完整藏文原文 · 德格版页 当前仅加载第 42 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་མཁའ་དང་། ནམ་མཁའི་རྣམ་པ་ནང་ཞེས་བྱ་བའི་གྲངས་སུ་འགྲོ་བ། མ་གང་བ་དང་། པགས་པ་དང་། ཤ་དང་ཁྲག་གིས་དགང་བར་བྱ་བ་མ་ཡིན་པའོ། །དེ་ཡང་གང་ཞེ་ན། ལུས་འདི་ལ་མིག་གི་ནང་ཞེའམ། རྣ་བ་དང་སྣའི་ནང་ཞེའམ། ཁ་ཞེའམ།
D60.042.0132b01.01ཁའི་ནང་ཞེའམ། ཁའི་སྒོ་ཞེའམ། ལྐོག་མ་ཞེའམ། མིད་པ་ཞེའམ། གང་ན་མིད་པ་དང་གང་དུ་གནས་པ་དང་། གང་གིས་ཟོས་པ་དང་། འཐུངས་པ་དང་། འཆོས་པ་དང་། མྱངས་པ་རྣམས་ཐུར་དུ་རྒྱུ་བར་བྱེད་པ་དང་། གཞན་ཡང་གང་ལུས་འདི་ལ་ནང་གི་ཁོང་ན་ལུས་
D60.042.0132b02.01ལ་ཡོད་པ་དང་། ཟིན་པ་ཕུང་པོར་གྱུར་པའམ། ཁམས་སུ་གྱུར་པའམ། སྐྱེ་མཆེད་དུ་གྱུར་པ་དག་གི་ནམ་མཁའ་དང་། ནམ་མཁའི་རྣམ་པ་དང་། མ་གང་བ་དང་། པགས་པ་དང་། ཤ་དང་། ཁྲག་གིས་དགང་བར་བྱ་བ་མ་ཡིན་པ་ནང་གི་གྲངས་སུ་འགྲོ་བ་ཁོང་སྟོད་དང་།
D60.042.0132b03.01བུ་ག་ཞེས་བྱ་བ་དག་སྟེ། དེ་ནི་ནང་གི་ནམ་མཁའི་ཁམས་སོ། །ཕྱི་རོལ་གྱི་ནམ་མཁའི་ཁམས་གང་ཞེ་ན། གང་ཅི་ཡང་རུང་སྟེ། ཕྱི་རོལ་གྱི་ནམ་མཁའ་དང་། ནམ་མཁའི་རྣམ་པ་དང་། མ་གང་བ་དང་། གཟུགས་སུ་གྱུར་པས་དགང་བར་བྱ་བ་མ་ཡིན་པ་མ་འདྲེས་པ་ཁོང་སྟོང་
D60.042.0132b04.01དང་། བུ་གར་གྱུར་བ་འདི་ནི་ཕྱི་རོལ་གྱི་ནམ་མཁའི་ཁམས་ཞེས་བྱའོ། །རྒྱལ་པོ་ཆེན་པོ་གང་ལས་ཀྱི་རྐྱེན་གྱི་སྐྱེ་མཆེད་རྣམས་འབྱུང་བའི་དུས་དེ་ཡོད་དེ། དེ་དག་ནམ་མཁའི་ཁམས་ལ་སྒྲིབ་པར་འགྱུར་ཏེ། དེ་ནང་གི་ནམ་མཁའི་ཁམས་ཞེས་བྱ་བའི་གྲངས་སུ་འགྲོ་ཡང་དེ་
D60.042.0132b05.01ནི་ག་ལས་ཀྱང་མ་འོངས་སོ། །རྒྱལ་པོ་ཆེན་པོ་གཟུགས་ཞིག་ན་ཐམས་ཅད་ནམ་མཁར་འགྱུར་བའི་དུས་དེ་ཡོད་དོ། །དེ་ཅིའི་ཕྱིར་ཞེ་ན། ནམ་མཁའི་ཁམས་ནི་ཟད་མི་ཤེས་པའི་ཕྱིར་རོ། །དེ་ནི་ནང་གི་ནམ་མཁའི་ཁམས་ཞེས་བྱ་བར་ཤེས་པར་བྱ་སྟེ། གནས་ཤིང་
D60.042.0132b06.01མི་གཡོ་བའོ། །རྒྱལ་པོ་ཆེན་པོ་འདི་ལྟ་སྟེ། དཔེར་ན་འདུས་མ་བྱས་ནི་མྱ་ངན་ལས་འདས་པའི་དབྱིངས་ཏེ། དེ་བཞིན་དུ་ནམ་མཁའི་ཁམས་ཀྱང་ཐམས་ཅད་དུ་སོང་བར་བལྟ་བར་བྱའོ། །རྒྱལ་པོ་ཆེན་པོ་འདི་ལྟ་སྟེ། དཔེར་ན་མི་ཞིག་གིས་ཐང་ལ་ཁྲོན་པའམ། རྫིང་བུ་
D60.042.0132b07.01