完整藏文原文 · 德格版页 当前仅加载第 42 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་གསུམ་པོ་དག་ཟིལ་གྱིས་མནན་ནས་ནི། །མི་ཡི་ཉི་མ་རྣམ་པར་མཛེས་གྱུར་ཅིང་། །ཉན་ཐོས་པད་མའི་ཚལ་མཆོག་ཁ་ཡང་འབྱེད། །ལྷ་ཡི་རྒྱལ་པོ་དབང་པོ་བརྒྱ་བྱིན་ནི། །མདུན་སར་ལྷ་ཡི་ཚོགས་ཀྱིས་ཡོངས་བསྐོར་བ། །ལྷ་ཡི་འཁོར་
D60.042.0015a01.01རྣམས་ཟིལ་གྱིས་མནན་ནས་ནི། །བདེ་སོགས་ཁྱིམ་ཐབ་སྦྱིན་ལྡན་རྣམ་པར་མཛེས། །རྐང་གཉིས་དབང་པོ་དཔལ་སྟུག་སྟོབས་བཅུ་ཡང་། །དགེ་སྦྱོང་ཚོགས་ཀྱིས་མདུན་བདར་སྟོང་གསུམ་ན། །རྟོག་གེའི་ཚོགས་རྣམས་ཟིལ་གྱིས་མནན་ནས་ནི། །དགེ་སྦྱོང་ཚོགས་ཀྱི་
D60.042.0015a02.01དབུས་ན་རྣམ་པར་མཛེས། །ལྷ་ཡི་དབང་པོ་འཐབ་བྲལ་དབང་བྱེད་པ། །འཐབ་བྲལ་བཟང་པོ་ལྷས་མཆོད་བཙུན་བྱས་པ། །འཐབ་བྲལ་བཟང་པོ་ལྷ་ཚོགས་ནང་ཞུགས་ཏེ། །འཐབ་བྲལ་རྣམས་ཀྱི་ནང་ན་འདུག་པ་མཛེས། །གཟི་བརྗིད་མཐའ་ཡས་སྟོབས་བཅུ་མངའ་བ་
D60.042.0015a03.01ཡང་། །ལམ་ངན་ངན་འགྲོར་འདོང་པ་ཟིལ་མནན་ནས། །ཡན་ལག་བརྒྱད་པ་རབ་ཏུ་སྟོན་མཛད་ཅིང་། །སྟོབས་བཅུ་ཡོན་ཏན་རྣམས་ཀྱིས་རབ་ཏུ་མཛེས། །ལྷ་ཡི་རྒྱལ་པོ་ཡོངས་སུ་དགའ་ལྡན་དེ། །དགའ་ལྡན་གནས་ན་ལྷ་ཡི་ཚོགས་ཀྱིས་བསྐོར། །ལྷ་
D60.042.0015a04.01ཚོགས་མང་པོ་ཟིལ་གྱིས་མནན་ནས་ནི། །སྔོན་གྱི་དགེ་བའི་རྩ་བས་རབ་ཏུ་མཛེས། །དེ་བཞིན་ལྷ་དང་ལྷ་མིན་བླ་མ་ཡང་། །ལྷ་དང་ལྷ་མིན་ཚོགས་ཀྱིས་བླ་མར་བྱས། །འཁོར་བརྒྱད་པོ་དག་ཟིལ་གྱིས་མནན་ནས་ནི། །སྐྱེས་བུ་སེང་གེ་དམ་པ་འཇིག་རྟེན་མཛེས། །ལྷ་
D60.042.0015a05.01ཡི་དབང་པོ་བདག་པོ་རབ་འཕྲུལ་ནི། །ལྷ་ཚོགས་མང་པོ་ཟིལ་གྱིས་མནན་ནས་སུ། །རང་གི་བསོད་ནམས་མཐུ་ཡིས་ལྷ་གནས་ན། །གནས་ཤིང་དེ་ནི་རབ་ཏུ་རྣམ་པར་མཛེས། །དེ་བཞིན་ཉོན་མོངས་རྣམས་ལས་རྣམ་གྲོལ་ཞིང་། །སྟོབས་བཅུ་མངའ་བ་ཉོན་མོངས་བྲལ་བ་པོ། །
D60.042.0015a06.01མ་དུལ་འདུལ་མཛད་འདུལ་བའི་རྒྱལ་པོ་ཡང་། །སྐྱེ་བོ་ཟིལ་གྱིས་མནན་ནས་རྣམ་པར་མཛེས། །ལྷ་ཡི་རྒྱལ་པོ་དབང་སྒྱུར་བྱེད་པ་ནི། །ལྷ་གནས་འདུག་ཅིང་ལྷ་ཚོགས་ཟིལ་མནན་ཏེ། །སྔོན་གྱི་དགེ་བའི་རྩ་བའི་གཟི་བརྗིད་ཀྱིས། །རྣམ་པར་མཛེས་པར་གྱུར་པ་ཇི་བཞིན་དུ། །
D60.042.0015a07.01