完整藏文原文 · 德格版页 当前仅加载第 42 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ལྷ་ཐམས་ཅད་ལྷའི་གནས་བཅུས་ཟིལ་གྱིས་གནོན་ཏོ། །བཅུ་གང་ཞེ་ན། ལྷའི་ཚེ་དང་། ལྷའི་གྲགས་པ་དང་། ལྷའི་ཁ་དོག་དང་། ལྷའི་བདེ་བ་དང་། ལྷའི་དབང་ཕྱུག་ལ་དབང་བ་དང་། ལྷའི་གཟུགས་དང་། ལྷའི་སྒྲ་དང་། ལྷའི་དྲི་དང་། ལྷའི་རོ་དང་། ལྷའི་
D60.042.0161a01.01རེག་དང་། རྣམ་པ་བཅུ་སྟེ། དེ་དག་གིས་ལྷའི་དབང་པོ་བརྒྱ་བྱིན་མ་གཏོགས་པ་ཐམས་ཅད་ཟིལ་གྱིས་མནན་ཏོ། །དེ་ཅིའི་ཕྱིར་ཞེ་ན། མིག་འཛུམས་པ་དང་། མིག་མི་འཛུམས་པ་ཙམ་ལས་ལྷ་རྣམས་ཀྱིས་འདི་ནི་རྒྱལ་པོ་ང་ལས་ནུའོ། །འདི་ནི་ལྷའི་དབང་པོ་བརྒྱ་བྱིན་ནོ་ཞེས་བྱ་བར་ཤེས་པ་
D60.042.0161a02.01མ་གཏོགས་པར་རྒྱལ་པོ་ང་ལས་ནུ་དེ་དང་། ལྷའི་དབང་པོ་བརྒྱ་བྱིན་གཉིས་ཀྱང་གཟུགས་མཉམ་པར་གྱུར་སྤྱོད་པ་མཉམ་པར་གྱུར། ལོངས་སྤྱོད་མཉམ་པར་གྱུར་ཏེ། རྒྱལ་པོ་ཆེན་པོ་མིར་གྱུར་པ་དང་། ལྷར་གྱུར་པ་གཉིས་ལུས་མཉམ་པར་གྲུབ་པ་དེ་ནི་ངོ་མཚར་ཆེའོ། །རྒྱལ་པོ་ཆེན་པོ་
D60.042.0161a03.01རྒྱལ་པོ་ང་ལས་ནུས་དེར་ལོ་བརྒྱ་སྟོང་ཕྲག་མང་པོར་སུམ་ཅུ་རྩ་གསུམ་པའི་ལྷའི་ནང་དུ་རྒྱལ་སྲིད་ཀྱི་ཕྱེད་ལ་དབང་བྱས་སོ། །རྒྱལ་པོ་ཆེན་པོ་དེ་ནས་རྒྱལ་པོ་ང་ལས་ནུས་གླིང་ཆེན་པོ་བཞི་པའི་དབང་ཕྱུག་ལ་དབང་བྱས། སུམ་ཅུ་རྩ་གསུམ་པའི་ལྷའི་རྒྱལ་སྲིད་བྱེད་ལ་དབང་བྱས་ཀྱང་དབང་
D60.042.0161a04.01ཕྱུག་གིས་མ་ངོམས་ནས་འདི་སྙམ་དུ་སེམས་བསྐྱེད་དེ། ཀྱེ་མ་བདག་གིས་སུམ་ཅུ་རྩ་གསུམ་པའི་ལྷའི་རྒྱལ་སྲིད་ཀྱི་དབང་ཕྱུག་ཐམས་ཅད་ལ་དབང་བྱའོ་སྙམ་པ་དང་། སེམས་བསྐྱེད་མ་ཐག་ཏུ་དཔུང་གི་ཚོགས་ཡན་ལག་བཞི་པ་དང་ལྷན་ཅིག་ཏུ་སུམ་ཅུ་རྩ་གསུམ་གྱི་གནས་ནས་ཉམས་ཏེ། འཛམ་
D60.042.0161a05.01བུའི་གླིང་དུ་རྒྱལ་པོའི་སྐྱེད་མོས་ཚལ་མཆོག་ཏུ་ཕྱིན་པར་གྱུར་ཏོ། །དེ་འཛམ་བུའི་གླིང་དུ་གནས་པར་གྱུར་པའི་ཚེ་ཕྱོགས་ཐམས་ཅད་ཀྱང་སྣང་བར་གྱུར་ཏེ། ཉི་མའི་འོད་ཀྱང་ཟིལ་གྱིས་མནན་ནས་འདི་ལྟ་སྟེ་དཔེར་ན་ཟླ་བའི་འོད་ཉི་མས་ཟིལ་གྱིས་མནན་པ་ལྟ་བུའོ། །ཉི་མ་ནམ་མཁའ་ལ་
D60.042.0161a06.01འདུག་པ་ཡང་ལྷམ་མེ་མ་ཡིན་ཏེ། འདི་ལྟ་སྟེ་དཔེར་ན་ཟླ་བའི་དཀྱིལ་འཁོར་སྟེང་གི་བར་སྣང་ལ་འདུག་པ་ཉི་མས་ཟིལ་གྱིས་ནོན་ན་མི་སྣང་བ་བཞིན་ནོ། །དེ་ནས་གྲོང་ཁྱེར་མི་ཚུགས་པའི་ཕོ་བྲང་དམ་པ་ན་མི་འཁོད་པ་རྣམས་ཀྱིས་རྒྱལ་པོ་དེ་སྐྱེད་མོས་ཚལ་དེར་ཕྱིན་པ་མཐོང་བར་གྱུར་ཏོ། །མཐོང་
D60.042.0161a07.01