'phags pa yab dang sras mjal ba zhes bya ba theg pa chen po'i mdo/
当前为德格木刻版 134a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 134a
- 可引用原文
- 7 行
- 全文规模
- 全经 2335 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 42 函 · 德格 134a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ནི་རེ་རེ་ནས་བཙལ་ན་ཐ་སྙད་ཙམ་མ་གཏོགས་པར་མིག་གི་སྐྱེ་མཆེད་མི་དམིགས་སོ། །དེ་ཅིའི་ཕྱིར་ཞེ་ན། སའི་ཁམས་དང་བ་ནི་སའི་ཁམས་དང་བས་སྟོང་། རླུང་གི་ཁམས་དང་བའི་བར་ནི་རླུང་གི་ཁམས་དང་བས་སྟོང་སྟེ། ཆོས་གང་དག་རང་བཞིན་གྱིས་སྟོང་པ་དེ་དག་ལ་དང་བའམ། འཁྲུགས་པར་འགྱུར་བ་ཡང་ག་ལ་ཡོད་དེ། གང་ལ་དང་བའམ། འཁྲུགས་པ་མི་དམིགས་པ་དེ་དག་ཇི་ལྟར་གཟུགས་ལ་ལྟ་བར་འགྱུར། དེ་ལྟར་མིག་གི་སྐྱེ་མཆེད་ནི་མིག་གི་སྐྱེ་མཆེད་ཀྱི་རང་
བཞིན་གྱིས་ཤིན་ཏུ་སྟོང་སྟེ། དེ་ནི་འོང་བ་དང་། འགྲོ་བ་མེད་པའི་ཕྱིར་སྔོན་གྱི་མཐར་ཡང་མི་དམིགས་སོ། ཕྱི་མའི་མཐར་ཡང་མི་དམིགས་སོ། །རང་བཞིན་མེད་པའི་ཕྱིར་དེ་ལ་གནས་པ་ཡང་མི་དམིགས་སོ། །གང་རང་བཞིན་གྱིས་མེད་པ་དེ་ནི་བུད་མེད་ཀྱང་མ་ཡིན། སྐྱེས་པ་ཡང་མ་ཡིན་ནོ། །གང་བུད་མེད་ཀྱང་མ་ཡིན། སྐྱེས་པ་ཡང་མ་ཡིན་པ་ནི་དེས་རློམ་སེམས་སུ་ག་ལ་འགྱུར་ཏེ། རྒྱལ་པོ་ཆེན་པོ་རློམ་སེམས་ནི་བདུད་ཀྱི་སྤྱོད་ཡུལ་ལོ། །རློམ་སེམས་མེད་པ་ནི་སངས་རྒྱས་ཀྱི་སྤྱོད་
ཡུལ་ལོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ནི་རློམ་སེམས་དང་བྲལ་བའོ། །རྒྱལ་པོ་ཆེན་པོ་ཡང་དག་པ་ཇི་ལྟ་བ་བཞིན་དུ་རྟོགས་ན་མིག་གི་སྐྱེ་མཆེད་ནི་མིག་གི་སྐྱེ་མཆེད་ཀྱིས་སྟོང་ངོ་། །དེ་ཅིའི་ཕྱིར་ཞེ་ན། མིག་གི་སྐྱེ་མཆེད་འདི་ལ་ནི་མཚན་མ་མེད་དེ། དེའི་ཕྱིར་མིག་གི་སྐྱེ་མཆེད་ཀྱི་མཚན་མ་འདི་ནི་མིག་གི་སྐྱེ་མཆེད་ཀྱིས་སྟོང་སྟེ། འདི་ནི་སྟོང་པ་ཉིད་དོ། །མིག་གི་སྐྱེ་མཆེད་ནི་མཚན་མ་དང་བྲལ་བ་སྟེ། འདི་ནི་མཚན་མ་མེད་པའོ། །དེ་ནི་སྨོན་པར་མི་བྱེད་པས་འདི་ནི་སྨོན་པ་
མེད་པའོ། །རྒྱལ་པོ་ཆེན་པོ་དེ་ལྟར་ན་མིག་གི་སྐྱེ་མཆེད་ནི་རྣམ་པར་ཐར་པའི་སྒོ་གསུམ་སྟེ། མིག་གི་སྐྱེ་མཆེད་ནི་རྣམ་པར་ཐར་པ་ལ་མངོན་པར་ཕྱོགས་པའོ། །རྒྱལ་པོ་ཆེན་པོ་དེ་ལ་རྣ་བའི་སྐྱེ་མཆེད་ནས་ལུས་ཀྱི་སྐྱེ་མཆེད་ཀྱི་བར་གང་ཞེ་ན།
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D60
- 德格版页
- 134a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0060 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。