完整藏文原文 · 德格版页 当前仅加载第 42 函德格 7b 版页；藏文 NFD、目录标记与异常页序保留在来源切片中，重复版页行以稳定序号区分。
སད་དེ་དེ་བཞིན་ཏེ། བཅོམ་ལྡན་འདས་ལ་སྙུན་མི་མངའོ། །སྟོབས་དང་ལྡན་ནོ། །བདེ་བར་བཞུགས་སོ། །མི་བདེ་བ་མི་མངའོ། །དེ་ལ་ཉམ་ང་བ་ཅི་ཡང་མི་མངའོ། །བདེ་བར་བྱོན་ཏོ། །མཉེལ་བ་མེད་དོ། །བསོད་སྙོམས་ཀྱིས་འོ་བརྒྱལ་བ་མེད་དོ། །ཤཱཀྱའི་བུ་མྱ་ངན་མེད་
D60.042.0007b01.01དང་། མྱ་ངན་བྲལ་གྱིས་ཀྱང་ཚེ་དང་ལྡན་པ་འཆར་ཀ་དང་། ཤཱཀྱའི་བུ་དགའ་བའི་བཞིན་དང་། ཤཱཀྱའི་བུ་ཤིན་ཏུ་ལེགས་པར་སད་གནས་དབེན་པ་ན་འཁོད་པ་མཐོང་ནས་ཚེ་དང་ལྡན་པ་འཆར་ཀ་ག་ལ་བ་དེར་སོང་སྟེ། ཚེ་དང་ལྡན་པ་འཆར་ཀ་ལ་ཡང་དག་པར་མགུ་བར་བྱས་ནས།
D60.042.0007b02.01ཚེ་དང་ལྡན་པ་འཆར་ཀ་ཚུར་སྤྱོན། ཚེ་དང་ལྡན་པ་འཆར་ཀ་བྱོན་པ་ལེགས་སོ། །ཚེ་དང་ལྡན་པ་འཆར་ཀ་ཡུན་ཀྱང་རིང་ཞིག་ནས་བྱོན་ཏོ། །ཚེ་དང་ལྡན་པ་འཆར་ཀ་བཅོམ་ལྡན་འདས་ལ་སྙུན་མི་མངའ་འམ། སྟོབས་དང་ལྡན་ནམ། བདེ་བར་བཞུགས་སམ། མི་བདེ་བ་མི་
D60.042.0007b03.01མངའ་འམ། དེ་ལ་ཉམ་ང་བ་ཅི་ཡང་མི་མངའ་འམ། བཅོམ་ལྡན་འདས་བདེ་བར་བྱོན་ཏམ། ཤིན་ཏུ་མ་མཉེལ་ཏམ། བསོད་སྙོམས་ཀྱིས་འོ་མ་བརྒྱལ་ཏམ། དེ་སྐད་ཅེས་སྨྲས་པ་དང་། ཚེ་དང་ལྡན་པ་འཆར་ཀས་ཤཱཀྱའི་བུ་མྱ་ངན་མེད་དང་། མྱ་ངན་བྲལ་ལ་འདི་སྐད་ཅེས་
D60.042.0007b04.01སྨྲས་སོ། །མྱ་ངན་མེད་དང་། མྱ་ངན་བྲལ་བཅོམ་ལྡན་འདས་ལ་སྙུན་མི་མངའོ། །སྟོབས་དང་ལྡན་ནོ། །བདེ་བར་བཞུགས་སོ། །མི་བདེ་བ་མི་མངའོ། །དེ་ལ་ཉམ་ང་བ་ཅི་ཡང་མི་མངའོ། །བདེ་བར་བྱོན་ཏོ། །མཉེལ་བ་མེད་དོ། །བསོད་སྙོམས་ཀྱིས་འོ་བརྒྱལ་བ་མེད་
D60.042.0007b05.01དོ། །དེ་ཅིའི་ཕྱིར་ཞེ་ན། འདི་ལྟར་རྒྱལ་པོ་ཆེན་པོ་བཞི་དང་། ལྷའི་དབང་པོ་བརྒྱ་བྱིན་དང་། མི་མཇེད་ཀྱི་བདག་པོ་ཚངས་པ་དག་བཅོམ་ལྡན་འདས་ལ་མཆོད་པའི་ཕྱིར་བརྩོན་པར་བྱེད་དོ། །དེ་སྐད་ཅེས་སྨྲས་པ་དང་། ཤཱཀྱའི་བུ་དེ་དག་གིས་ཚེ་དང་ལྡན་པ་འཆར་ཀ་ལ་འདི་
D60.042.0007b06.01སྐད་ཅེས་སྨྲས་སོ། །བཙུན་པ་འཆར་ཀ་བདག་ཅག་ནི་བཅོམ་ལྡན་འདས་ལ་བལྟ་བ་དང་། བསྙེན་བཀུར་བྱ་བར་འདོད་ན་བདག་ཅག་གིས་དེ་ལྟར་མི་ནུས་སོ། །དེ་ཅིའི་ཕྱིར་ཞེ་ན། འདི་ལྟར་རྒྱལ་པོ་ཟས་གཙང་མས་ངའི་བུ་ལ་བལྟ་བའམ་བསྙེན་བཀུར་བྱ་བའི་ཕྱིར་སུ་ཡང་མ་
D60.042.0007b07.01