完整藏文原文 · 德格版页 当前仅加载第 42 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
ཚོམ་མྱུར་དུ་ཁུམ། །དེ་ཐོས་བདེ་གཤེགས་འཁོར་གྱི་རྣམས། །ཀུན་ཀྱང་རབ་ཏུ་ཡིད་དགའ་འགྱུར། །དེ་ནས་བཅོམ་ལྡན་འདས་ཀྱིས་ཚིགས་སུ་བཅད་དེ་ཚེ་དང་ལྡན་པ་རྟ་ཐུལ་ལ་སླར་བཀའ་སྩལ་པ། ཕྲེང་ལྡན་གླང་པོ་ཅན་ལྷ་ཡི། །ལུང་བསྟན་རྟ་ཐུལ་ཁྱོད་
D60.042.0055a01.01དྲིས་པས། །དེས་ན་འགྲོ་བ་མང་པོ་ཡི། །དོན་ཆེན་ཤིན་ཏུ་དེང་བྱས་འགྱུར། །སྟོབས་བཅུ་རྒྱལ་བ་མ་དྲིས་པར། །སྲས་མཆོག་བྱང་ཆུབ་ལུང་མི་སྟོན། །དེ་ནི་འགྲོ་བ་མང་དོན་དུ། །དེ་རིང་ཁྱོད་ཀྱིས་རྒྱལ་ལ་ཞུས། །ཕྲེང་ལྡན་གླང་པོ་ལྷ་ཚོགས་ཀྱིས། །ང་ལ་སེམས་
D60.042.0055a02.01དང་ང་མཆོད་པས། །བསྐལ་པ་གྲངས་མེད་འདས་འོག་ཏུ། །ཉོན་མོངས་ཕམ་བྱས་རྒྱལ་བར་འགྱུར། །དེ་དག་འདི་ནས་ཤི་འཕོས་ནས། །འཐུན་པར་མི་ཡི་ནང་སྐྱེས་ཏེ། །རྒྱལ་བ་བྱེ་བ་དཔག་མེད་ལ། །མེ་ཏོག་མཆོག་གིས་མཆོད་པར་འགྱུར། །ཀུན་ཏུ་བདེ་བར་གཤེགས་
D60.042.0055a03.01ཀྱི་སེམས། །སྐྱེད་པར་འགྱུར་ཞིང་འཕེལ་བྱེད་འགྱུར། །རང་བྱུང་མི་ཡི་སེང་གེ་ལ། །ཚིགས་སུ་བཅད་པས་བསྟོད་པར་འགྱུར། །མ་འོངས་དུས་ན་འདི་ཀུན་གྱིས། །རྒྱལ་བ་ཁྲག་ཁྲིག་དཔག་ཡས་མང་། །མེ་ཏོག་གིས་མཆོད་ཚིགས་བཅད་ཀྱིས། །མི་མཆོག་རྣམས་ལ་
D60.042.0055a04.01བསྟོད་བྱས་ཏེ། །དེ་དག་བདེ་གཤེགས་རྣམས་མཆོད་ཅིང་། །མཐུ་བོ་ཆེ་ཡི་སྐུ་བསྟོད་ནས། །རབ་ཏུ་དགའ་བའི་བསྐལ་པ་ལ། །རྣམ་པར་འདྲེན་པར་འཇིག་རྟེན་འབྱུང་། །གྲགས་པ་མ་སྨད་ནགས་རྒྱུ་བ། །བརྒྱད་ཁྲི་པོ་རྣམས་དེ་དག་ཀུན། །བསྐལ་པ་གཅིག་ལ་བདེ་
D60.042.0055a05.01གཤེགས་འགྱུར། །མེ་ཏོག་རྒྱལ་མཚན་ལྡན་ཞེས་བྱ། །དེ་ན་དམྱལ་དང་དུད་འགྲོ་དང་། །ངན་སོང་གཤིན་རྗེའི་འཇིག་རྟེན་མེད། །ཞིང་དེ་ན་ནི་ལྷ་མིན་མེད། །མི་ཁོམ་ཐམས་ཅད་རབ་ཏུ་བཅོམ། །ཕྲེང་ལྡན་གླང་པོ་ཅན་ལྷ་ཡི། །ལོངས་སྤྱོད་སུམ་ཅུ་རྩ་གསུམ་གྱི། །
D60.042.0055a06.01ཅི་འདྲ་བ་ནི་དེ་འདྲར་འགྱུར། །འགྲོ་བའི་ཚེ་ཚད་དཔག་ཏུ་མེད། །དེ་ཚེ་མི་དགེ་སྒྲ་མི་གྲག །མི་དགེ་བྱེད་པ་སྨོས་ཅི་དགོས། །དེ་ན་རྣམ་འདྲེན་མཆོག་རྣམས་ཀྱི། །སྐྱེ་བོ་རྣམས་ཀྱང་ཆོས་ཅན་འགྱུར། །སྲོག་ཆགས་བྱེ་བ་ཁྲག་ཁྲིག་ཕྲག །གང་གཱའི་བྱེ་མ་རབ་
D60.042.0055a07.01