན་གཤེགས་པས་སྔོན་བྱང་ཆུབ་སེམས་དཔའི་སྤྱད་པ་
D60.042.0028b04.01སྤྱོད་པའི་ཚེ་དགེ་བའི་རྩ་བ་ཅི་ལྟ་བུ་ཞིག་མངོན་པར་འདུ་མཛད་ན་འདི་ལྟ་བུའི་རྣམ་པར་སྨིན་པ་གྲུབ་སྙམ་ནས། དེའི་ཚེ་སེམས་ཇི་ལྟར་མཉམ་པར་བཞག་པས་བསྐལ་པ་གྲངས་མེད་པ་ཡང་རྗེས་སུ་དྲན་ཞིང་། བཅོམ་ལྡན་འདས་ཀྱིས་སྲིད་པའི་རྒྱུད་དེ་དང་དེར་འཆི་འཕོ་དང་སྐྱེ་བ་ན་དགེ་བའི་རྩ་བ་གང་
D60.042.0028b05.01དག་མངོན་པར་འདུ་མཛད་པ་དང་། དགེ་བའི་རྩ་བ་གང་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་བསྒྲུབས་པ་དང་། དགེ་བའི་རྩ་བ་གང་གིས་ཕྱིར་མི་ལྡོག་པ་བརྙེས་པར་གྱུར་པ་དེ་དག་ཐམས་ཅད་རྗེས་སུ་དྲན་པར་འགྱུར་བ་དེ་ལྟ་བུའི་ཏིང་ངེ་འཛིན་ལ་མཉམ་པར་བཞག་
D60.042.0028b06.01གོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་བཅོམ་ལྡན་འདས་ཀྱི་དགེ་བའི་རྩ་བ་བདག་ཉིད་ཆེན་པོ་རྗེས་སུ་དྲན་པར་གྱུར་ནས་འདི་སྙམ་དུ་སེམས་ཏེ། བཅོམ་ལྡན་འདས་ཀྱི་དགེ་བའི་རྩ་བ་བདག་ཉིད་ཆེན་པོ་དེ་ལྟ་བུ་མཛད་ན་དེའི་ཐུགས་(བསྐྱོད་,བསྐྱེད་)པ་གཅིག་ལ་ཡང་འཇིག་རྟེན་གྱི་ཁམས་གང་གཱའི་ཀླུང་གི་
D60.042.0028b07.01