完整藏文原文 · 德格版页 当前仅加载第 42 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
རིན་པོ་ཆེ་སྣ་ཚོགས་ཀྱི་ཁྱམས་རྣམས་སུ་ནི་རྒྱལ་མཚན་ཁྲ་བོ་གསེར་གྱི་ཡུ་བ་བཻ་དཱུརྱས་སྤྲས་པ་དག་བཙུགས་སོ། །དེ་ལ་རྒྱལ་མཚན་སྔོན་པོ་རྣམས་ནི་ཏོག་སེར་པོ་རྒྱལ་མཚན་སེར་པོ་རྣམས་ནི་ཏོག་སྔོན་པོ། རྒྱལ་མཚན་དམར་པོ་རྣམས་ནི་ཏོག་དཀར་པོ། རྒྱལ་མཚན་དཀར་པོ་
D60.042.0022b01.01རྣམས་ནི་ཏོག་དམར་པོ། རིན་པོ་ཆེ་སྣ་ཚོགས་ཀྱི་རྒྱལ་མཚན་རྣམས་ནི་ཏོག་རིན་པོ་ཆེ་སྣ་བདུན་པ་ཤ་སྟག་གོ །རིན་པོ་ཆེའི་ཕོ་བྲང་གི་རྡལ་དེ་དག་བར་སྣང་གི་ནམ་མཁའ་ལ་ལྡིང་ཞིང་བཅོམ་ལྡན་འདས་ལ་ལན་གསུམ་སྐོར་བ་བྱེད་པར་གྱུར་ཏོ། །དེ་འདི་ལྟ་སྟེ། དཔེར་ན་སུམ་ཅུ་རྩ་གསུམ་
D60.042.0022b02.01གྱི་ལྷ་རྣམས་ཀྱི་གླང་པོ་ཆེ་ས་སྲུང་གི་བུ་ནི་བར་སྣང་གི་ནམ་མཁའ་ལས་འགྲོ་ཞིང་སུམ་ཅུ་རྩ་གསུམ་པའི་ལྷ་རྣམས་སྐྱེད་མོས་ཚལ་ཡོངས་འདུས་བརྟོལ་དུ་ཉེ་བར་འཇོག་གོ །དེ་བཞིན་དུ་ཕོ་བྲང་གི་རྡལ་དེ་དག་ཀྱང་བར་སྣང་གི་ནམ་མཁའ་ལ་ལྡིང་ཞིང་བཅོམ་ལྡན་འདས་ལ་ལན་གསུམ་སྐོར་བ་བྱེད་དོ། །
D60.042.0022b03.01རིན་པོ་ཆེའི་ཕོ་བྲང་གི་རྡལ་དེ་དག་དང་། བ་གམ་དེ་དག་དང་། བཞུགས་ས་དེ་དག་དང་། ཁང་པ་བརྩེགས་པ་དེ་དག་དང་། ཁྱམས་དེ་དག་དང་། སེང་གེའི་ཁྲི་དེ་དག་དང་། གདུགས་དེ་དག་དང་། རྒྱལ་མཚན་དེ་དག་དང་། བ་དན་དེ་དག་ལས་ལྷའི་ཙན་དན་དང་། ཨུད་པ་ལ་དང་། ཨ་
D60.042.0022b04.01ག་རུའི་ཕྱེ་མའི་ཆར་བབ་པར་གྱུར་ཏོ། །མེ་ཏོག་མན་དཱ་ར་བ་དང་། མན་དཱ་ར་བ་ཆེན་པོ་དང་། མཉྫུ་ཥ་ཀ་དང་། མཉྫུ་ཥ་ཀ་ཆེན་པོ་དང་། པ་རུ་ཥ་ཀ་དང་། པ་རུ་ཥ་ཀ་ཆེན་པོ་དང་། མདོག་དཀར་དང་། མདོག་དཀར་ཆེན་པོ་དང་། སྐྱ་སྣར་དང་། སྐྱ་སྣར་ཆེན་པོ་དང་། སྐྱ་སྣར་ཁྲ་བོ་དང་།
D60.042.0022b05.01སྐྱ་སྣར་བཀྲ་ཆེན་གྱི་ཆར་ཡང་མངོན་པར་བབ་པར་གྱུར་ཏོ། །གསེར་དང་། དངུལ་དང་། བཻ་དཱུརྱ་དང་། ཤེལ་དང་། སྤུག་དང་། རྡོའི་སྙིང་པོ་དང་། མུ་ཏིག་དམར་པོ་དང་། རིན་པོ་ཆེ་ཐམས་ཅད་ཀྱི་མེ་ཏོག་དང་། དབྱིག་དང་། གསེར་དང་། ཡིད་བཞིན་གྱི་རས་བཅོས་བུའི་ཆར་ཡང་མངོན་པར་བབ་
D60.042.0022b06.01པར་གྱུར་ཏོ། །ཡིད་བཞིན་གྱི་ནོར་བུའི་བླ་རེ་དེ་དག་གི་མཐུས་ལྷ་མ་ཡིན་གྱི་བུ་དེ་དག་རིན་པོ་ཆེ་གང་དང་གང་གི་ཆར་འབབ་པར་འདོད་པ་དེ་དང་དེ་དག་ལས་མངོན་བར་བབ་པར་གྱུར་ཏོ། །དེའི་ཚེ་སེར་སྐྱའི་གནས་ཀྱི་གྲོང་ཁྱེར་ཆེན་པོ་ནས་ཁོར་ཡུག་ཏུ་ནི་དཔག་ཚད་དྲུག་ཁྲི་འཕང་དུ་ཡང་དཔག་ཚད་དྲུག་
D60.042.0022b07.01