完整藏文原文 · 德格版页 当前仅加载第 42 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ལྷ་ཚོགས་ཐེ་ཚོམ་མ་མཆིས་མཆོད་འོས་ཁྱོད་ལ་མཆོད་པར་འཚལ། །དེ་ལྟར་དགེ་རྒྱས་ཀྱི་ལྷ་རྣམས་ཀྱིས་བཅོམ་ལྡན་འདས་ལ་མངོན་པར་བསྟོད་ནས་ཅང་མི་ཟེར་བར་འཁོད་དོ། །དེ་ནས་བཅོམ་ལྡན་འདས་ཀྱིས་དགེ་རྒྱས་ཀྱི་ལྷ་རྣམས་ཅང་མི་ཟེར་བར་
D60.042.0083a01.01འཁོད་པ་ཡང་མཁྱེན། དེ་དག་གི་ལྷག་པའི་བསམ་པས་སྒྲུབ་པ་ཡང་ཐུགས་སུ་ཆུད་ནས་དེའི་ཚེ་འཛུམ་པ་མཛད་དོ། །དེ་ནས་ཚེ་དང་ལྡན་པ་རྟ་ཐུལ་གྱིས་བཅོམ་ལྡན་འདས་ལ་ཚིགས་སུ་བཅད་དེ་གསོལ་བ། །སྐྱེ་བོ་འདི་ཀུན་བཅོམ་ལྡན་ཁྱོད་ཀྱི་མཁྱེན་པའི་ཟིལ་གྱིས་ཟིལ་
D60.042.0083a02.01མནན་ནས། །བདེ་གཤེགས་རྒྱལ་བ་མཆོག་ཁྱོད་ཀྱིས་ནི་འཛུམ་མཛད་པ་འདི་འཇིག་རྟེན་བསྟན། །རྒྱུ་མ་མཆིས་པར་ཆོས་ཀུན་མཁས་པ་རྣམས་ནི་འཛུམ་པ་མི་མཛད་ན། །འཛུམ་རྒྱུ་དོན་གཉེར་མིག་མེད་རྣམས་ལ་འཇིག་རྟེན་མཁས་པས་བཀའ་སྩལ་གསོལ། །མ་ལུས་
D60.042.0083a03.01འདི་དག་ཐམས་ཅད་གཞན་དུ་མི་སེམས་ཁྱོད་འཛུམ་རེ་ཞིང་འཁོད། །དཔལ་སྟུག་ཁྱོད་ལ་བསྟོད་པ་བགྱིད་ཅིང་ཉན་པར་འཚལ་བའི་ཡིད་ཀྱིས་གནས། །སངས་རྒྱས་གསུང་གི་དབང་ཕྱུག་ཐོས་ནས་ཡིད་ནི་རབ་ཏུ་རངས་གྱུར་ཏེ། །ཆོས་རྣམས་ཀུན་ལ་ངེས་པའི་བློ་དགེ་ལྡན་པའི་
D60.042.0083a04.01སྟོན་པར་སྐྱེ་བར་འགྱུར། །བདེ་གཤེགས་མི་མཆོག་དགེ་བའི་ཐུགས་ཅན་དེ་རིང་སུ་ཞིག་བློ་གྲོས་བསྐྱེད། །དེ་རིང་གང་གིས་འཆི་མེད་ཞི་བ་རྟོགས་ཤིང་ཕྱོགས་རྣམས་སྣང་བར་བགྱིས། །སུ་ཞིག་འཇིག་རྟེན་ཐུགས་བརྩེ་རྒྱལ་བ་འདྲེན་པ་དཔག་ཏུ་མེད་འགྱུར་བ། །དེ་དག་
D60.042.0083a05.01བཀའ་སྩོལ་དྲང་སྲོང་འཁོར་འདི་ལེགས་པར་གསུངས་པས་ཚིམ་པར་མཛོད། །རྒྱལ་བ་ཁྱུ་མཆོག་དགེ་སྦྱོང་དམ་པ་དེང་སུ་བཙུན་ལ་དད་པ་སྐྱེས། །བདུད་ཀྱི་མི་ཕྲོགས་བློ་ལྡན་གང་ཞིག་ཆོས་ལ་ཡང་དག་ཡོངས་སུ་གནས། །སངས་རྒྱས་སྲས་པོ་ཚུལ་མཁས་གང་ཞིག་དེ་རིང་
D60.042.0083a06.01ངེས་པ་ཐོབ་པར་འགྱུར། །རྐང་གཉིས་གཙོ་བོ་དེ་དག་བཀའ་སྩོལ་འགྲོ་འདི་ཐེ་ཚོམ་མ་མཆིས་མཛོད། །བདེ་གཤེགས་དེང་སུ་འགྲོ་ལ་དང་བསྐྱེད་སྐྱེ་དགུ་རྣམས་ལ་བྱམས་གྱུར་ཅིང་། །བྱང་ཆུབ་མཐར་ཕྱིན་བློ་གྲོས་བརྟན་ཞིང་ཐམས་ཅད་མཁྱེན་པ་ཉིད་ལ་གནས། །གང་ལ་འཛུམ་
D60.042.0083a07.01