完整藏文原文 · 德格版页 当前仅加载第 42 函德格 77a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བ་སྣ་ཚོགས་འབྱུང་བ་དེ་བཞིན་དུ་ཆོས་ཐམས་ཅད་བལྟ་བར་བགྱིའོ། །དེ་ཅིའི་སླད་དུ་ཞེ་ན། བཅོམ་ལྡན་འདས་རྨི་ལམ་གྱི་བྱ་བ་ནི་མ་སྐྱེས་པ། མ་བྱུང་བ། དངོས་པོ་མ་མཆིས་པ་སྟེ། འོན་ཀྱང་དེ་དག་ལ་གདགས་པར་གསུངས་སོ། །དེ་བཞིན་དུ་ཆོས་ཐམས་ཅད་ཀྱི་
D60.042.0077a01.01བྱེད་པ་ཡང་འཚལ་བར་བགྱིའོ། །བཅོམ་ལྡན་འདས་འདི་ལྟ་སྟེ། དཔེར་ན་བྲག་ཅ་ལ་ཐ་སྙད་མཆིས་པ་དེ་བཞིན་དུ་ཆོས་ཐམས་ཅད་ཀྱི་ཐ་སྙད་ཀྱང་བལྟ་བར་བགྱིའོ། །བཅོམ་ལྡན་འདས་འདི་ལྟ་སྟེ། དཔེར་ན་སྒྱུ་མའི་སྐྱེས་བུ་ལ་གདགས་པ་མཆིས་པ་དེ་བཞིན་དུ་ཆོས་ཐམས་ཅད་
D60.042.0077a02.01ཀྱི་གདགས་པར་བལྟའོ། །བཅོམ་ལྡན་འདས་འདི་ལྟ་སྟེ། དཔེར་ན་སྨིག་རྒྱུ་ལ་ཆབ་ཏུ་གདགས་པའི་ཐ་སྙད་མཆིས་པ་དེ་བཞིན་དུ་ཆོས་ཐམས་ཅད་ཀྱི་ཐ་སྙད་བལྟ་བར་བགྱིའོ། །བཅོམ་ལྡན་འདས་འདི་ལྟ་སྟེ། དཔེར་ན་མེ་ལོང་གི་དཀྱིལ་འཁོར་ལ་བུད་མེད་ཀྱི་གཟུགས་སམ།
D60.042.0077a03.01སྐྱེས་པའི་གཟུགས་ཀྱི་ཐ་སྙད་མཆིས་པ་དེ་བཞིན་དུ་ཆོས་ཐམས་ཅད་ཀྱི་ཐ་སྙད་བལྟ་བར་བགྱི་སྟེ། བཅོམ་ལྡན་འདས་བྱིས་པ་རྣམས་དགའ་བར་བགྱི་བའི་སླད་དུ་རྨི་ལམ་གྱི་བྱ་བ་ཐ་སྙད་དུ་བགྱིའི་རྨི་ལམ་གྱི་བྱ་བ་དེ་དག་ནི་མ་མཆིས་སོ། །བཅོམ་ལྡན་འདས་དེ་བཞིན་དུ་བྱིས་པ་
D60.042.0077a04.01དགའ་བར་བགྱི་བའི་སླད་དུ་མིག་ཡོར་དང་། སྨིག་རྒྱུ་དང་། བྲག་ཅའི་བྱ་བ་དག་ཀྱང་ཐ་སྙད་དུ་བགྱི་སྟེ། བྲག་ཅ་ལ་བྱ་བ་མ་མཆིས་སོ། །བཅོམ་ལྡན་འདས་དེ་ལྟར་བདག་ཅག་གིས་བཅོམ་ལྡན་འདས་ཀྱིས་གསུངས་པའི་དོན་འཚལ་ཏེ། བཅོམ་ལྡན་འདས་འདི་ནི་ཆོས་ཐམས་ཅད་
D60.042.0077a05.01སྣང་བ་ཞེས་བགྱི་བའི་ཏིང་ངེ་འཛིན་ཏོ། །དེ་སྐད་ཅེས་གསོལ་ནས་འོད་གསལ་གྱི་ལྷ་རྣམས་ཀྱིས་བཅོམ་ལྡན་འདས་ལ་ཚིགས་སུ་བཅད་པ་དག་གིས་མངོན་པར་བསྟོད་པ། བདེ་གཤེགས་ཁྱོད་ཀྱིས་ཚུལ་གཅིག་མཁྱེན་ཏེ་འོན་ཀྱང་གཞན་དང་གཞན་དུ་གསུངས། །ཐུབ་པ་
D60.042.0077a06.01འཇིག་རྟེན་མཁས་པའི་སྲས་རྣམས་རྣམ་པར་རོལ་པའང་དེ་བཞིན་ནོ། །དེ་ལ་འཇིག་རྟེན་བློ་མེད་བདག་ཏུ་ལྟ་བ་རྣམས་ཀྱིས་ཁོང་མི་ཆུད། །བདག་གི་དོན་དེ་ཕྱོགས་བཅུར་མ་མཆིས་བདག་ཉིད་ཀྱིས་ནི་འགྲོ་བ་སྟོང་། །སྒྱུ་མ་གསོག་དང་སྨིག་རྒྱུ་ཆུ་མ་མཆིས་ལ་ཆབ་ཀྱི་འདུ་ཤེས་
D60.042.0077a07.01