完整藏文原文 · 德格版页 当前仅加载第 42 函德格 9b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་བསྟེན་བཀའ་སྩོལ་པས། །ལྷ་དང་ལྷ་མིན་བཅས་པའི་འཇིག་རྟེན་ན། །རྒྱལ་པོ་ཁྱོད་ཀྱི་སྲས་མཆོག་རྣམ་པར་མཛེས། ཚུལ་ཁྲིམས་མཆོག་སྤྲིན་བློ་གྲོས་གློག་འབྱིན་ཅིང་། །ཡན་ལག་བརྒྱད་ལམ་ཆར་ཆེན་རླན་གྱིས་སྦེངས། །ཐུབ་པ་གཅེས་པའི་ལོ་ཏོག་འབྲས་བུ་སྩོལ། །
D60.042.0009b01.01ཁྱོད་ཀྱི་སྲས་ནི་ཀླུ་ཆེན་འབྲུག་སྒྲ་སྒྲོགས། །རྒྱལ་པོས་སྨྲས་པ། གང་ཟག་མཆོག་དེ་བདེ་བར་འོངས་སམ་ཅི། །བསོད་སྙོམས་རྒྱུ་བས་འདྲེན་པ་མ་ངལ་ལམ། །དེ་ཡི་ལུས་ལ་ངལ་བས་དུབ་མེད་དམ། །ཐང་གནས་ཨུད་པ་ལ་བཞིན་མ་རྙིས་སམ། །འཆར་ཀས་སྨྲས་པ།
D60.042.0009b02.01རྫུ་འཕྲུལ་སྟོབས་མངའ་བསམ་གཏན་སྤྱོད་ཡུལ་ཅན། །དགྱེས་ཤིང་བདེ་བས་ཡན་ལག་ཡོངས་རྒྱས་ཏེ། །ཐུབ་པ་ཞི་བའི་སྙོམས་འཇུག་གནས་བཅས་པས། །གསེར་གྱི་པད་མ་ལྟ་བུར་རྒྱལ་མི་རྙིས། །རྒྱལ་པོས་སྨྲས་པ། སྔན་ཆད་རྫ་རྔ་རྔ་བྲན་སྒྲས་བསྐུལ་ཞིང་། །གླིང་
D60.042.0009b03.01བུའི་སྒྲ་སྙན་ང་རོས་བསྐུལ་བྱས་ཏེ། །བུད་མེད་གླུ་ཡི་དབྱངས་ཀྱིས་བསླང་བསླང་ནས། །ད་ལྟར་སད་ན་སྡུག་བསྔལ་མི་མྱོང་ངམ། །འཆར་ཀས་སྨྲས་པ། །བསམ་གཏན་དགོངས་པས་ཏིང་འཛིན་ཞི་ཡུལ་ཅན། །ཏིང་འཛིན་བསྒྲུབ་པའི་ཚུལ་ལ་མཁས་པ་སྟེ། །མནལ་ཏམ་
D60.042.0009b04.01བཞེངས་སམ་བཞུད་དམ་བཞུགས་པ་ན། །སྡུག་བསྔལ་མི་མངའ་རྒྱལ་བ་རྟག་ཏུ་དགྱེས། །རྒྱལ་པོས་སྨྲས་པ། ཆེ་བའི་རྐྱེན་འོས་མལ་མཆོག་བཤམས་པ་ལ། །མེ་མར་སྡོང་པོས་ཀུན་ནས་མཐའ་བསྐོར་ཏེ། །བུད་མེད་ཚོགས་ཀྱིས་བསྐོར་ཅིང་ཉལ་ཉལ་ན། །ད་ལྟར་
D60.042.0009b05.01མུན་པར་ཉལ་ན་ཅིས་མི་རྨོངས། །འཆར་ཀས་སྨྲས་པ། ཐུབ་ཆེན་འཕགས་པ་གཟིམས་མལ་གཟིམས་པ་ནི། །བྱམས་པའི་གདན་བཏིང་ཐུགས་རྗེས་བདེ་བར་བཞེངས། །དགའ་བའི་གནས་པས་དགྱེས་དང་ལྡན་པས་ན། །སྲིད་མེད་བཏང་སྙོམས་ཅན་ལ་རྨོངས་མི་མངའ། །རྒྱལ་
D60.042.0009b06.01པོས་སྨྲས་པ། ཤཱཀྱ་དཔའ་བོས་དེ་རྟག་མདུན་དུ་བདར། །བསྟན་བཅོས་མཁས་དང་རྩེ་ཞིང་དགའ་བྱས་ཏེ། །གཞལ་མེད་ཁང་འདྲའི་ཁྱིམ་དུ་དགའ་བྱས་ན། །ང་ཡི་བུ་དེ་ནགས་མཐར་ཇི་ལྟར་དགའ། །འཆར་ཀས་སྨྲས་པ། །ཆོས་ཀྱིས་བྱུང་བ་ཞི་སེམས་ལྡན་རྣམས་ཀྱིས། །
D60.042.0009b07.01