完整藏文原文 · 德格版页 当前仅加载第 42 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པའི་རྣམ་པར་ཤེས་པ་ཡང་སྐྱེ་བ་དང་། འཕེལ་བ་དང་། རྒྱས་པར་འགྱུར་ཏེ། འཕེལ་ནས་སྐྱེ་བར་འགྱུར་རོ། །བཙས་ནས་རྣམ་པར་འཕེལ་ལོ། །འཕེལ་ནས་སྤྱོད་པ་སྣང་བར་འགྱུར་ཏེ། འགྲོ་བ་གང་དང་གང་ནས་ཤི་འཕོས་ནས་དེ་དང་དེར་སྐྱེས་ནས་དེ་དང་འདྲ་བའི་
D60.042.0121a01.01སྤྱོད་པ་དེ་དག་དེ་སྤྱོད་པར་འགྱུར་ཏེ། དེ་དག་ཀྱང་མཁས་པས་ཤེས་པར་བྱ་བ་ཡིན་གྱི། གླེན་པས་ནི་མ་ཡིན་ནོ། །ཡུན་རིང་པོ་ནས་འགྲོགས་འགྲོགས་པས་ཤེས་པར་བྱ་བ་ཡིན་གྱིས་ཡུན་ཐུང་དུས་མ་ཡིན་ནོ། །ཡང་དག་པར་སེམས་པས་ཤེས་པར་བྱ་བ་ཡིན་གྱི། མི་བརྩོན་པས་མ་ཡིན་ནོ། །
D60.042.0121a02.01ཀུན་ཏུ་རྒྱུ་དག་དེ་ལ་སེམས་ཅན་དམྱལ་བ་ནས་ཤི་འཕོས་པའི་གང་ཟག་གི་རྟགས་མཁས་པས་ཤེས་པར་བྱ་བ་ནི་འདི་དག་ཡིན་ཏེ། འདི་ལྟ་སྟེ། སྐད་ཤ་ཤ་པོ་ཡིན། སྐད་གྱོ་དུམ་གྱི་སྒྲ་ལྟ་བུ་ཡིན། སྐད་བརྟག་དགོས་པ་ཡིན། སྐད་ཆེ་བ་ཡིན། སྐད་ལྷང་ལྷང་པོ་ཡིན། རྟག་ཏུ་དངངས་པ་
D60.042.0121a03.01ཡིན། རྟག་ཏུ་འདར་བ་ཡིན། རྟག་ཏུ་སྤུ་ཟིང་ཞེས་བྱེད་པ་ཡིན། རྨི་ལམ་ན་མེའི་ཕུང་པོ་འབར་བ་མཐོང་བ་ཡིན། རི་རྒྱུག་པར་མཐོང་བ་ཡིན། མེ་མདག་འབར་བར་མཐོང་བ་ཡིན། ལྕགས་ཟངས་ཀྱི་ནང་དུ་བཙོ་བ་མཐོང་བ་ཡིན་ལག་ན་དབྱུག་པ་ཐོགས་པའི་མི་དག་མཐོང་བ་ཡིན། སྲིན་པོ་
D60.042.0121a04.01དག་གིས་བདག་འཕང་བར་མཐོང་བ་ཡིན། བདག་ཉིད་གསོན་པོར་གསལ་ཤིང་གིས་གཟུགས་པར་མཐོང་བ་ཡིན། ཁྱི་དག་གིས་བདག་དབང་བར་མཐོང་བ་ཡིན། ཁྱི་དག་གིས་བདག་བསྐོར་བར་མཐོང་བ་ཡིན། བདག་ཉིད་གླང་པོ་ཆེ་དང་སྦྲུལ་གྱིས་གཙེས་པར་མཐོང་བ་ཡིན། ཕྱོགས་བཞིར་
D60.042.0121a05.01བྲོས་ནས་ཕྱོགས་མི་ཤེས་པ་ཡིན། སེམས་ཅན་ཀུན་ལ་ཡིད་མི་རྟོན་པ་ཡིན་ནོ། །ཀུན་ཏུ་རྒྱུ་དག་རྣམ་པ་ཉི་ཤུ་པོ་དེ་དག་གིས་སེམས་ཅན་དམྱལ་བ་ནས་ཤི་འཕོས་པའི་གང་ཟག་ཏུ་རིག་པར་བྱའོ། །ཀུན་ཏུ་རྒྱུ་དག་དེ་ལ་དུད་འགྲོའི་སྐྱེ་གནས་ནས་ཤི་འཕོས་པའི་གང་ཟག་གི་མཚན་མ་ནི་འདི་
D60.042.0121a06.01དག་ཡིན་ཏེ། འདི་ལྟ་སྟེ། རྨུགས་ཤིང་གཉིད་ཆེ་བ་ཡིན། ལེ་ལོ་ཆེ་བ་ཡིན། མང་དུ་ཟ་བ་ཡིན། ས་ལ་འདྲུད་པ་ཡིན། མི་འཇིགས་པ་མེད་པ་ཡིན། མི་གསལ་བར་སྨྲ་བ་ཡིན། གླེན་པ་ལ་དགའ་བ་ཡིན། མུན་པ་ལ་དགའ་བ་ཡིན། འདམ་རྫབ་ལ་དགའ་བ་ཡིན།
D60.042.0121a07.01