完整藏文原文 · 德格版页 当前仅加载第 42 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
བགྱི་བ་རྣམས། །རྐང་གཉིས་མཆོག་གསུང་ཇི་ལྟ་བུ། །ལྡེམ་པོར་གསུངས་པ་འདི་དག་ཀྱང་། །དགྲ་བསལ་བཅོམ་ལྡན་བདག་མ་འཚལ། །རང་བཞིན་སྟོང་སྟེ་སྟོང་པ་ཡང་། །རྟོགས་ཞེས་མགོན་གསུང་ཇི་ལྟ་བུ། །ཐེ་ཚོམ་རྣམ་པ་འདི་འདྲ་སྐྱེས། །
D60.042.0050a01.01ཤེས་རབ་དཔེ་མེད་བདག་མ་འཚལ། །ཞི་བ་ཡོད་ཅེས་བཀའ་སྩལ་པ། །ཆོས་ཀུན་ཞི་གསུངས་ཇི་ལྟ་བུ། །མཚུངས་མེད་འདི་འདྲའི་ལྡེམ་པོ་དག །བདག་ལ་རྣམ་པར་བསྟན་དུ་གསོལ། །སྐུ་མཛེས་གྱུར་ཀྱང་ཆོས་ཀྱི་རྣམས། །ནམ་མཁའ་འདྲར་གསུངས་ཇི་ལྟ་བུ། །ཆོས་
D60.042.0050a02.01ནི་རབ་ཏུ་སྤང་བགྱིས་ན། །མི་མཁས་དམྱལ་ལྟུང་ཇི་ལྟ་བུ། །བརྟན་པ་མཐོ་རིས་འཇིག་རྟེན་དང་། །འགྲོ་བ་གཞན་ཡང་གསུངས་པ་དང་། །ལས་དེ་བགྱིད་པ་མ་མཆིས་ལ། །རང་ལས་ཅན་གསུང་ཇི་ལྟ་བུ། །བཀའ་སྩལ་ཚུལ་འདི་རྣམ་པ་ཡང་། །ཟིལ་གྱིས་མི་ནོན་
D60.042.0050a03.01བདག་མ་འཚལ། །མགོན་པོ་དེ་ལ་བདག་དོགས་ན། །བདེ་གཤེགས་བདག་གི་ཐེ་ཚོམ་སོལ། །དགེ་བའི་ཚོགས་གྱུར་མ་མཆིས་ལ། །བྱང་ཆུབ་ཡང་དག་བསྒྲུབ་པའང་གསུངས། །དགེ་སྦྱོང་རྒྱལ་པོའི་གསུང་གི་ཚུལ། །དེ་སྐད་བཀའ་སྩལ་བདག་མ་འཚལ། །ཆོས་རྣམས་
D60.042.0050a04.01ཟད་པ་མེད་གསུངས་ལ། །སྤོང་བྱེད་ལས་ནི་ཟད་བསྟན་པ། །ཚད་མེད་བློ་མངའ་འདི་ལ་ཡང་། །བདག་ནི་ཡིད་གཉིས་ཐེ་ཚོམ་འཚལ། །ཡང་དག་མཐའ་ཡང་བཀའ་སྩལ་ལ། །མ་ནོར་སྦྱིན་པའང་བསྟན་མཛད་པ། །འདི་ཡང་རབ་རིབ་བྲལ་བ་ཡི། །སྤྱན་མངའ་སྡིག་
D60.042.0050a05.01སྤངས་བསྟན་དུ་གསོལ། །ཐམས་ཅད་གཟིགས་པ་མ་གཏོགས་པར། །གཞན་གྱིས་བདག་གི་ཐེ་ཚོམ་འདི། །སེལ་ནུས་མ་མཆིས་དེ་ལྟ་བས། །བདག་ནི་རྒྱལ་བ་མཆོག་ལ་དད། །དེ་ནས་བཅོམ་ལྡན་འདས་ཀྱིས་མིའམ་ཅིའི་རྒྱལ་པོ་ལྗོན་པས་ཐེ་ཚོམ་དྲིས་པ་འདི་དག་གསན་
D60.042.0050a06.01ནས་དེ་ལ་ལན་གདབ་པའི་ཕྱིར་མིའམ་ཅིའི་རྒྱལ་པོ་ལྗོན་པ་ལ་ཚིགས་སུ་བཅད་དེ་སླར་བཀའ་སྩལ་པ། སྟོང་པ་ཉིད་དང་ལུང་བསྟན་པ། །བདག་གིས་མ་འཚལ་ཅེས་སྨྲས་པ། །གལ་ཏེ་འགའ་ཞིག་མི་སྟོང་ན། །རྒྱལ་བས་དེ་ལུང་བསྟན་མི་གསུང་། །ཅི་ཕྱིར་ཞེ་ན་འདི་ལྟ་
D60.042.0050a07.01