完整藏文原文 · 德格版页 当前仅加载第 42 函德格 82b 版页；藏文 NFD、目录标记与异常页序保留在来源切片中，重复版页行以稳定序号区分。
གྲོལ་བ་མ་མཆིས་བཅིངས་པའང་མ་མཆིས་ཏེ། །སེམས་ཅན་དཀོན་མཆོག་འདི་ལ་བདག་ཅག་ཐེ་ཚོམ་མ་མཆིས་ཁྱོད་ལ་མཆོད། །རྐང་གཉིས་གཙོ་བོ་ཁྱོད་ཀྱིས་བཞི་ཕྲག་གཉིས་ལམ་སེམས་ཅན་རྣམས་ལ་བསྟན། །བརྩོན་འགྲུས་ལྡན་པར་འཕགས་ལམ་སྡུག་བསྔལ་མཐའ་
D60.042.0082b01.01མར་འབྱིན་པ་སྒོམས་ཞེས་གསུངས། །མི་མཆོག་ལམ་དང་དེ་བཞིན་ཉོན་མོངས་འདི་གཉིས་གཡོ་བ་མ་མཆིས་ཏེ། །འདི་ལ་ལྷ་ཚོགས་ཐེ་ཚོམ་མ་མཆིས་གྱུར་པས་མཆོད་འོས་ཁྱོད་ལ་མཆོད། །འདོད་ཆགས་གཉེན་པོར་ཞི་གནས་བཀའ་སྩལ་ཞེ་སྡང་གཉེན་པོར་བྱམས་པ་གསུངས། །
D60.042.0082b02.01གཏི་མུག་གཉེན་པོར་ལྷག་མཐོང་ཐུབ་པ་མཆོག་གིས་སེམས་ཅན་རྣམས་ལ་བསྟན། །འདི་དག་ཐམས་ཅད་གཡོ་བ་མ་མཆིས་སྐད་ཅིག་དག་མིན་ཉོན་མོངས་མིན། །འདི་ལ་ལྷ་ཚོགས་ཐེ་ཚོམ་མ་མཆིས་ཐུབ་པ་མཆོད་སླད་རྟག་ཏུ་བརྩོན། །སྡུག་བསྔལ་ཞི་བྱ་ཕྱིར་ནི་ཞི་གནས་ལྷག་
D60.042.0082b03.01མཐོང་ལམ་ཡང་སྒོམས་ཞེས་གསུངས། །བཅོམ་ལྡན་གང་གིས་འགྲོ་བ་ཉོན་མོངས་བག་ཆགས་བཅས་དྲི་དེ་དག་ཞི། །ཐུབ་པ་ཞི་གནས་ལྷག་མཐོང་དེ་བཞིན་དྲི་མ་ཐམས་ཅད་སྟོང་པ་སྟེ། །འདི་ལ་ལྷ་ཚོགས་གང་དུའང་ཐེ་ཚོམ་མ་མཆིས་སྐྱོན་བྲལ་ཁྱོད་ལ་མཆོད། །སྟོབས་བཅུ་
D60.042.0082b04.01སེམས་ཅན་རྣམས་ལ་དགེ་བ་བཅུ་ཡི་ལས་ལམ་བསྟན་མཛད་དེ། །གསོད་དང་འཁྲིག་དང་མ་བྱིན་ཕྲ་མ་{བརྫུན་,རྫུན་}དང་ཞེ་གཅོད་ཀྱལ་ཚིག་དང་། །གནོད་སེམས་དང་ནི་མི་རིགས་འདོད་དང་དེ་བཞིན་ལོག་པར་རྟོག་པ་རྣམས། །མི་དགེའི་ལས་ལམ་འདི་ཡང་བཅོམ་ལྡན་འདས་ཀྱིས་
D60.042.0082b05.01སེམས་ཅན་རྣམས་ལ་བསྟན། །སེམས་ཅན་མི་དམིགས་གསོད་པ་ག་ལ་མཆིས་ཏེ་ལྷག་མ་དེ་དང་འདྲ། །གཉེན་པོ་དགེ་བ་མ་མཆིས་དེ་ནི་ངོ་བོ་ཉིད་ཀྱིས་སྟོང་པ་སྟེ། །བདེ་གཤེགས་ཐུབ་པ་ཟག་པ་མི་མངའ་རྣམས་ཀྱང་ངོ་བོ་ཉིད་ཀྱིས་སྟོང་། །རྣམ་འདྲེན་ཐེ་ཚོམ་སོམ་ཉི་མ་
D60.042.0082b06.01མཆིས་དེ་སླད་ཁྱོད་ལ་མཆོད་པར་འཚལ། །སངས་རྒྱས་སྲས་པོ་དགེ་བའི་བློ་ཅན་གང་ཞིག་སྤྱོད་པ་འདི་སྟེན་པ། །མཁས་པ་ཀུན་ཏུ་དགེ་བ་ཉིད་མྱོང་སྡུག་བསྔལ་མྱོང་བར་ཡོང་མི་འགྱུར། །བཅོམ་ལྡན་བདེ་གཤེགས་ཡེ་ཤེས་དེས་ནི་ཚུལ་འདི་བདེ་བར་ཐོབ་པར་བགྱིས། །འདི་
D60.042.0082b07.01