完整藏文原文 · 德格版页 当前仅加载第 42 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་ཅིང་སེམས་མེད་མི་གནས་ཆོས་ནི་འགྲོ་ལ་སྟོན་པར་འགྱུར། །དེ་དག་ཞིང་མཆོག་རྣམས་སུ་སྐྱོབ་པའི་ཐམས་ཅད་མཁྱེན་ལམ་མ་སྦྱངས་པའི། །སེམས་ཅན་གཅིག་ཀྱང་མི་འབྱུང་སྲིད་པ་དེ་ལ་ཕལ་ཆེར་མྱ་ངན་འདའ། །དེ་དག་ན་ནི་དེ་ཚེ་འགྲོ་བ་དེ་དག་སྡུག་
D60.042.0075a01.01བསྔལ་གཅིག་ཤེས་ཏེ། །མི་རྟག་འདུ་བྱེད་སྡུག་བསྔལ་རབ་ཏུ་འཇིགས་པས་སེམས་ཅན་ཡིད་འབྱུང་བའོ། །དེ་ན་འགྱུར་བའི་སྡུག་བསྔལ་དང་ནི་སྡུག་བསྔལ་སྡུག་བསྔལ་ཡོད་མི་འགྱུར། །དེ་དག་ཐམས་ཅད་བློ་འཐུན་འགྱུར་ཞིང་སླ་བའི་ལམ་ལ་མྱུར་བར་འགྱུར། །དེ་ན་
D60.042.0075a02.01མི་རྣམས་དག་གི་སྒྲ་སྐད་རང་བཞིན་གཞན་ནི་འབྱུང་མི་འགྱུར། །མི་སྡུག་མི་རྟག་དེ་བཞིན་ཉིད་དང་སྡུག་བསྔལ་དེ་བཞིན་བདག་མེད་དང་། །ཞི་བ་སྟོང་ཉིད་མཚན་མེད་འཆི་མེད་མྱ་ངན་འདས་དང་བྱང་ཆུབ་ཞི། །སྒྲ་སྐད་དེ་དག་ཡང་དང་ཡང་འབྱུང་དེ་དག་རྣ་ལ་གནས་པར་འགྱུར། །
D60.042.0075a03.01སྒྲ་གང་ཐོས་ནས་དེ་དག་འཁོར་བ་གྲོལ་གནས་ཐོབ་པར་མི་འགྱུར་བ། །དེ་འདྲའི་སྒྲ་དེ་ཤིང་ངམ་རྩིག་པ་དག་དང་གང་ནའང་ཡོད་མི་འགྱུར། །བླ་གབ་མེད་དང་མཁའ་དང་གཙུག་ལག་ཁང་དང་གནས་ཁང་རྣམས་ན་མེད། །དེ་ཚེ་སངས་རྒྱས་མཐུ་ཡིས་ཡན་ལག་བརྒྱད་དང་ལྡན་
D60.042.0075a04.01པའི་སྒྲ་དབྱངས་འབྱུང་། །དེ་ཚེ་འདྲེས་པའི་ཉེས་པ་མེད་ཅིང་འདོད་ཆགས་དང་ནི་ཞེ་སྡང་དང་། །གཏི་མུག་དག་གིས་གཟིར་བ་རྣམས་ཀྱི་རྣར་ནི་དགེ་བའི་སྒྲ་གྲག་འགྱུར། །འགྲོ་བ་ཐམས་ཅད་འཁོར་བ་ལས་ནི་འབྱུང་ཞིང་མྱ་ངན་འདས་འགྲོར་འགྱུར། །དེ་ཚེ་ཞིང་མཆོག་སྟོང་པ་ཐམས་
D60.042.0075a05.01ཅད་དགའ་བའི་སྐྱེ་བོས་གང་བར་འགྱུར། །སྐྱེས་བུ་དམ་པ་དེ་དག་བསྐལ་པ་ཁྲག་ཁྲིག་བྱང་ཆུབ་བརྩོན་བྱས་ནས། །དྲང་སྲོང་ཆེན་པོ་དེ་དག་སྨོན་ལམ་གྱིས་ནི་འབྱོར་པ་འདི་བརྩམས་ཏེ། །ཞིང་མཆོག་དེ་ན་སེམས་ཅན་ཚོགས་གང་ཡོད་པ་དེ་ཀུན་བདེ་གཤེགས་འགྱུར། །ཚངས་
D60.042.0075a06.01པའི་སྨོན་ལམ་ཡངས་པ་རྒྱ་ཆེན་ཞི་བ་འགྲོ་བས་མཐོང་གྱུར་ན། །ཇི་ལྟར་སངས་རྒྱས་བཀའ་སྩལ་བཞིན་དུ་ཚངས་པའི་ཚོགས་ཀྱིས་བསྟེན་གྱུར་པ། །དེ་ལ་བསླབས་ནས་འགྲོ་བ་ཐམས་ཅད་ཐོགས་པ་མེད་པའི་འདྲེན་པར་འགྱུར། །དེ་དག་རྒྱལ་བ་ཐོབ་ནས་འགྲོ་བ་འདི་ཀུན་དངོས་པོ་མེད་ཅེས་སྟོན། །
D60.042.0075a07.01