完整藏文原文 · 德格版页 当前仅加载第 42 函德格 3b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བ་དེར་སོང་ནས་ཚེ་དང་ལྡན་པ་འཆར་ཀ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་འཆར་ཀ་བཅོམ་ལྡན་འདས་ནི་ཁྱོད་ལ་དགེ་སློང་འཆར་ཀས་རྒྱལ་པོ་ཟས་གཙང་མ་མངོན་པར་དད་པར་བྱ་བར་ནུས་སོ་ཞེས་དགོངས་ཤིང་བཞེད་དོ། །ཚེ་དང་ལྡན་པ་འཆར་ཀ་དེ་ལྟ་ཡིན་གྱིས།
D60.042.0003b01.01ཁྱོད་ཀྱིས་རྒྱལ་པོ་ཟས་གཙང་མ་མངོན་པར་དད་པར་བྱ་བར་དད་པ་སྐྱེད་ཅིག །དེ་སྐད་ཅེས་སྨྲས་པ་དང་། ཚེ་དང་ལྡན་པ་འཆར་ཀས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །ཚེ་དང་ལྡན་མཽད་གལ་གྱི་བུ་ཆེན་པོ་རིགས་རྣམས་ནི་དད་པར་བྱ་བར་ཤིན་ཏུ་དཀའ་
D60.042.0003b02.01སྟེ། རྒྱལ་པོའི་རིགས་ནི་ལྷག་པར་དཀའོ། །དེ་ཅིའི་ཕྱིར་ཞེ་ན། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་རྣམས་ནི་མགུ་བར་དཀའ་བ་སྟེ། ཚེ་དང་ལྡན་པ་མཽད་གལ་གྱི་བུ་ཆེན་པོ་འདི་ལྟ་སྟེ། དཔེར་ན་ཤིང་ཁུར་བཅུ་འམ། ཉི་ཤུའམ། སུམ་ཅུ་འམ། བཞི་བཅུ་འམ།
D60.042.0003b03.01ལྔ་བཅུ་འམ། ཤིང་ཁུར་བརྒྱ་ཡང་རུང་སྟེ། གཤེར་བག་མེད་ཅིང་སྐམ་ལ་ལོ་མང་དུ་ལོན་པ་ཞིག་ཡོད་ལ་དེ་ལ་མི་ལ་ལ་ཞིག་གིས་མེ་བཏང་ན་མེའི་ཕུང་པོ་ཆེན་པོ་འབར་བར་འགྱུར་རོ། །དེ་ལ་ཡང་ལ་ལ་ཞིག་གིས་མར་རམ། འབྲུ་མར་ཞིག་གིས་གཏོར་ན་མེའི་ཕུང་པོ་དེ་བས་ཆེས་
D60.042.0003b04.01ཆེ་བར་འབར་ཏེ། དེའི་སྟེང་ངམ་དྲུང་གི་འཁོར་དུ་འགྲོ་བ་ནི་ཤིན་ཏུ་དཀའོ། །ཚེ་དང་ལྡན་པ་མཽད་གལ་གྱི་བུ་ཆེན་པོ་དེ་བཞིན་དུ་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་རྣམས་ནི་མགུ་བར་དཀའ་བའོ། །ཚེ་དང་ལྡན་པ་མཽད་གལ་གྱི་བུ་ཆེན་པོ་འདི་ལྟ་སྟེ། དཔེར་ན་གླང་པོ་ཆེ་
D60.042.0003b05.01མཆེ་བ་ཅན་ཁ་གདངས་པའི་སོ་ཕྲག་ཏུ་འགྲོ་བ་ནི་ཤིན་ཏུ་དཀའོ། །ཚེ་དང་ལྡན་པ་མཽད་གལ་གྱི་བུ་ཆེན་པོ་དེ་བཞིན་དུ་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་རྣམས་ཀྱང་མགུ་བར་དཀའོ། །དེ་སྐད་ཅེས་སྨྲས་པ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོས་ཚེ་དང་ལྡན་པ་
D60.042.0003b06.01འཆར་ཀ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་འཆར་ཀ་དེ་ནི་དེ་ལྟ་མོད་ཀྱི། འོན་ཀྱང་ཁྱོད་ནི་དགེ་སློང་འཆར་ཀ་འདིས་རྒྱལ་པོ་ཟས་གཙང་མ་མངོན་པར་དད་པར་བྱ་བར་ནུས་སོ་ཞེས་བཅོམ་ལྡན་འདས་ཀྱིས་དགོངས་ཤིང་བཞེད་པ་ཡིན་ནོ། །སྨྲས་པ། ཚེ་དང་ལྡན་པ་
D60.042.0003b07.01