完整藏文原文 · 德格版页 当前仅加载第 42 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
བདེ་གཤེགས་བསྟན་པ་འདིར་མོས་ཏེ། །ཆོས་ཀུན་བྱས་པ་མེད་པའི་རྗེས་འབྲང་བ། །དེ་འདིར་འདྲེན་པའི་སྲས་སུ་གྱུར་པ་སྟེ། །ཇི་ལྟར་བསྟན་པ་དེ་བཞིན་ཡབ་ལྟར་སྤྱོད། །རྣམ་འདྲེན་ཁྱོད་ལ་བདག་བསྟོད་བསོད་ནམས་གང་སྐྱེས་དེ། །ཇི་ལྟར་རྒྱལ་བ་མཁྱེན་
D60.042.0025a01.01པ་ཡིས་ནི་མཁྱེན་གྱུར་པ། །དགེ་བའི་རྩ་བ་དེ་ཀུན་མ་ལུས་མཐའ་དག་འདིར། །འགྲོ་ལ་སྩལ་གྱིས་ཐམས་ཅད་སངས་རྒྱས་གྲུབ་པར་ཤོག། །།བམ་པོ་གསུམ་པ། ལྷ་མ་ཡིན་གྱི་དབང་པོ་ཤིང་རྟ་བཟང་གིས་ཇི་ལྟར་བྱས་པ་དེ་བཞིན་དུ་ལྷ་མ་ཡིན་གྱི་དབང་པོ་སྟོབས་
D60.042.0025a02.01ལྡན་གྱིས་ཀྱང་། བཅོམ་ལྡན་འདས་ལ་མཆོད་པ་བྱས་ཏེ་རིན་པོ་ཆེ་སྣ་བདུན་གྱི་ཤིང་རྟ་ལ་ཞོན་ནས་བཅོམ་ལྡན་འདས་ལ་ལན་གསུམ་སྐོར་བ་བྱེད་ཅིང་དངུལ་གྱི་མེ་ཏོག་རྣམས་ཀྱིས་གཏོར་ཏེ། ཚིགས་སུ་བཅད་པ་དག་གིས་བཅོམ་ལྡན་འདས་ལ་མངོན་པར་བསྟོད་པ། འཁོར་བའི་རྒྱ་མཚོ་ཆུ་ལས་ཕ་
D60.042.0025a03.01རོལ་རྣམས་རྒལ་བ། །རྒལ་ནས་སྐྱེ་བོ་རྒྱུན་གྱི་རྗེས་འགྲོ་སྒྲོལ་མཛད་ཅིང་། །བདེ་གཤེགས་ཕ་རོལ་ཐང་བདེ་འཇིགས་པ་མེད་འཇོག་པ། །སྤྱན་མཛེས་བདེ་བར་གཤེགས་པ་ཁྱོད་ཀྱི་ཞབས་ལ་གཏུགས། །བློ་མཆོག་ཁྱོད་ཀྱིས་འགྲོ་བ་ཐམས་ཅད་ཀུན་ཏུ་མཁྱེན། །ཕྱིན་ཅི་ལོག་ལྟ་ཐིབས་པོར་རབ་ཞེན་
D60.042.0025a04.01བློ་ལྡན་ཏེ། །འཁྲུལ་པ་སྨིག་རྒྱུ་ལྟ་བུར་མ་ཤེས་གྱུར་རྣམས་ལ། །མཚུངས་པ་མེད་པའི་ཐུགས་རྗེ་བསྐྱེད་ནས་རྟོགས་པར་མཛད། །མི་མཆོག་ཁྱོད་ཀྱིས་ཆོས་རྣམས་ཐམས་ཅད་སྒྱུ་མ་དང་། །སྨིག་རྒྱུ་འདྲ་ཞིང་མིག་ཡོར་མཚུངས་ཞེས་རབ་ཏུ་བསྟན། །ཐུབ་པ་དམ་པ་ཁྱོད་ཀྱིས་ཆོས་ཀྱི་
D60.042.0025a05.01སྲས་མཆོག་བསྐྱེད། །སྲིད་པ་གསུམ་པོ་དག་ནི་མི་ཆགས་སྤྱད་པ་སྤྱོད། །དངོས་པོ་ལོག་པའི་དོན་གྱུར་རང་བཞིན་བྲལ་བ་དང་། །གཞན་གྱི་དངོས་པོས་སྟོང་པར་མི་དབང་ཁྱོད་ཀྱིས་མཁྱེན། །བྱིས་པ་རྨོངས་པའི་བློ་གྲོས་རྨི་ལམ་དགའ་ལྟ་བུར། །མི་དབང་ཁྱོད་ཀྱིས་སྲས་ཀྱིས་ཚལ་ན་སྤྱད་པ་སྤྱོད། །
D60.042.0025a06.01ལྷ་མ་ཡིན་གྱི་དབང་པོ་སྟོབས་ལྡན་གྱིས་ཇི་ལྟར་བྱས་པ་དེ་བཞིན་དུ་ལྷ་མ་ཡིན་གྱི་དབང་པོ་སྒྲ་གཅན་གྱིས་ཀྱང་། བཅོམ་ལྡན་འདས་ལ་མཆོད་པ་བྱས་ནས་རིན་པོ་ཆེ་སྣ་བདུན་གྱི་ཤིང་རྟ་ལ་ཞོན་ཏེ། བཅོམ་ལྡན་འདས་ལ་ལན་གསུམ་སྐོར་བ་བྱེད་ཅིང་མེ་ཏོག་སྐྱ་སྣར་ཁྲ་བོ་རྣམས་ཀྱིས་གཏོར་ཏེ་ཚིགས་སུ་བཅད་པ་
D60.042.0025a07.01