完整藏文原文 · 德格版页 当前仅加载第 42 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་དང་གྱད་རྣམས་དང་། །བུམ་རྔ་ཐོགས་པ་རྣམས་ཀྱིས་མཛེས་པར་བྱས། །རོལ་མོ་རྣམ་པ་སྣ་ཚོགས་བྱེད་པ་ཡང་། །རབ་ཏུ་དགའ་ཞིང་རྒྱལ་པོའི་ཕྱི་བཞིན་འབྲང་། །རྒྱལ་པོ་གཤེགས་པའི་ལེའུ་སྟེ་གཉིས་པའོ།། །།དེ་ནས་རྒྱལ་པོ་ཟས་
D60.042.0017b01.01གཙང་མ་དང་། ཤཱཀྱ་རྣམས་རྟ་བབས་སའི་བར་དུ་བཞོན་པ་དང་དོང་སྟེ་ཕྱིན་ནས་བཞོན་པ་ལས་བབས་ཏེ། རྐང་ཐང་གི་འཁོར་གྱིས་ཡོངས་སུ་བསྐོར་ཅིང་མདུན་དུ་བདར་ཏེ་ནྱ་གྲོ་དྷའི་ཀུན་དགའ་ར་བར་དོང་ངོ་། །དེའི་ཚེ་བཅོམ་ལྡན་འདས་ཀྱིས་རྒྱལ་པོ་ཟས་གཙང་མ་ང་
D60.042.0017b02.01རྒྱལ་ཆེ་བར་མཁྱེན་ནས་མི་གང་ལྷག་ཙམ་གྱི་སྟེང་གི་བར་སྣང་གི་ནམ་མཁའ་ལ་རྒྱལ་པོ་ཟས་གཙང་མ་མངོན་པར་དད་པར་བྱ་བའི་ཕྱིར་འཆག་ཅིང་བཞུགས་པར་གྱུར་ཏོ། །དེའི་ཚེ་བཅོམ་ལྡན་འདས་དེ་ལྟར་འཆག་པའི་གཡས་ཕྱོགས་ནས་མི་མཇེད་ཀྱི་བདག་པོ་ཚངས་
D60.042.0017b03.01པ་ཞབས་འབྲིང་དུ་འཆག་ཅིང་འགྲོའོ། །གཡོན་ཕྱོགས་ནས་ལྷའི་དབང་པོ་བརྒྱ་བྱིན་ཞབས་འབྲིང་དུ་འཆག་ཅིང་འགྲོའོ། །དེ་ལྟར་བཅོམ་ལྡན་འདས་འཆག་པའི་ཞབས་འབྲིང་དུ་ལྷའི་རྒྱལ་པོ་རབ་འཐབ་བྲལ་དང་། ཡོངས་སུ་དགའ་ལྡན་དང་། རབ་འཕྲུལ་དགའ་དང་།
D60.042.0017b04.01གཞན་འཕྲུལ་དབང་བྱེད་རྣམས་བཅོམ་ལྡན་འདས་ལ་མཆོད་པ་བྱ་བའི་ཕྱིར་གདུགས་འཛིན་ཅིང་བསིལ་ཡབ་ཀྱིས་གཡོབ་པར་གྱུར་ཏོ། །རྒྱལ་པོ་ཆེན་པོ་རྣམ་ཐོས་ཀྱི་བུ་དང་། ཡུལ་འཁོར་སྲུང་གཉིས་ཀྱང་བཅོམ་ལྡན་འདས་འཆག་པའི་ཤར་ཕྱོགས་ལོགས་ཀྱི་ཐོག་མ་
D60.042.0017b05.01ལ་བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་སྨད་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་ཕྱག་འཚལ་ཞིང་འཁོད་པར་གྱུར་ཏོ། །རྒྱལ་པོ་ཆེན་པོ་འཕགས་སྐྱེས་པོ་དང་། མིག་མི་
D60.042.0017b06.01བཟང་གཉིས་ཀྱང་བཅོམ་ལྡན་འདས་འཆག་པའི་ནུབ་ཕྱོགས་ལོགས་ཀྱི་ཐོག་མ་ལ་བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་སྨད་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་ཕྱག་འཚལ་ཞིང་འཁོད་
D60.042.0017b07.01