完整藏文原文 · 德格版页 当前仅加载第 42 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་ལ་ནི་གང་སེམས་པ། །དེ་དག་སྤྱོད་ཡུལ་མ་ཡིན་མེད། །ལྷའི་བུ་ཆོས་ཀྱི་དབྱིངས་ལ་ངེས་པར་བྱུང་གིས་གསོལ་པ། མི་མཆོག་ཁྱོད་ཀྱི་སྲས་ཀྱི་རྣམས། །ཆོས་ཀྱི་དབྱིངས་ལ་ངེས་བྱུང་སྟེ། །འདྲེན་པ་ཁྱོད་ཀྱི་སྲས་དེ་དག །མཚན་ཉིད་གཅིག་གིས་ངེས་བྱུང་ལགས། །ལྷའི་
D60.042.0103b01.01བུ་ཆོས་ཀྱི་དབྱིངས་ཀྱི་སྤྱོད་ཡུལ་གྱིས་གསོལ་པ། །ཆོས་རྣམས་ཀུན་གྱི་སྤྱོད་ཡུལ་ནི། །ཆོས་ཀྱི་དབྱིངས་ཞེས་རྒྱལ་བས་གསུངས། །དཔའ་བོ་ཁྱོད་ནི་གང་སྤྱོད་པའི། །ཡེ་ཤེས་དེ་ནི་བསམ་མི་ཁྱབ། །ལྷའི་བུ་ཆོས་ཀྱི་དབྱིངས་ལ་ཞུགས་པས་གསོལ་པ། །ཆོས་ཀྱི་དབྱིངས་ལ་
D60.042.0103b02.01གང་ཞུགས་པ། །དེ་དག་ཡེ་ཤེས་བསམ་ཡས་ཏེ། །སངས་རྒྱས་ཆོས་ལ་ཐེ་ཚོམ་མེད། །སེམས་ཅན་བསམ་ལ་དེ་དག་མཁས། །ལྷའི་བུ་ཆོས་ཀྱི་དབྱིངས་ལ་བབ་ཀྱིས་གསོལ་པ། གང་དག་ཆོས་ཀྱི་མཚན་ཉིད་གཅིག །ཆོས་ཀྱི་དབྱིངས་ལ་བབ་པ་རྣམས། །དེ་དག་སྤོབས་
D60.042.0103b03.01པའི་སྟོབས་བསྐྱེད་པ། །བསམ་གྱིས་མི་ཁྱབ་ཐོབ་པར་འགྱུར། །ལྷའི་བུ་ཆོས་ཀྱི་དབྱིངས་ལ་འཇིགས་པ་མེད་པས་གསོལ་པ། གང་དག་དེ་དག་གནས་པ་ཡི། །འཇིགས་པ་མེད་པ་ཐོབ་མེད་པས། །དེ་དག་རྣམས་ཀྱི་སྤོབས་དང་སྟོབས། །དེ་ལ་མཚུངས་པ་མེད་པ་འབྱུང་། །ལྷའི་
D60.042.0103b04.01བུ་ཆོས་ཀྱི་དབྱིངས་ལ་མཁས་པས་གསོལ་པ། ཁྱོད་ནི་ཆོས་དབྱིངས་མཁས་པ་སྟེ། །ཆོས་རྣམས་ཀུན་ལ་ཤིན་ཏུ་མཁས། །ལག་མཐིལ་སྐྱུ་ར་ར་བཞག་བཞིན། །ཆོས་ཀྱི་དབྱིངས་ཀྱང་རྣམ་པར་སྟོན། །ལྷའི་བུ་ཆོས་ཀྱི་དབྱིངས་ལ་གནས་པས་གསོལ་པ། ཆོས་རྣམས་རང་བཞིན་
D60.042.0103b05.01མེད་གཟིགས་པས། །ཁྱོད་ནི་ཆོས་ཀྱི་དབྱིངས་ལ་བཞུགས། །མི་གནས་ཞུམ་པ་མ་མཆིས་ཏེ། །བཟུང་བ་མ་མཆིས་བཏང་མ་མཆིས། །ལྷའི་བུ་ཆོས་ཀྱི་དབྱིངས་ལ་སྤྱོད་པས་གསོལ་པ། སངས་རྒྱས་སྤྱོད་ཡུལ་གང་ལགས་པའི། །ཆོས་ཀྱི་དབྱིངས་ལ་ཁྱོད་སྤྱོད་དེ། །བར་
D60.042.0103b06.01སྣང་མཁའ་དང་འདྲ་བ་ཡི། །འཇིག་རྟེན་མགོན་ལ་ཕྱག་ཀྱང་འཚལ། །ལྷའི་བུ་ཆོས་ཀྱི་དབྱིངས་ལ་རྟོན་པས་གསོལ་པ། གང་དང་གང་གི་སྒོ་དག་ནས། །སྐྱེས་བུ་དམ་པ་སྟོན་མཛད་པ། །དེ་ཡི་སྒོ་ནས་ཆོས་དབྱིངས་སྟོན། །དེ་ཕྱིར་རྟགས་དང་གཟུགས་མ་མཆིས། །ལྷའི་བུ་ཆོས་
D60.042.0103b07.01