完整藏文原文 · 德格版页 当前仅加载第 42 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དང་ཡང་སོས་རྩ་གཅོད་པ་ཡིན། རྒྱུན་དུ་རྐང་པའི་མཐེ་བོས་ས་རྐོ་བ་ཡིན། ཡང་དང་ཡང་མགོ་ལ་སྦྲང་མ་འདུ་བ་ཡིན། ཡང་དང་ཡང་ནམ་མཁའ་ལ་སོས་འདེབས་པ་ཡིན། ཀུན་ཏུ་བསྐུམས་ཏེ་ཉལ་བ་ཡིན། ས་ལ་ཉལ་བ་ཡིན། མི་གཙང་བས་མི་འདོག་པ་ཡིན། ཡང་
D60.042.0121b01.01དང་ཡང་ནམ་མཁའ་ལ་མནོམ་པ་ཡིན། ཡང་དང་ཡང་མ་སྨིན་པར་ཟ་བ་ཡིན། གཞན་དུ་སྨྲ་ཞིང་གཞན་དུ་བྱེད་དེ་གཡོ་བྱེད་པ་ཡིན། བབ་བབ་ཏུ་སྤྱོད་པ་ཡིན། རྨི་ལམ་ན་བདག་རྫབ་ཀྱིས་གོས་པར་རྨི་བ་ཡིན། རྨི་ལམ་ན་བདག་ནགས་སུ་སོང་སྟེ་རྩྭ་ཟ་བར་རྨི་བ་ཡིན། སྦྲུལ་གདུག་
D60.042.0121b02.01པས་བདག་བསྐོར་བར་མཐོང་བ་ཡིན། བདག་ཉིད་རི་ཁྲོད་དུ་ཞུགས་པར་མཐོང་བ་ཡིན་ཏེ། ཀུན་ཏུ་རྒྱུ་དག་དེ་དག་ལ་སོགས་པ་དུད་འགྲོའི་སྐྱེ་གནས་ནས་ཤི་འཕོས་པའི་གང་ཟག་གི་མཚན་མ་རྣམ་པ་དུ་མར་ཤེས་པར་བྱ་སྟེ། དེ་དག་ནི་བསྐལ་པའམ། བསྐལ་པ་ལས་ལྷག་པར་བརྗོད་ཀྱང་
D60.042.0121b03.01ཟད་པར་མི་ནུས་སོ། །ཀུན་ཏུ་རྒྱུ་དག་དེ་ལ་གཤིན་རྗེའི་འཇིག་རྟེན་ནས་ཤི་འཕོས་པའི་གང་ཟག་གི་མཚན་མ་ནི་འདི་དག་ཡིན་ཏེ། འདི་ལྟ་སྟེ། སྐྲ་སེར་བ་ཡིན། མིག་ཝའི་མིག་ལྟ་བུ་ཡིན། རྟག་པར་བཀྲེས་པ་ཡིན། རྟག་ཏུ་སྐོམ་པ་ཡིན། སེར་སྣ་ཆེ་བ་ཡིན། འདོད་ཆེན་ཆེ་བ་དང་།
D60.042.0121b04.01འཐོབ་པ་མི་རྙེད་པ་ཡིན། གཞན་གྱི་ལ་རེ་བ་ཡིན། ཁྲོ་བ་ཡིན། མིག་དམར་བ་ཡིན། བཟའ་བ་ཐམས་ཅད་ལ་སྲེད་པ་ཡིན། བདོག་པ་ཐམས་ཅད་ལ་ཆགས་པ་ཡིན་སྦྱིན་པའི་གནས་དག་མཐོང་བར་མི་འདོད་པ་ཡིན། དངོས་པོ་ཀུན་ལ་ཡང་དེ་བརྐུ་བའི་སེམས་ཡོད་པ་ཡིན། དངོས་པོ་
D60.042.0121b05.01ངན་པ་རྣམས་ལ་ཡང་དགའ་བ་ཡིན། འཐོབ་པ་ལ་མོས་པ་ཡིན། ཟས་སྐོམ་མི་གཙང་བ་ལ་དགའ་བ་ཡིན། གཞན་གྱི་ཕུན་སུམ་ཚོགས་པ་ལ་ཕྲག་དོག་བྱེད་པ་ཡིན། གཞན་གྱི་ལོངས་སྤྱོད་ལ་སྲེད་པ་སྐྱེད་པ་ཡིན། གཞན་གྱི་ལོངས་སྤྱོད་གང་ཡིན་པ་དེ་དག་ལ་བདག་གི་སྙམ་དུ་
D60.042.0121b06.01སེམས་པ་ཡིན། ཟས་གཏོར་ན་སེམས་མི་དགའ་བ་ཡིན། ཚོང་འདུས་ཀྱི་སྲང་དག་ནས་ཀྱང་ཤིང་ཐོག་ལེན་པ་ཡིན་ཏེ། ཀུན་ཏུ་རྒྱུ་དག་གཤིན་རྗེའི་འཇིག་རྟེན་ནས་ཤི་འཕོས་པའི་གང་ཟག་གི་རྟགས་ཀྱི་བྱེ་བྲག་ནི་དེ་དག་ལ་སོགས་པ་མཐའ་ཡས་པར་ཤེས་པར་བྱའོ། །ཀུན་ཏུ་རྒྱུ་དག་
D60.042.0121b07.01